| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
was macht ihr nach der hz mit eurem kleid?
 1 2 3
21.07.09 19:19
Yasi 

Re: was macht ihr nach der hz mit eurem kleid?

Hoi Silver83

I glaube nöd, dass ich s'Kleid wirde verchaufe. da hanig glaub schono dra. ich wirdes sicher ide Kleiderhülle loh und villicht wieder emol füreneh. villicht tuenis denn nacheme Zyytli verchaufe oder so. aber gad nachm Hochzig chani mir das nöd vorstelle.

Es Pärli woni kenne (die sind scho über 30 Johr verhürotet) tüend jedes Johr am Hochzigstag s'Bruutkleid und de Aazug aalegge und denn es Föteli mache. Die händ etz e cooli Fotireihe vo sich. klar, sie passed etzt nüme glich guet ine, wie damals bim Hochzig. aber d'Idee findi glich cool.

Mir froied ois extrem fescht uf oises Hochzig am 1. August 2009!
21.07.09 19:57
silver83 

Re: was macht ihr nach der hz mit eurem kleid?

hey yasi, das isch jo e mega idee! wen i mier mis mami (sind au scho 30 johr ghürotä) in ihrem hz-chleid vorselltä

das sind sicher u lustigi fotnä wordä. die idee find i au super. minä ma tuet sinä azug aber mietä, er hät susch kei verwendig meh däzue.

naja, ich chans jo den all johr wieder alegä

Lg


Sid am 13.02.2009 verhürotet und am 02.10.2010 isch üserä grossi tag
22.07.09 10:32
maju 

Re: was macht ihr nach der hz mit eurem kleid?

hoi zäme
i versueches z verchoufe, i has uf heiraten.ch usgschribe, aber äs het sich no niemer gmäldet i dänke dasmes im Internet cha verchoufe isch d chance rächt chlin, äs het so viu agebot! wes nid klappet wirde ig no im Coop, Migros etc. äs Inserat mache, u we das o nid klappet, wirde igs wahrscheinlich ine Secondhand lade gä! mau luege, viellicht klappets när so.......
mir hürate am 02.05.2009
22.07.09 10:40
silver83 

Re: was macht ihr nach der hz mit eurem kleid?

hey maja, das han i au scho kört, dass es schwirig sich sis chleid wieder zverchafä. wünsch dier no viel glück derbi



Sid am 13.02.2009 verhürotet und am 02.10.2010 isch üserä grossi tag
22.07.09 10:47
maju 

Re: was macht ihr nach der hz mit eurem kleid?

ja danke
i dänke haut, äs geit jedes Brütli gärn ine Brautlade sich mau wine Prinzessin ga füehle! u das Feeling hetme haut eifach nid wemes über z internet aluegt u när zu öperem hei geit ga probiere, me cha o nid vergliche oder so........... aber i hoffe itze mau no chli witer!
mir hürate am 02.05.2009
22.07.09 10:57
silver83 

Re: was macht ihr nach der hz mit eurem kleid?

ich bin ins brutgschäft go luegä was mier stoht und was nid, und nochhär han i au bi dä bruchtä glueget, aber alles was mier gfallä hät isch nid in minärä grössi gsi und susch viel zwit wäg zum go aluegä... ja es isch halt schwirig, aber chopf hoch!
in emnä chlinä brutladä wo au chleider vermietet chasch jo mol afrogä, sie macht den immerno es guetsgschäft mit dinem chleid wenn sis vermietet.


Sid am 13.02.2009 verhürotet und am 02.10.2010 isch üserä grossi tag
22.07.09 10:58
Schoseli 

Re: was macht ihr nach der hz mit eurem kleid?

hmm ech gang zwar vell go luege uf heiraten.ch
chasch jo glich mal in Brutlade go luege was eim so stoht und denn
vellecht mol luege obs öbis ändlich s occasion get!

ech wönsche der au vell glöck...

p.s ech werde mis au met ehme Föteli be dä Migros und Coop ushänge

welles esch den dis chleid?

gruss

heiraten am 20.08.2009 & 22.08.2009 in Liebe
22.07.09 11:06
silver83 

Re: was macht ihr nach der hz mit eurem kleid?

hey schosseli, ich han mis chleid scho (bstellt ischs afeng)

aber ich han au di bruchtä aglueget, wer vilicht öpis derbi gsi. es hät nüt ka für mich... ich han mis chleid bi nem onlineabüter kauft, und am afang ischs mier chli mulmig gsi und drum han i no bruchti aglueget. aber etz han is bstellt und ich hoffä zbeste dass mis chleid so würd wie ichs mier vorgstellt han.

wills nid so tür isch, "muess" ichs au nid verchaufä. vilicht spöter wenn i mi satt-glueget han.



Sid am 13.02.2009 verhürotet und am 02.10.2010 isch üserä grossi tag
22.07.09 11:07
maju 

Re: was macht ihr nach der hz mit eurem kleid?

ja das isch no ä gueti Idee, ine Lade vo vermietet.............mau luege öb i da so ä Lade ir Nöchi finde!

http://www.heiraten.ch/brautkleider/brau...by=&from=25
das isch mis Kleid, aber d föteli si äbe o chli komisch, so verschwume......... i hase nid besser inebracht!
22.07.09 11:16
Schoseli 

Re: was macht ihr nach der hz mit eurem kleid?

das esch es chleid wo mer mega wörd gfalle, nur wärs mir vo dä längi här z kurz.
es esch es eifachs und es natürlichs chleid... super ech, schöni brut besch gsi

wörsch denn du met em pris entgäge cho? vell dänket sech evt. das z tür esch
för es Occasionkleid. well zum teil chunsch im usverkauf för dä pris es neus öber!!

LG


heiraten am 20.08.2009 & 22.08.2009 in Liebe
 1 2 3
onlineabüter   corsageschüerig   satt-glueget   schlafzimmer   schneiderinnenpuppe   Kleiderhülle   bearbeitet   wahrscheinlich   guetsgschäft   Prinzessinvorstellig   occasion   schonwiedergwunder   brautkleiderbörse   veröffentlichen   Occasionkleid   responsable   verhürotet   heiraten   brautkleider   wahrschinlech