Weli arte fo Fleisch bietet ihr a?
Wivil Fleisch berächnet ihr pro Gascht?
Git's für d'Chind öpis speziells?
Was gits als Bilage
Was zur Vorspis?
Wird öiies grillierte serviert oder heiter Büfet?
Heit ihr a Caterer wo alles organisiert (z'grille, z'Fleisch choufe etc.)
Macht ev. sogar alles sälber? Wi vil hälfer heiter igspannt? Wen tüeter alles vorbereite? Wi halteter z'ässe warm?
Vorallem was machet ihr wes Rägnet??


Bi üs wird's sicher Steak's (Rind), Pouletspiessli, Pouletschänkel, Scampispiessli u villech no Würschtli für d'Chind gä. Bilage wärde Härdöpfel, Mais, Cherrytomätli u ev. Ratatouille gä. Zur Vorspis ä feine Salat mit ässbarä Blüete

Mir möchte das d'Vorspis serviert wird, d'Houbtspiis u z'Dessert gits als Büfe.

Mir möchte so vil mi müglech sälber mache, weis aber no nid gnau wimr das wei umsetze. I gse da eifach chli äs Zytproblem. S'mues alles sehr churzfrischtig vorbereitet wärde.

Dr Salat u z'Gmües wachst bi üs im Garte, z'Rindfleisch steit bi üs im Stall somit heimr mega fein's ässe zumene guete Priis (d'arbeit darfsch eifach nid rächne) Alles andere gömr id Prodega ga holä.

Wärde aber öper ha wo när am Fescht serviert u grilliert. Wil i schüsch immer am luege wär ob äch alli ou gnue hei etc. u das wär nid sehr entspannend für mi

Wes rägnet, tja de heimr päch gha s'git ke Plan B für üs :-)

lg Bluemefee

Mir händ mal amene Geburtstag so grilliert. Det händ mir au Chind gha und für die öpis speziells gmacht (chan mer natürlich au für die Erwachsene mache): mir händ sie sälber la spiessli zämestelle. So häd jede das chöne druftue wo er gärn häd und denn ab uf de Grill... so gits grad nochli rahmeprogramm für d'chind...

Zur Uswahl sind da verschiedeni Gmüess (Tomätli, Peperoni, Zughetti, Mais, ...) und Fleisch (Pouletstückli, Chipolata, Späck) gsi. Chan mer natürlich beliebig erwiitere

Aber das chunt natürlich druf ah, wieviel chind das sind... schuscht lohnt sich de Ufwand nid...

Mit de Mängene chan ich Dir leider nid eso guet hälfe, aber mir rächned amigs pro Person 1 1/2 Steak plus 1 Bratwurst/Cervelat (wenns no Salat und Dessert gid)
_____________________________________
Wir heiraten kirchlich am 4. September 2010

Weli arte fo Fleisch bietet ihr a?
Lamm, Pouletbrust/-spiessli, Rind

Wivil Fleisch berächnet ihr pro Gascht?
200g, aber mir berächne bi 60 gladne Gescht nur für 40 Lüt Ässe.

Git's für d'Chind öpis speziells?
nö

Was gits als Bilage
Salate, Maiskolben, Baked potatoes

Was zur Vorspis?
nix. aui Gescht chöme uf die 5i und de gits Apéro. De geitz diräkt zum Houptgang. Mir hei derfür vorem Dessär no es Chäs- Buffet.

Wird öiies grillierte serviert oder heiter Büfet?
Alles Buffet
Heit ihr a Caterer wo alles organisiert (z'grille, z'Fleisch choufe etc.)
Nei. Mi cousin und der Fründ vo mire Trouzügin si Chöch. Das hüuft. ;o)

Macht ev. sogar alles sälber?
Jo!

Wi vil hälfer heiter igspannt?
puhhhhhh, fürs Büffet dänki ca. 10 Lüt wo aui chliini Teili übernäh...

Wen tüeter alles vorbereite?
1-2 Täg vorhär und am Tag säuber (aber denn ohni Brut und Brütigam)

Wi halteter z'ässe warm?
Grill, aues angere isch chaut.

Vorallem was machet ihr wes Rägnet??
ES RÄGNET NID!!!!!!

Mir wärde e Bar ha, wo s 4 verschidni Drinks git. Bier und Wii. und Mineral.

Usserdäm wärde d Gescht müesse aachrüzle, was für Fleisch dass si wei ässe und dementsprächnd choufe mer de ii.

Dinge überhaupt wahrzunehmen ist der Keim der Intelligenz*

wir haben würste, spare ribs, schwein, lamm, rind, poulet und fisch.
wir grillen in einem resti, da sorgen die für die mengen.
keine kids nix spezielles
5 salatsorten, pommes, kartoffeln, saucen
nix vorspeise, nur apero. die leute soll sich beim grillen den bauch vollschlagen.
Buffet.
ich glaube das fleisch wird von dem resti-leiter auf dem buffet warmgehalten. das ist halt der vorteil, da müssen wir uns um nix kümmern.
wie tumi gesagt hat: es regnet nicht. ich glaube das nennt man zweckoptimismus.

@ elchalten

Bi uns gits vor em BBQ (im Restaurant) e servierti Vorspiis >> kleine Teller früschi Pasta mit Cherrytomätli und frische Kräuter.

S BBQ isch denn Buffet-mässig und s Dessert e Sorbet (serviert) und aschliessend Hochzeitstorte.

Das passt scho - und s Wätter wird "müese" mitmache

Wenn ich mir das Wetter heute anschaue, dann mach ich mir doch ziemlich Gedanken darüber, was ich tun soll, wenn es bei der Gartenparty regnet. Wir haben zwar ein wetterfestes Zelt 6 x 12 m, aber es steht ja auf Rasen? Und was ist wenn der dann pitschpatsch nass ist? Sollen die Gäste dann mit Gummistiefeln kommen? Habt ihr einen Plan B? Ich habe keine Ahnung wo ich sonst meine 80 Gäste unterkriegen soll wenn es aus allen Kübeln schütten sollte. Ich würde mich ja zugern auf den Spruch verlassen: Ein Notfallplan ist dazu da, dass man ihn nicht braucht! Aber bis jetzt hab ich eigentlich keinen Notfallplan... Das Einzige, was mir noch einfallen würde ist das Foyer unserer Turnhalle für den Notfall zu mieten. Aber das is ja total ungemütlich dort


Zivile Hochzeit 24.September
Grosse Gartengrillparty am 25.September