| Budget Hochzeit |
|
|
|
1 2
|
30.01.08 19:59
trulla09 
|
Budget Hochzeit
Hallo zäme...
Mich würds wunder neh, öb ihr euch es feschts Budget für d Hochziit gsetzt händ (mit wievill igladne Persone), wie höch das usfallt und öb ihrs inzwüschet scho nach ufe korrigiert händ....?
Irgendwie han ich s Gfüehl da zahlsch dich dumm und dämlich! Mir händ jetzt doch scho paar Sache chöne organisiere und drum bruched mir nöd alles nächscht Jahr z zahle... Aber das isch ja gliich wahnsinn...
Was meined ihr?
|
|
|
|
|
|
31.01.08 07:33
Pfunicht registriert
|
Re: Budget Hochzeit
Wir haben zuerst alles gebucht und dann eine Budgetübersicht gemacht.
War schon noch eindrücklich, die Beträge so schwarz auf weiss zu sehen, aber es soll ja ein rechtes Fest werden. Z. Bsp. so ein Partyraum, den man nachher noch putzen gehen muss und so, brauche ich also gar nicht. Oder ein gebrauchtes Kleid oder eines aus dem Internet, nein danke.
Wir haben aber nette Eltern welche einen Grossteil der Kosten übernehmen und
auch Freude an einem schönen Fest haben.
|
|
|
|
31.01.08 08:25
madmadi
|
Re: Budget Hochzeit
Irgendwo isch scho en Diskussion öber's Hochzits-Budget... Lueg emou, velecht findsch dete no Ahaltspönkt.
Mer händ öis bevor mer d Gäschtelischte gmacht händ gseit, dass mer ned ombedengt meh als Fr. 15'000.-- wette usgä ond mer händ gwösst, dass mer s Ässe i Buffet-Form wette ha. Denn hämmer eifach afo luege, dass mer gönschtigi Agebot chöne beröcksichtige. Z.B. en priswärte Partyservice (s komplette Ässe inkl. Getränk söll gemäss Chef vom Catering uf nor ca. Fr. 80.-- bis 90.-- pro Person cho), s Hochzitskleid im Usverchauf poschtet, Stereo-Alag statt DJ oder Band, Unterhaltigs-Gruppe vo de Schwöschter zum Spezialpris (bzw. sie het gmeint, sie well öis das ufs Hochzit schänke), Hobby- statt Profifotograf, normals Auto statt Limousine, sälber baschtleti Iladigs-Chärtli för Fr. 2.50 pro Stück inkl. Couvert und Namesasteckerli ond ond ond...
Es wird immer no viel choschte für so ei einzige Tag, aber so isch es halt eifach ond chli feschtlech ond schön söll's jo scho si.
Grüessli
madmadi
Ich hürote mi Schatz am 8. August 2008
|
|
|
|
|
|
01.02.08 08:03
madmadi
|
Re: Budget Hochzeit
Es esch scho extrem, chum stoht nöime Hochzit droffe, choschtet's eifach vel meh! Z.B. en Torte vom Beck choschtet ned alli Wält (send aber ou ned grad billig) aber wenn'd dem Teil Hochzitstorte seisch, zahlsch grad es Heidegäld.
Die ganz Sach esch scho chli en Gäldmacherei, aber wie du jo seisch, mer wänd ned jede Rappe omdreie för öise schönschti Tag.
Händer denn en Profifotograf, wonech denn ou grad es Album macht? Die tonke mi so wahnsinnig tür, as mer öis entschlosse händ, s Album sälber z mache. Hürote der ufeme Schloss/Burg? Mer sind imene Partyruum (wer ne putzt weissi nonig, aber mer zwöi sicher ned).
So findi, esch d Spanni zwösche gönschtig und tüür extrem gross. För öis hanget de Erfolg vom Fescht vor allem vo de Lüt ab ond mer wösse, dass es öisne Gäscht ned wohl wär imene allzu poshe Rahme - also eher gmüetlech, was ou s Ässe i Buffet-Form begröndet.
Schlussändlech isch es aber doch für jedes Brutpaar weder anders, gäu.
Grüessli
madmadi
Ich hürote mi Schatz am 8. August 2008!
|
|
|
|
01.02.08 08:45
trulla09
|
Re: Budget Hochzeit
hallo madmadi
also s budget bi de torte hämer uf 500 Fr. agsetzt mit 40 persone grächnet- ich finde das gstört... usserdem find ich die 10-12 gschmäcker zur uswahl scho ziemli 08/15... 
föteli werded mir en bekannti fotografin neh, womer au scho föteli gmacht händ, aber nöd de ganz tag, sondern nur vom mittag bis öpe am 6i zabe, dänn chan öper anders na party-föteli mache. s album mach ich au selber, bin eh de kreativi typ... dänn han ichs so, wienich will...
fiire werded mir imene hotel, womer de hotelier kenned und drum für ässe und übernachtig (mir laded all eusi gäscht i, will mir im graubünde hüratet) mit allne getränk und em zmorge gar nöm so vill zahled... ich dänke es isch öpe sovill, wie wennd imene guete**** hotel issisch, also p.p. öpe 150 fr....
usserdem hämer vor, s zmorge (also am sunntig morge-mittag) ufere alp z mache... also en 2days-fiir...
