Halli Hallo ihr Lieben!

Leider hatte ich jetzt keine Zeit, die ganzen Themen durchzuschauen, ob zu meinem 'Problemchen' schon ein Thread existiert. Drum: Sorry, falls ja!

Also, mein Schatz und ich sind noch ganz am Anfang mit der Planung. Eigentlich haben wir noch überhaupt keinen Plan
Wir haben bereits einige Locations angeschaut und finden es extrem nervig dass überall jeder einzelne Handgriff zusätzlich bezahlt werden muss, sodass die Kosten gar nicht wirklich voraus geplant werden können.
Gestern waren wir in einem Restaurant, die das ganze zum Pauschalpreis von 15'000.- machen würden. Da wäre der Apero, alle Getränke inkl. Wein, Prosecco und Cocktails und unser Wunschmenü (wir haben noch keins), egal ob 5-Gänger, Buffet oder sogar Buffet und Service zusammen, für ca 80 Personen, dabei. Der Chef meinte, es sei eigentlich alles möglich wenns nicht gerade Kaviar sei :D.
Auf den ersten Blick bin ich echt ein wenig geschockt. Gebt ihr auch soviel Geld aus für das Essen?

Oder habt ihr Vorschläge/Ideen für gute Restaurants in der Umgebung linkes Züriseeufer/Schwyz?

LG

Hallo janedoe,

wenn da wirklich alles inbegriffen ist, finde ich den Preis in Ordnung. Das sind ja dann 187.50 / Person... Wir haben keinen Pauschalpreis, aber wenn ich Lokalmiete, Apéro, Abendessen, Getränke etc. alles pro Person ausrechne, haben wir auch etwa diesen Betrag budgetiert...

Es kommt dabei halt auch sehr auf eure Vorstellungen an. Wenn ihr einen reichhaltigen Apéro, einen 5-Gänger, Dessert und Torte wollt, könnt ihr locker mehr ausgeben... Wenn ihr hingegen einen einfachen "Chips-Nüssli-Apéro", ein Buffet mit Vorspeise und Hauptgang und Torte ohne Dessert separat macht, kommt ihr auch billiger weg...?!

Dann spielt oftmals auch die Lage der Location eine Rolle... Die beliebten "Hochzeitsrestaurants" kosten halt auch mehr als ein einfaches Dorflokal, was ja nicht heissen muss, dass es dann da weniger schön wird!!!

Also, mein Tip: Macht euch Gedanken über das Budget, wie viel ihr ausgeben könnt/wollt, was euch wichtig ist, was weniger (d.h. Sparpotenzial) und entscheidet euch erst dann!

ich finds vell mer hend 15000 für diä ganz hochzit budgetiert.... klar mer sin au nur 40 pers. zum esse aber trotzdem... wiä anderi scho gseit hend luä g zerst wa ehr chönd und wänd usgeh und denn luäged no chli ume. wennn hürotet ehr den?

Da mier eher en klassischi Hochziit möchted fiirä, wünschemer eus au, das sÄsse dementsprechend isch. Sprich Apero und Abigesse söll scho eher 'gehoben' sii.

elea: ja d'Ruum Mieti inkl Deko, d Getränk und au de Dessert isch inbegriffe. Einzig d'Hochziitstorte würd no seperat afalle.

jasi86: wow, wie machsch das? 15'000.- für alles? Inkl Chleid, Iladige, Blueme ect?! Mier hend vo eusere erste Papeterie d'Offerte für 70 Iladige becho: 1400.-!! Jetzt machi mier chli Sorge was da suscht na für emensi Chöschte uf eus zuchömed womer nöd erwarted :/

Mier hend eus au no gar ned festgleit uf en genaui Azahl gladni Gäst. s'einzig womer wirkli wüssed isch de Termin: 17.5.2014

Ds Schlimme isch eifach, dass sehr vili Abieter extrem uf abriss gö, wenns um ds hürate geit. I finde 15000.- für ds Ässe wenn alles derbi isch mit 80 Lüt eigentlech ou in Ordning, aber äbe, de müesst de für mi ds Apéro nach dr Chile, u alles derbi si, u es dörft nüt meh derzue cho.

Für ne Klassischi Turte muesch nämlech ou no bis zu 900.- rächne bi so viel Lüt.

1400.- für 70 Iladige isch aber ächt überrisse, das si ja 20.- pro Iladig. Üsi hei mit Couvert 3.50 pro Person gchoschtet, hei aber sehr viel sälber gmacht, und nur dr Druck la mache...

janedoe das esch shco möglich! euses budget liit bi 12`000! binere HZ chasch abartig geld userüehre. aber idem dasd es bezeli verglichsch chasch extrem vell geld spare! musch eifach luege dass der ned jede scheiss losch lo ufschwaze well vell abieter chlme metem sproch "jo du hürotisch jo nor einisch ond de sells doch perfekt si"! ond ebe halli 1400.- för iladige? i chamer das met nüt erkläre! mer hend förd iladige pro person 4.- zahlt! hends aber au zb selber gstaltet ond de ifach no i drock ge! due onbedengt d prise vergliche! wid arwen scho gseit het d torte döfsch au ned onderschätze! du schribsch er wend e klassischi hochzit, aso au met enre mehrstöckige torte. bi 80lüt choschtet die gege di tusig franke!! dasch happig!!! und du musch de au no denke d blueme chöme denn au no dezue. ond do send scho vell vo eus verschrocke wie tür die send!
am beschte hocksch mol met dim frönd zeme ond de öberlegget ehr euch wie vell geld dass ehr zor verfüegig hend od wie vell geld ehr wend usgeh!!!
do of dere HP hets en budget rechner. i ha usegfonde dass de recht guet stemmt!!!! gosch dete mol alli pöschte dorre de hesch e guete öberbleck!!!!