nicht registriert

Hoi zämme

Ich fräge mich, ob all so viel zahlet wie ich. Ich ha Ende März mis Kleid müesse usnäh lah (ha leider zuegno gha sit em Kauf). Hüt händs mers jetzt abgsteckt und Mitte Mai muen ichs nomal go probiere. Wenns denn sitzt, chan ichs hei näh, suscht muen ich Ende Mai nomal gah.

So jetzt haltet eu fescht - ich muen 500 Franke zahle! Sicher, es isch türer als normal, will sies no usnäh händ müesse. Aber bi enem Kleid wo knapp 2'000 Franke kostet, isch das scho mega viel. Oder empfind nur ich das so?

Bin gspannt uf eui Erfahrige!

Lg Manuela

Zivil am 29.05.09, kirchlich am 06.06.09 :-)

Hallo Manuela

Be mir hends Kleid müsse ineneh und da het Fr. 50.-- kostet i de Stund. Sind 2 1/2 Stund dra gsi Fr. 500.-- isch scho gad achli heftig. Frog isch eifach was i de Stund verlanget und wie lang sinds dra gsi.

Grüssli

31.07.08/02.08.08

Zuletzt bearbeitet am 25.04.2009

hallo

Also ech zahle zwosche Fr. 70.00 - Fr. 150.00 för s ine, es esch mer also
rächt zgross, und sie muess mer d Corage i nä und stickereie neu a passe!
Sie esch en privati schniederin!

heiraten am 20.08.2009 & 22.08.2009 in Liebe

Hallo

Also ich ha grad letzt Wuche mis Kleid abgholt. Da meh mis Kleid nüm het chönne nochbstelle und es mir ä chli sklei isch gsi, hän sie mir ä Schnürig hinte ine gmacht. Usserdem ha ichs unte müesse kürze, über d'Brust hän sies au no ä chli müesse apasse und no ä Neckholder dramache. Für das ha ich au rund 500 Franke zahlt, sie hän ä Stundeasatz vo Fr. 60.--.

Liebs Griessli
Manu

---------------------------------
16.05.2009 isch unsere Tag

Guten Morgen

Wegen meines eher unüblichen Geschmacks (ich möchte ein sehr schlichtes Brautkleid, aber aus Seide) war ich etwas am surfen auf den Homepages von englischen Brautkleidesignern und auf einer Seite habe ich von einer Braut gelesen, die 1200.00 GBP (nicht CHF, sondern CHF x 2) für die Änderung bezahlen musste.

Ich denke, das ist eine der Arbeitsweisen von Brautgeschäften: günstiges Kleid und bei den Änderungen ordentlich draufschlagen.

Überhaupt ist ein Kleid offenbar mal einfach sehr teuer, wenn Hochzeit drauf steht.

Neulich war ich in einem Kleiderladen und habe nach dem Preis für ein Brautkleid gefragt. Kein Brautgeschäft, sondern eine "normale" Boutique, die ein paar Brautkleider hat. Die Inhaberin hat mir dann ein Jersey-Kleid gezeigt, das kostete ca. 400.00. Dieses Kleid hätte sie auch in Creme als Brautkleid genäht, das hätte dann CHF 1500.00 gekostet. Als mehr als dreimal so viel, bloss weil die Frau darin heiratet.

Lorena

nicht registriert

@manuela - ja das es der richtige laden ist da bin ich jedes mal mehr davon überzeugt aber vielleicth hat sie den preis einfach schon in den verkaufspreis mit eingerechnet (was clever wäre.. )