hey sabs, das findi aber e schöni idee, dass jetzt eu dring schenket. gold wirkt halt beständiger, dass es länger hebet und das findi rein symbolisch scho no schön bi ehering.

@tinkerbell: i finde nöd, dass me sött scho en betrag vode eltre sozägä ikalkuliere. anderst ume findis jetzt aber au wie klar, dass me uf das grosse ereignis öppis überchunt. bi üs isch es aber au immer so gsi, dass konfirmation, matura, ende bachelor, vorussichtlich ende master, hochzit etc., dass es denn immer es schöns gschenk geh het, segs i form vomene gschenk, me guetschi oder en geldbetrag. halt immer wenn en wichtige lebesabschnitt zend goht oder afangt.i find das e schöni tradition und möcht das au unbedingt wiiterführe. für mi isch es klar, dass i mine kind, soferns meitle sind, denn mol möcht sbrutkleid sicher finanziere mit allem drum und dra a acessoires. und will mer i minre family offe und locker über geld redt, hetti au kei müäh gha zum sie druff aspreche, wenns nöd vo sich us cho wäret.aber i find das isch immer sehr dävo abhängig was me sus so für "traditione" ide famiily het.

au jo und für mi isch das altersaunabhängig. also i findes au toll wenn eim deltre näbis anes huus hizahlet und das häsch jo meistens erst säget mer mol ab 30i. i find denn chan mers geld doch besser bruche wie wenns denn mol erbsch. es chunt natürli aber stark druff a wie die finanziell situation bide eltre usgseht.

liebe gruess

Zuletzt bearbeitet am 21.03.2010

Hoi Carmille, jo das isch für uns immer klar gsi, dass mer denn nochher Goldring wend wege däm. Aber so isches natürli super, denn hei mir grad d Ring vo eusem Tag, wäre sunscht nämli bitz viel Ring gsi:-) Also mir freue uns mega, halt ebe au wöll mir das gar nid igrächnet hei. Jetzt gits nach dr Hochziit ender es Familyauto:-)

sThema Geld isch mir vo Afang a chli ufem mage gläge.
Wo mir beschlosse hend zHürate isch für mcih klar gsi, dasmer es chlises Budget hend und das ich das elai wett uf dBei stelle und mittlerwile isches irgendwie chli usgartet.
Also nid Budgetmässig, sondern will alli wennd mitrede...

Vo mine Eltere erwart ich kei Geld, die müend selber luege, dass sie über dRundi chömed und das isch für mcih so au in Ornig. Aber dEltere vo mim Zuekünftige wennd unbedingt zahle und finded dases tradition segi, dass sich dEltere sGanze Budget ufteiled. Ja und jetzt han ich halt mal so chli adüted das mini eltere finanziell das nid chened... isch chli komischi situation...

Also irgendwie findi, das schliesslich MIR beschlosse hend hürate also isches au üses Budget und gaht dEltere nid direkt was a. Wenns was wetted bistüre, sehr gern natürlich, aber ebe, bi eus isches mittlerwile zur grosse Diskussion worde wer wie vill und so witer!

naja, ich wett mich ja nid beschwere, dasmer chli finanzielli unterstützig bechömed, aber ich hoffe, mir schaffeds, zum das so chli usenand halte....


*** 17. September 2010 ***