jo ebe so bald me fleisch het werds denn halt au türer. mer hendjez nome spiessli, halt eifach x-verschedeni variations (käs, fröcht, fleisch, antipasti etc.), aber das send de nie so grossi fleisch mänge. denke bi eus werd vell bier tronkde. well wenn de werde d männer bier trenke ond ned wii. i sege de allne, si sele e fahrer organisiere, wet ned das öper ned cha trenke weller no muss hai fahre! :) aber ebe 22.- esch ned vell pro person! muss sege so winis vo HZ kenne woni scho gsi be die hend emmer öpe 4000 bis 5000 usgeh för e apero!
jo dasch mega tüür. mer hend zom teil gseh, ebe wo jede snack separat verrechnet werd. ond de hemmer eus ebe för so platte entschede, het eus donkt so chonts gönstiger. wel ebe sosch wers so tür..... ond mer hend eus au no denkt, es esch jo nor en apero, es goht jo ned drom sech vollzfresse, es geht jo nachetene no z esse
Hallo Morelia Mir hend t Sydeca us Krattigen gha. Sie mached alles so, wie dus gern hetisch. (Migros het ja z.B. e festi Uswahl, wo du chasch uswähle). Wen du irgend es Rezept hesch, ob us Asbekistan bis China , und du möchtisch das, den choche sie das au für die. Sie mache au Deko am Apero, wen du das möchtisch. Prislich isch es den ganz abhängig, was du möchtisch. Mer hend 19.50 Fr./pP zahlt (ohni Rabatte grechnet) für : • Gemischte Herz-Kanapees (Lachs, Schinken, Käse, Roastbeef, Ei) • Früchtebaum • Blinis, belegt mit Tatar/Gemüse/Lachs • Pastetli- und Terrinenauswahl mit Herzli!!! J • Poulet-Satay’s (Spiessli) • Gemüse-Platte mit versch. Dipps (inkl. Tzatziki) • Profiteroles, gefüllt (Vanille, Schoggi, Mocca) Du chasch vorher alles go probiere. Getränk werdet nach Verbruch abgrechnet (usser wen du Bowle wetisch, die isch pro Kopf, defür Priswert). Was ich sehr agnehm gfunde ha. Sie hend au ir Chile ghulfe (Chleid no Büschele, mit em Schirm dasta, t Tür schlüsse,... so chlinikeite wo mir sehr froh gsi sind.) Du chasch via diverser Möglichkeite au no chli Rabatt becho. (Mer he zum Schluss 4 verschideni Rabatte gha ). No bitz Idrück vo üsem Apero (leider mun i sege. Wie die meiste Brüt, kenn i min eigene Apero optisch nur vo de Fotis. )
merci viu viu mau für di vilä antwortä. het mir gad mega ghuufä.
soroya, das gseht ja dr hammer us. mi gg isch gad heuuf begeisteret, vorauem wägä dä satayspiessli. due mir das mau vormerkä. üsi euterä hei gmeint, mir söuä üs bim apero la überraschä und das öberem vor familiä i uftrag gä und eifach äs budget zur verfüegig steuä. mau luegä, villech machemers äso. aber wiviu budgetierä muesch haut glich wüssä. iz hani mau so ä ungefährä richtpriis.
Also unser Apéro ist eher teurer, es wird ca. 37.- pro Person kosten. Da sind 6 Häppchen, Chips, Nüssli, Oliven und die Getränke inbegriffen. Wir hatten eben keine Möglichkeit einen Caterer zu engagieren, da in der ganzen Stadt kein Lokal ohne Konsumationspflicht zu buchen war und raus aus der Stadt zu gehen kam für uns nicht in Frage.
Wie isch das, me liest ja immer vo Aperos vo Migi u Coop. Wird derte ou serviert? U ufbout sowie närne umi ufgruumt? Het da öber Erfahrige? Oder kennt öbert gueti u günstigi Aperos zwüsche Bern u Solothurn?
mis mami loht d apero emmer vode migros lo mache. die boue amigs alles uf und ruhme au weder ab. si dued au emmer s ganze gscheer ond so bi dene miete! Ob si aber au serviere weiss i ned..
Anmelden
ond mer hend eus au no denkt, es esch jo nor en apero, es goht jo ned drom sech vollzfresse, es geht jo nachetene no z esse 
).
)