@cindy: ja gäll, han mer au chli meh erhofft vo dem "grosse" züri :-))))) me findt ja sust würkli alles...! aber i sache unterwösch..? bisch du scho im h&m go luege gsi? eventuell händ die ja no öppis cools..?
also falls du doch mal no öppis finsch, seisch mers dänn bitte :-) ich wird dich au informiere :-)))

ja isch so, alles andere findsch, ussr undrwösch, odr du findsches abr meeeega tüür.. aso han sones normals korsett xeh fü 350.- hani dänkt diä händ ja au än schade, ich wett scho nid öpis "billigs" abr übrtriebe muäss mers ja au nid =)

ja im h&m bini scho xi, er hätt ja scho vieles, abr mehrheitlich halt farbig. alles was wiiss isch xeht 0815 us.. und ebä du wettsch das ja genauso wenig wie ich..

ich gahn hüt nachem schaffe mal in coop city. kollegin hätt ihri sache det kauft. gib dr dänn bscheid obs was hätt odr nid.

abr bhalt di au suscht ufem laufende. mir wärdende brüt müänd ja zämmehebä..

wänn isch dänn din grossä tag?



Dä 09.05.09 isch oisä grossi Tag!

ja ich bin suscht au nid so dä fan vo coop, abr schade chas nid, gib dr sichr bscheid..

mir hürated am 09.05.09 i dä ref. chile in würelos.. isch ganz e schöni, händ uh lang gha bis mr eini gfunde händ =) und ihr, wo isch oii chile?

ja du, mi sind na bitzeli jünger, min zuekünftige isch etz gad 24i worde und ich bin "erscht" 20i =)


Dä 09.05.09 isch oisä grossi Tag!

mir hürated kirchlich in hinwil. meh halt, will min fründ vo det chunt :-)
hihi, du junge schnuufer
nei, fürs hürate gits ja keis "ideal-alter"! ...zum glück!

Hallo zäme!
Genau, schoseli, das hani ou grad wöue schribe. Es get so BH's wo me d'Träger cha variabel mache. De chame se so onde am Rögge chrüze. E döune Chleiderkatalög gset met das amigs.

Mis Chleid het ou en Röggeusschnett, aber ned soo ne töife. Me gset dr BH grad knapp. Em Brutlade het si gseit, se düeige denn dört en Schloufe inähie. De chame dört dr BH dorefädle ond so verrötscht er ned ond esch ned sechtbar. Esch haut chli müehsamer zom alegge, aber e fendes no en gäbigi Lösig. Velech got das jo be öperem vo öich ou?

E ha mini BH's fast aui vo dr Migros... die sind bequem, passe mer guet ond ou ned so mega tür. Ond si hei dorchus mängisch ou ganz schöni Sache! Aber das esch mini Meinig

Vöu Erfolg bem Onterwösch sueche

Liebi Cindy

aso die hend au triumpf und so... leider halt au net so vell ohni träger,

vell glöck trotzdem....
vellecht mömer eifach no bes em früehlig warte, evt hets denn meh weder i helle tön

guet be der nochets denn scho rächt be mer esch es erst im Aug. so wit....