bi eus wird s zivile hochzit defür überhaupt nöd spektakulär: ich han mir vo mim papi feini brötleti steaks vom grill gwünscht mit salatbuffet... eifach bi ihm uf de terasse im freie (jaja, s wetter cha eus immer na en strich durd rechnig mache...).
s chleid hani jetzt grad bstellt (brucht ja au 5 mönet bises da isch), das hät mit allem drum und dra 3000fr koschtet, aber s isch GENAU mis chleid, wonich mir sit chlii her vorgstellt han.
eusi ring hämer bimene goldschmied bstellt (mir händ ebe es guets messeagebot becho) und zahled drum au vill weniger, als wennd d ring bim zettmeyer oder vo rhomberg chaufsch...
mir hürotet ebe ersch im 09... mir sind aber scho zimli wiit mit de planig.. aber de vorteil isch: du muesch nöd alles gäld ufs mal hereblättere...(weisch, da ich alles sälber organisiere möcht, bruchi gnue ziit und spielruum, dass am schluss würkli alles perfekt isch...)
wie wiit sind ihr dänn scho?
liebs grüessli
trulla09
Editiert 01.02.08
|
|
|
|
01.02.08 10:21
madmadi
|
Re: Budget Hochzeit
Mer händ bes jetzt Zivilstandsamt, Chile, Pfarrer, Fotografin, Saal före Apéro, Show-Gruppe bim Apéro, Party-Ruum und -Service buechet, d Coiffeuse und Kosmetikerin reserviert ond ich ha mis Outfit fixfertig.
Als nöchschts stönd de Versand vo de Iladige (zerscht esch aber no chli baschtle agseit - be ebe ou vo de kreative Sorte oder i bilde mer's ämu i), s Wunschbüechli, Destination bestimme und Bueche vo Flitterwoche ond d Organisation vom Apéro a.
Wäge de Hochzitstorte no... mer mache äuä es Dessertbuffet mit Torte aber ou Crème/Mousse, Fruchtsalat, Tirami-sù etc. So esch secher weder för jede Gschmack öppis debi.
För mis Chleid hani es Budget vo ca. Fr. 1'500.-- gha. Jetzt hani för s komplette Outfit inkl. Accessoires, Unterwösch und Änderige ned veu meh zahlt, wel s Chleid so gönschtig gsi esch (öbrigens ou eis, woni als chlises Meitli devo träumt ha). Mer händ's zwar nonig abgsproche, i meinti aber, dass mer deför d Fotografin de ganz Tag und Obe bueche. Mi Paps oder de Brüetsch macht velecht no es Video.
Jo jo, es läpperet sech zäme... I fendes öbrigens guet, wenn der früehzitig planed, 1. hesch denn sälber gnueg Zit und 2. hesch no veu meh Optione ond muesch ned uf zwöiti Wahl uswiche.
Ond esch eigentli klar, bruche der öppis meh Gäld, wenn der en zwöitägigi Fiir mit Übernachtig im Hotel händ. I glaube, öiches Budget esch ganz vernönftig för dä Rahme - wemmer das so cha säge.
madmadi
Ich hürote mi Schatz am 8. August 2008!
Editiert 01.02.08
|
|
|
|
01.02.08 13:36
Nora
|
Re: Budget Hochzeit
Hallo Trulla09
Aufgrund deines Namens habe ich mir gedacht, dass du ebenfalls im 2009 heiraten wirst. Ich bin beeindruckt, du hast ja schon einiges organisiert. In welchem Monat heiratet ihr? Wir heiraten voraussichtlich Ende Juli/Anfang August 09, haben jedoch erst mal provisorisch die Kirche reserviert. Morgen besichtigen wir ein paar Hotels für das Nachtessen. Das Brautkleid hätte ich natürlich lieber schon gestern als morgen gekauft.
Wir haben uns in etwa dasselbe Budget gesetzt wie wir.
Wünsche dir än schönä Nomitag und weiterhin viel Spass beim Vorbereiten!
Liebe Grüsse
Nora
|
|
|
|
|
|
03.02.08 15:57
trulla09
|
Re: Budget Hochzeit
Hallo madmadi
Also mis Chleid hät schochli mis Budget übertroffe... Janu, egal! (Mues min Schatz halt bim Aazug spare....)
 Neinei, das isch en Witz...
Das mit em Buffet find ich en gueti Idee. Ich han mir überleit, da mir evtl. en Vacherin-Torte wänd, dass mir die oberst Etage vo de Stufe-Torte ganz chli bstellet und nach em Hochziit igfrüüred und am 1. Hochzitstag dänn ässed... Findi irgendwie schön, wennd namal öpis originals häsch...
D Ring händ mir am Friitig chöne ga abhole (juhui). Sie sind absolut perfekt!! Bin richtig glücklich!!
Ja, als nächschts wämer eus eigentlich mal mit em Pfarrer träffe, zum mal paar Idee für de Gottesdienst sammle... Mir sind zwar nöd sehr gläubig, aber da mir beid Katholike sind, isches für eus vo aafang a klar gsi, dass mir i de Chile wänd hürate... S hät ebe au öpis speziells und sinnlichs a sich...
Wohi wänd ihr id Flitterwoche?
Liebs Grüessli
Trulla
|
|
|
|
|
|
1 2
|
Anmelden
