ech ha mer mis chleid vorher eigentlich ganz anderst vorgstellt. hät nie so en grosse chrage mit rüscheli welle. aber wonis anne gha han esch es eifach DAS chleid gsi. be de gspannt was min zuekünftig maa dezue werd säge wenn d hoor no ufegsteckt send werds mi rächt strecke (be nor 1,60 gross ond chli mollig)

aber esch doch toll dass es so vel verschiedeni chleider get, för jedi brut ehres perfekte chleid

@franziska: danke viel mol.. i finds au mega schön.. aber i glaub jedi brut findet ihres chleid am schönste...

@minzentee76: wow nöd schlecht.. a dir gseht das jo würkli mega guet us.. mir hetti das au au nöd gstande.. aber findi witzig.. am samstig hani au eini gseh wo e chleid agha het das heti niiiiääämols agleit.. aber dere hät das würkli super guet gstande..

danke für die blumen..

ah jo übrigens Franziska.. jo es isch vo Eddy K.. do hets mega viel schöni chleider ume.. genau min gschmack..

hey zeme

juhuuu, han gad stelefon kriegt, dass mis kleid cho isch (wow, scho jetzt? denn hetti jo no ewigs zit gha zum eis sueche, wenn mer im juli hürotet). jetzt dörfis go aprobiere und freu mi mega druff.

frögle. hend er gad gluegt, dass er de probefrisur termin und kleideraprob zemegleit hend? zum luege wies chönt usgseh? sind er mehrmols go abstecke?

grüessli

sali carmile
schöni nochrechte. ;)

i chann mis chleid au ide nögschte 2 woche go hole :)
müend nor no en passende thermin gfende! :)

ech werde t probefrisur ned denn amche, wenni go s chleid ahprobiere gange, evt aber t probe schmenki.
es passt mer ergendwie eifach ned in chram, fänds aber en gueti idee, grad met möglechscht vell original, wie am hochzit dete zor chleider prob z erschiine. :)

abstecke setti ned müesse, s chleid werd uf mini grössi odn proportione zuegschniideret.
oder meinsch mehrmols ufestecke? ^^
i gange jetzt einisch mole go t hoor ufestecke am 27. april, mol luege öbs denn so esch wieni möchti, söscht hani denn jo no 2 mönet meh deziit...


mer hürotet am 26.06.2010 - i 3 kantön! ;)

das isch ja grad en ballti ladi good news am hüttige tag.

mis chläid isch au vill früehner choh als sie mer agäh hend. ich bih i dem momänt wos mer aglüte hend wohl genau so paff gsih wie du hüt. aber isch sones supi gfühl gäll!

ich has so gmacht: nun ja zerscht hani emol - willi ja s`chläid erscht rund 1 1/2 monet spöter erwartet ha - müesse go schueh chaufe (ohni schueh kes abstecke). denn de termin zum abstecke und de hani doch äifach grad use gfragt öbis en obig lang darf häi näh wenni ganz vorsichtig bih zum chlih mit schmuck und frisure usprobiere ohni dasi gstört wirde. und siehe dah: ich ha dörfe (das bewiist widermal: wer die antwort nicht scheut ...)

auso hani mit minnere schwö zäme en ladies-obig gmacht und bih i das mit nödeli-gspickte chläid gschloffe. wenn mer würkli vorsichtig isch gahd das sehr gut. ja und de rescht chönder üch ja vorstelle: spiegel det, haargel dah, schmuck ah, schmuck ab bis mer denn alles so gha hend wies mues sih.

jetzt isch s`chläid bi de schniideri und ich chah miteme guete gfühl säge: mini accessoires sind ready und wartet nur noh ufs fertige chläid.

au dankdem dasi en obig lang chlih ha chönne prinzässin spiele, wäisi jetzt weli art frisur zum gsamtbild passt und gah drum grad dä friitig zu mim coiffure go d`haar abschniide. judihuuiii, fröie mi druf!