| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Car oder Bus
 1 2 3
11.03.09 13:22
fraztaz 

Car oder Bus

Hallo zämä

Tuet öpper vo euch än car oder bus organisierä und weiss viellicht was das öppä choschtet?

mir wei drum nid, dass d'gäscht säuber müessä fahrä. s'mag ja hüt gar nüt me liidä mit em alk.

i ga de sicher no go div. offertänä inäholä, aber s'nämt mi eifach scho mau wunder, ob öpper so öppis macht oder alläfaus ä besseri variantä het.

mir sii öppä 35 lüt u wei, das d'lüt bim hotel abgholt u id chirchä gfahrä werded u vor chirchä de is restaurant. am abig mached mir de das mit helfer wo d'lüt hei oder is hotel fahräd. auso alles zämä geits scho öppä 5 stund.

merci scho mau!

Am 05.09.09 isch es sowiet!
11.03.09 13:45
Frangipani 

Re: Car oder Bus

Hoi Fraztaz
Also was es chosted weiss ich leider au nöd, mir händ fürs Hochziit kein Car oder Bus. Aber ich han fürs Gschäft mal e Offerte iigholt bi de Post, det tüends alti Postautos vermiete (me chan au es moderns Postauto ha). Das wär vilicht no en Idee für es Hochziit? Ha aber ehrlich gseit kei Ahnig meh was dä Priis gsi isch... chunt au uf d Strecki (km) und d Mietduur drufa... und soviel ich weiss muess me dänn amigs em Chauffeur s ässe zahle

11.03.09 13:49
schoefli 

Re: Car oder Bus

Hoi Fraztaz

Wir haben einen Bus mit 15 Plätzen gemietet bei unserer örtlichen Busgesellschaft. Den darf man mit normalem Führerschein fahren. Wir brauchen ihn als Shuttle-Bus und fahren damit mehrmals. Die Miete beträgt 240 Franken pro Tag.


Wir heiraten am 20. und 21.5.2009.
11.03.09 13:50
sabo 

Re: Car oder Bus

Mir händ für än ganze Tag än LondonerDoppelStockBus gmietet. dä koschtet inkl. Alles 2000 Franke.
Han no anderi Offertene cho lah, die sind alli öppe um dä glich Priis. än halbe Tag isch natürli (soferns aabote wird) no bitz günschtiger. Dä einti Aabüter hät für än halbe Tag 1300 Franke welle.
11.03.09 13:56
Schoseli 

Re: Car oder Bus

Hi

aso mir hend es poschtauto welle, en Oldtimer! es guets angebot het dä Erwin Guggenbühl Postauto gmacht! glaub um die Fr. 500.00! aber das wär net för 5h gsi.
und 2 Carunternehmige hani au no a gfrogt, die send e betz türer gsi zwösche 500-750.00 für
1 Strecki! vo wo chunsch denn du?

lg
11.03.09 14:01
fraztaz 

Re: Car oder Bus

merci für die prompte antwortä. das geit ja zackig!

@frangipani: da mit em poschtauto isch no ä cooli idee. chasch da würkli uf dä poscht säuber frogä?

@schoefli: da isch ev. o no ä variante. mir müessted de aber eher 2 büs ha u de isch wieder s'problem mit dä fahrer. mau luegä

uii sabo 2000.-- isch scho gad chlei viu. sicher o sehr speziell. wieviu lüt sid dir de? mir hei mau 1000.-- is budget tue. hoffä aber eher, das es chlei weniger wird choschtä, will mir ja s'gfährt nu än haubä tag bruchid.

Am 05.09.09 isch es sowiet!
11.03.09 14:03
fraztaz 

Re: Car oder Bus

vo bärn ir nächi. für wie lang isch de s'poschtauto grechnet? i xe scho, da gits sicher o rechti unterschiidä.

Am 05.09.09 isch es sowiet!
11.03.09 14:08
Frangipani 

Re: Car oder Bus

@ fraztaz: ja, unter www.postauto.ch bini irgendwie druf cho! muesch mal chli go luege...
11.03.09 14:12
fraztaz 

Re: Car oder Bus

merci frangipani..... aber i bi glaub chli doof. findä das mit em mietä nienä!

Am 05.09.09 isch es sowiet!
11.03.09 14:13
Schoseli 

Re: Car oder Bus

glaub ca. för 2 Stund, aber es esch jo die 1 Stund wo ufwand geht, dä afahrts wäg!

Dänke jedi witeri stund esch nöme so tür. esch es päärli wo die Oldtimer füehrt.
Sie hend au en Hompage wo chasch go fötel a luege.
und das esch denn no inkl. Bluemenschmuck!

 1 2 3
Extrafahrten   günschtigschte   Carunternehmige   Fraztaz   unterschiidä   LondonerDoppelStockBus   Busgesellschaft   verschiednige   Bluemeschmuck   frangipani   unübersichtlich   Offert-Afrage   Caronternähme   Führerschein   poschtauto   Doppelstöcker   günschtiger   Bluemenschmuck   Caronternähm   Blumenschmuck