da isch sicher ä idee. aber was, wenn genau denn keini ziit hät? dört mues me mängisch ja o wartä oder wird sogar nid jedä tag aabotä!?

i ha zum biispiil en ziemli straffä terminplan, woni mir so öppis de nid chönt leischtä.

Am 05.09.09 isch es sowiet!

Doch, du chasch eigetli immer au en Termin im Vorus abmache! Das klappet amigs guet, han ich au scho so gmacht! Dänke halt eifach, das mitem Probeschminke fallt dänn wäg, will meistens tüends eimi ja immer wieder chli andersch schminke.. und wennd dänn genaui vorstellige häsch und vilicht no es probeschminke wotsch choschteds dänn glich öppis chönt ich mir no vorstelle..

Isch jo scho no spannend, aber wird ziitlich sicher no än Stress.. Am Morge ufstoh, schnell in Globus, hei go umzieh und suscht no Zügs organisiere.

Dänn no folgendi Unsicherheitskomponente:

- Stau
- Verspötige
- Unvorhergesehenes (und das gits sicher amene Hochziitstag)
- Umorganisiere

....

früe ufstah isch sicher s'thema. mir hüratä am 12i u wei no vorher fotinä machä. u du häsch scho recht frangipani; s'isch nid so eifach öpper z'findä wo beides macht u denn no dihei. i ha jetzt ä coiffeuse gfundä wo 2 min vo üs dihei weg isch u mit em schminkä mues i no luegä. i würd denä lädä aber o nid trauä. us dä gliichä gründ miracle u ebä; für mi mues es bi dä gliichä person vorher testet sii. susch bini de nome nervös u würd mi allefalls am schluss sogar no selber schminke, wenns mir nid würdi passä.

Am 05.09.09 isch es sowiet!

I wett jo jetzt nix negativs sägä... Aber i weiss nöd. Mi tüechts amel, es chunt druf ah wa für ä Verkäuferin(oder wiä diä heissid) me grotet. Jedi berotet ä chli anderscht. Und gad bim Globus. Denn häsch nöd alli produkt. Sondern no eifach ein Marke und dött wirsch gschminkt und fertig. I weiss nöd. Denn gang i lieber emol vorhher go berote loh und schmink mi nochher selber. Weiss eh nöd, ob i für da ä Visagistin bruch. Lauf jo eh immer ebe glich gschminkt umenand.... Villicht irr i mi jo....

eini z'findä isch eigentli niä schwierig. d'frog isch immer zu wafürmä priis. u s'hät mi bis jetzt immer chlei us dä sockä ghauä woni ghört ha, wa diä verlanged. i mues sägä i ha diesbezüglich aber o nonig sehr intensiv umäglueged. am samstig geit äs kosmetikstudio bi üs im dorf uf u i ha denkt de gani mau dert go inäluegä. wär o nid so wiit (5 min. mit em auto) u s'cüpli giz o no grad gratis drzue

d'coiffeuse woni jetzt ebä gfundä ha, hät aber xeit im notfall würd sii mi o no schminkä. das hani o mega lieb gfundä.

mau luegä da chunt scho guet. u im üsserschtä notfall, i hets zwar o lieber andersch: machi da de alleini wie immer.

Am 05.09.09 isch es sowiet!