| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Transport vo Gäst id Obetlocation
 1 2
01.06.10 15:14
sari 

Transport vo Gäst id Obetlocation

i ha do mol no e frog zum Thema Transport vo dä Gäst....

mer hüroted im Rheintal und firet am obet im Appenzellerland.....
Ez hemer üs überleit en Car oder es Postauto z organisiere damit alli mitenad am Ziel ahkömed
wils glich no a Stückli isch bisme bida Location sind...denke öpe 30 km....und i würs echli doof finde wenn alli gladne Gäst selber mitem Auto möstet döt heri fahre...

Da wär jo no s kliner Problem...s grösser isch wia kömid d lüt hei...shuttle service oder fahrt do dä Car wieder mit allne zrugg wenn s fest fertig isch und ladet die lüt us döt wos ihgstige sind??

het do öppert erfahrige wie da funktioniert??

i dank eu jetzt scho för antworte
01.06.10 15:46
Soefeli82

nicht registriert

 Re: Transport vo Gäst id Obetlocation

Hallo Sari

Wiä wärs de, we sech d lüt grad bir abelocation besammle u när mit em ne car abgholt wärdä für id chilche u när alli wider mit em car zur abelocation gfahre wärdä. so si när o d outos am richtige ort. chasch dirs ungfähr vorstelle wiä ig das meine??

Und wiä si när mit em outo heim chöme, söll nid dis problem si.

lg soefeli

**Zivil: 20. August 2010 * Kirchlich: 28. August 2010**
02.06.10 10:53
cosmologia 

Re: Transport vo Gäst id Obetlocation

Hallo Sari

Mir sind au vor dem "Problem" gstande, nur im Kanton Züri. Mir sind selber Aahänger vo ÖV und bsitzed keis Auto. Wo mir letscht Johr anere Hochziit im Bernbiet xi sind, hämmer nöd zum Apero chöne, wil de nöd am gliiche Ort xi isch wie dTrauig und mr nur mitem Auto detane cho isch. Zuedem hämmer niemr kennt und sind enttüscht xi, dass es kei ÖV Möglichkeit geh hät. Dorum hämmer das bi üs anders mache wölle und händ en Londonbus für dGäscht vom Trauort zum Fäscht organisiert. De Apero isch am gliiche Ort, wie dTrauig. Mir teiled allne mit, sie söttet am Beschte mit ÖV cho. Für die werde mr en Taxiservice organisiere, wo sie ufe Nachtzug transportiere wird (falls sie würkli, würkli, würkli früehner hei wönd ). Es isch ebe nur öbe 3min entfernt mitem Auto zum Bahnhof! Die wo dennoch mitem Auto aareised empfehle mr bim Fäscht zparkiere und zur Trauig mit dr ÖV zcho. Die müend würkli selber uf sich luege...
Mini Eltere werdet uusem Appezell aareise, aber scho en Tag vorher und dEltere vo mim Fründ werdet uus Luzern aareise. Sie werdet es Hotel i de Nöchi neh und mir schicked sie au mitem Taxi dethere. Sini Restfamilie wohnt in Basel. Mir sind üs also gwöhnt i de Schwiz umezreise und im Normalfall mitem ÖV.

Wo hürotet ihr gnau? Wie müehsam ischs mitem ÖV aazreise, wenn mr uus de Gegend chunt?

Lg,
cosmologia

##Zivil am 10 Juni 2010 -- Trauung am 10 Juli 2010##
02.06.10 11:01
cuenca 

Re: Transport vo Gäst id Obetlocation

Die Idee von Soefeli finde ich ganz gut. Somit hätten alle Gäste ihr Auto bei der Abendlokation und der Car/Postauto müsst ihr nur für den Nachmittag buchen.

Wir werden mit dem Car nach der Kirche zum 2. Apero fahren und danach zur Abendlokation. Anschliessend fahren wir wieder alle zurück und laden die Gäste an verschiedenen Standorten aus...

Wir waren eben auch an einer Hochzeit, an welcher alle selbst fahren mussten und fanden das sehr schade, da die Gesellschaft auseinander gerissen wurde...

