Hoi zäme!

üsi Torte esch bem all inkl. derbi. Wöu die meiste Lüt nacheme viergängige ässe nöm vöu möge gets en Vacherin-Torte (so met Glace). Wele Gschmack weissi auerdengs säuber nonig, das müend mer no met em Restaurant bespräche. Tortefigur möchti gär so öpis wie onder www.tortenfiguren.at die sind toll! Leider au tüür. E dänke aber, dass me das ou säuber cha bastle.

@muggi und Frangipani:
Gastgschänkidee gets jo tusig. E fende statt Mandle chame doch ou chlini Läbchuechehärze oder so oder es Dösli met so Gommibärli-Härzli oder Bluemesome oder oder oder .... verschänke. Aues das chame glichzitit ou aus Tischchärtli benötze. Z.B. bem Läbchuechehärz grad dr Name drufschribe (muess jo ou ned zwengend Läbchueche si, got jo ou met Schoggiguetsliteig oder so).

Vöu Spass!

Hehe ja ok bitz Fantasie hani! I sueches Sprüchli gschnäll de gib drs
Soooooo lustig nei würkli mir händ die glich Idee öppe...I wet ebe au vom Ikea so en mittleri Glasschale Wasser drii und roti Schwümmkerze! I dänke die hebet scho es Zitli und sust duet mr widr ersetze!

Hürote mi Schatz am 12.09.09 :)

Jöö das isch ja mega herzig dä Spruch! Cool! Du aber git das nöd mega arbeit dä spruch für jede ufzschriibe?
ja du, ich muess mer echt no es paar gedanke mache wäg dene tischkärtli... säg ders dänn wenn mer öppis gfunde händ! Apropos, bi hüt grad no uf de Tchibo-Website go luege, und anschinend händs ab nächst wuche sones hochziits-deko-buech im agebot isch ja grad no passend... muess dänn mal en blick driiwerfe öbs öppis bruchbars händ

Hihi, ja ich halte dich ufem laufende!
..aber mir händ ja nochli ziit.. isch ja nonig grad juni!

mer hend vor en hochzitstorte vo de bäckerei/konditorei fähndrich/creabeck z näh, wel det schaff ech ond ech fende die mega fein ond mega schön!

doh en link dezue: http://www.creabeck.ch/index.php?id=558

mir hend e schwarzwälder, quark-joghurt und e früchtetorte uf drü stöck verteilt. so chan jede selber säge was er gern möchti.

mir hüratet am 06.08.09 zivil und am 08.08.09 kirchlich :))