nicht registriert

Hallo Fragender77

I bi mer ned so sicher mit de gnaue Zahle, mi Schatz macht mitem Budget... , aber i glub mir zahle für ds Ässe am Abe um di 6000.-, hi halt ä Party-Service. Ds Apero wird glub so um di 4000.- choschte.
Ds Chleid hani Occasion für 400.- kuft, dr Schatz si Azug im Usverchuf für 350.-
D Chilche ischm 250.-, dr Saal am Abe 2000.-
Für d Flitterwuche rächne mer 4000.-
De si no d Ringe für 2000.-
Ds Outo für 200.-

Mi Empfählig, we mes chli billiger wott mache, isch ä Party-Service. Je nachdäm chame no Lüt wome kennt ispanne wo hälfe serviere (bi üs maches z.B. d Nichte u Neffene vom Schatz). Wed derzue no ä billige Saal hesch, bisch viel günschtiger als imne Restaurant. Bi üs chunnts itz zimlech uf ds gliche, da mir ä tüüre Saal hi.
U när ifach we müglech Lüt ispanne us dr Verwandtschaft u Bekanntschaft für Sache wi Musig idr Chilche, Blueme, Deko...

Wir heiraten am 27.4. / 5.5.07

Auso we ig öier Zahle gseh hani z gfüel i heig di Billigschti Variante.
Mir hei äs budget vo 12-15000.

Dr saal chochtet 290.-
Dr apero platz 490.-
D Fotografin mit Album 2000.-
(Z Kleid hani vo mim ersparte zauht 2000.-)
Ds ässe am abe mit grillbuffet,salat buffet u Dessertbuffet 2000.-
u z ässe u z Trinke am apero öpe 4000.-
u d ringe 1300.-

D ferieä hei mir nid mit grächnet.
Zivil 23.4.07/ Chirchlich 19.5.07

Nei d Flitterwuche cha mä drum nid so guet berächne. Da mir ja mit äm VW göh.

Ja das gloube i dir du fiirisch uf äm nä schloss gäu??

Zivil 23.4.07/ Chirchlich 19.5.07

nicht registriert

ja gäll Teenspirit, di Schlösser his in sich mitem Priis. Mir si ja am Abe im Schloss Thun. Aber i glub es lohnt sich, soviel z zahle!

Wir heiraten am 27.4. / 5.5.07

@Teenspirit

Welchen Caterer habt ihr fürs Heidegg? Auf der Homepage steht soweit ichs gesehen habe nicht ob sie einen offiziellen Caterer haben den man nehmen müsste.

hallo mitenand
also ich gsehne, da bin ich nöd diä einzig wo sich so gedanke über d'chöschte macht.
ich bin sicher, bi de location, bim fotograf und bide flitterwoche dörf mer würkli nöd spare. bi allem andere.. naja... viellicht sicher echli. wiä scho oft erwähnt: DJ statt band, d'ring nöd grad vom meister sondern vom rhomberg, schöni chärtli sälber mache, blueme durch öpper womer evtl. kennt... etc.etc.
mir werded das au chli so mache, will mer grad vome längere ufenthalt im usland zrugg cho sind und s'geld "nöd eifach so" vorig händ

ich frög jetzt eifach da, ganz allgemein: isch es nöd wahnsinnig, für EIN tag (ohni flittere) ab fr. 15'000.- uszgäh?

ja, es sötti de schönschti tag im läbe si. aber das isch scho recht viel geld! wänn ich da denke, wiä viel mal z.b. id ferie chönnti gah mit dem geld, es neus schlafzimmer poschte, irichtig für es babyzimmer undundund. alles sache, womer als paar genau so viel devo hetti wiä für ein Tag so viel geld uszgäh.

** Zivil 20.07.2007 / Kirche 11.08.2007 **