@cuenca: Bi uns gohts zimmlich genau uf. Mir händ aber au chli "bschisse" und die grosse Pöschte immer grad apasst. Respektive, vili Prise händ mir effektiv scho kennt, wo mer denn s Budget gmacht händ. Und süscht hämmer überall eher z vil grächnet. So händ zum Glück au no Pöschte Platz griegt, wo mer am Afang vergässe gha händ. Am meischte denäbe gläge simmer uf jede Fall bim Apéro, ich ha vil meh ins Budget do als mer bruched. Hätt nid dänkt, dass üsen Dorfbeck so günschtig isch. Aber so grundsätzlich, im Totalbetrag simmer guet im Budget.

hey fragolina

dä vorteil a solchne budgetliste isch, dass me nöd vergisst chlineri pöste mit is budet ufzneh. mer hend i alehnig a sone liste üsi eigne excel berechnig gmacht inkl. erwartetem und tatsächlichem budget, aktuelle innahme und grössere gschenk vode eltre. und denn en fette betrag wieviel es ganze kostet :-)

die richtlinie wieviel näbis kostet hend mer herzlich wenig brocht. bevor i as hürote denkt han und mer e kollegin vo 15000 chf verzellt hät, bini fast umkippt abem betrag und han mi gfrogt wie sowas zstand chunt. wie sich details zemeläpperet hend mer jetzt schnell gmerkt, nur üses budget isch bi 35000 chf ohni flitterwuche. warum? will mer nöd unbedingt viel me gäst hend mit 55 gladne und 80 für de apero, aber überall die für üs best variante gwählt hend und nöd gross abstrich gschafft hend zum mache :-) däfür lebet mer sit em sept. so sparsam wie no nie. und mol so richtig spare mit me grosse ziel vor auge findi au e gueti erfahrig.

i find die budgetvorschläg sind wie mit de budgetvorschläg für de lebesunterhalt..sie gend eim e minimal agob und je noch asprüch wirds denn es bitz oder einiges tüürer. dass er mit sonere liste uf 30000 chf cho sind, findi eher unüblich. di meiste sind bi üs immer günstiger gsi.

viel spass bim rechne:-)