ich denke au, dass es nid guet isch sich extrem zverändärä. aber gad bi dä zäh bin i chli heikel ich rauchä au nid regelmässig aber ich trinkä viel tee... ich gang mol go frögä wie das usgsied mit em priis und dä schmärzä. noch em dentalhygieniker han i immer mega zahfleischweh. dass will jo nid am hochzyt ha

dankä, etz weiss i au was ä gsichtsbehandlig isch, ich han denkt, dass seg zum chli straffä, gägä fältli




Sid am 13.02.2009 verhürotet und am 02.10.2010 isch üserä grossi tag

Mmh, glaubs ned... Of Mundart gits ja kei Regle, oder? Jede schriib so, wie ihm de Schnabel gwachse isch.

Egal, für eus Schwiizer isch Hochdütsch nun mal en Fremdsprach ond das merkt mer hald öppe die bi de Fäll (Akkusativ, Dativ ond wie die all heisset). Mich stört das ned, wenn mer mal en Fehler macht, vor allem ned imene Forum.

Ich finde, mer sett enand au "elektronisch" respektiere ond de Kommentar vo de Counsel het mich grad chli of d'Palme bracht. Das isch glaubs min mängisch chli öberusgriifte Grächtigkeitssinn gschuld...

Hoi Zäme

Also ich bin au dä Meinig, mer söt sich eigentlich treu bliebe. Ich schminke mich fascht nie.
Nur gad echli Wimpere. Drum hani gseit, ich wird au am Hochzit, nur es fins Make Up, echli Wimperetouschi und echli glanz ufd Lippe tue. Wobie da jetzt scho mini Muetter und e Kollegin cho sind und gmeint hend, dass chasch doch nöd mache...aber das bin ich.

Wend no nie künstlichi Nägel gmacht hesch, würd ichs au nöd mache. Sondern eifach nur ine Maniküre, zum fiile und lackiere la. Ich zahle jetzt für das 39.-

Natürlich gani au zum Coiffeur und la mir e schöni Hochsteckfrisur mache, das chost ca 100.- inkl. Probefrisur (woni übrigens hüt Nami usprobiere ).

Zum Zä bleachi chani Dir folgendes säge. Ich han das scho sit zwei Jahr welle mache. Jetzt ufs Hochzit hanis e gueti glägeheit gfunde. Ich han im Netz e Gmeinschaftgfunde, wo in Dütschland, Oestrrich und ebe bi euis das macht für ca 350.- Uf www(punkt)skysmile(punkt)ch chasch Dich informiere. Das isches Homebleaching, wo Du zersch bim Zahni e Schine lasch lamache und den Diheime mit dem Mittel fülsch und mehrmals min. zwei Stund druf tuesch. Ich hans drümal gmacht und es nützt. Übertriebe wür ichs eifach nöd, susch gsehts nur kitschig us.


Wir sagen "Ja" Zueinander...Zivil 20.8.09 / Kirchlich 22.8.09

Sali zämme

i gib au no mi Senf derzue.

I gang all 6 Wuche zur Kosmetikerin und zahle 130 Franke ( vor dr Hochzit mach i e chlini Pflege für 100.- Franke mit Wimpere Färbe)

Userdem loh i mini Bei und Bikinizone loh wachse ( ca. 50.- Franke)

Mini Nägel lohn i au loh mache choschtet 60.- Franke ( mach i nur ab und zue)

Pedicure au no mol 60.- Franke ( mach i im Summer immer)

Und den no zu de Hoor, i ha muesse e Hoorteil i setzte do ich im Moment zwenig Hoor ha. Das het halt es halbs Vermöge choschtet ( 250.-). aber do i ebe Chrank bi hätte mr kei Aständigi Hochsteckfrisur chönne mache. Und di channi au spöter wieder bruche.

Hochsteckfrisur choschtet bi mir 30.- Franke und s' Makeup au 30 Franke gang i Coiffeurschuel!

So das sind so ca. mini Chöschte, aber wie ihr gsend gib i au sunscht viel Geld für mis Usseh us. Obwohl mes nit immer gseht

Zum bleiche vo de Zähn; i ha mir das au überleiht gha, aber i bi binere Kollegin annere Hochzit gsi wo das gmacht het und das het also kommisch usgseh: So künschtlich. Sie hets 2 Tag vor dr Hochzit fertig gmacht gha.
I würds glaub nit mache und nur d' Zahnreinigung bim Zahni vorzieh!

So isch wieder e halbe Roman worde! Viel Glück bim pimpen!

Cu Surri