_____________________________________
Wir heiraten kirchlich am 4. September 2010
02.06.10 11:10
Carmile 

Re: Transport vo Gäst id Obetlocation

hey sari

vor dem problem sind mer au gstande, wobi üsi locations wenig usenand ligget. mer hendsd eifach schwierig gfunde wie mer das problem mit em obet noch em fest löset. fahrt en shuttle ständig vom resti zude parkplätz? bi üs übernachtet no einigi ide nöchi. all in all hend mer üs schlussendlich däfür entschide, dass jeder selber areist. das isch zwor weniger gäbig wägem trinke, aber mer hend mol es paar gäst gfrogt udn die wönd das lieber so. sie möget cars und co weniger, möchtet jederzit is auto öppis chönne go hole klar, en londonbus het mer au no gfalle. aber er hät nöd i üses konzept passt und isch halt tüür.

bi üs hend glaubs 2 persone keis auto, aber die bringet mer problemlos unter.

grüessli
02.06.10 13:22
sari 

Re: Transport vo Gäst id Obetlocation

@soefeli 82 danke für dein Tip

@cosmologia mer hüroted sehr wohrschinlich in Hinterforst (isch no nöd reserviert).mitem öv isches bi üs im rhintel kli kompliziert...und üsi Location isch in Schlatt/Haslen (AI) (d.h. isch ziemlich abglega und mitem öv au nöd erreichbar...)
es het üs aber so guet gfalle döte und bi üs im rhintel hets nünt sotigs ka...
mol luega....

@ cuenca bi üs kömid di meista gäst usem rhintal drum findis eba au kli doof wenn jeda allei hei mua fahra...
aber meinsch es wend alli so lang blibe bisme ufbrecht??I ha kei Ahnig bi leider hald auno nöd aso vilne Hochzite gsi...

@carmile i glob i frög au emol e paar gäst wa si dazue meinet..und denn kamer allno luega....
so en car /postauto isch hald scho no tür, aber irgendwie hald au cool....

danke fö d antworte
02.06.10 13:28
cuenca 

Re: Transport vo Gäst id Obetlocation

@ sari: mir händ ois das au überleit. Am letschte Hochzig wo mir gsi sind, sind au fascht alli mitenand ufbroche (und alli sind sälber hei gfahre). Schlussändlich wirds 2-3 gäh, wo wänd frühner und 2-3 wo wänd spöter hei. Aber mir händ denn gfunde, da mir sowieso bis zumene gwüsse Zitpunkt müend gah (Verlängerig im Lokal) chönd mir das so guet irichte. Es isch schliesslich oises Fäscht und wenn mir denn entscheided, zum früehner gah, isch das ja au nid usgschlosse... ;-)
_____________________________________
Wir heiraten kirchlich am 4. September 2010
03.06.10 08:11
cosmologia 

Re: Transport vo Gäst id Obetlocation

Hallo sari

Ich kenne sRhintel sehr guet, chume selber vo det und kennes nur zu guet weg de ÖV. Ich bi no es Töfflimeitschi xi, wil de Bus nümm gfahre isch ab de halbi 9i (au am WE!)
Was sueched ihr denn für Locations? Öbis mit schöner Uusicht? Chlini Kapelle? Sind ihr denn scho fescht vo eune Locations überzoge?
Wenn eh alli ussem Rhintel chömed, denn chönd ihr vilicht mit eune Trauzüüge abmache, dass sie so ne Auto-Pool mached und dAutos so fülled, dass die Lüüt, wo au nöch bienand wohned zäme fahre chönd. Was ebe no schön isch, isch en Autokolonne wo hupend dur dGegend fahrt mit wiise Bändeli uf ihrne Autos. Alli am Hochziitspaar no...
Vilicht chunsch selber uf neui Idee. Brainstorming cha do amel au no helfe mit dim GG zäme oder vilicht au mit de Trauzüüge...

##Zivil am 10 Juni 2010 -- Trauung am 10 Juli 2010##
03.06.10 09:11
beauty 

Re: Transport vo Gäst id Obetlocation

Hallo zusammen!

Wir haben einen Car organisiert, der an 4 Standorten die Leute abholt. Danach bringt er die ganze Gesellschaft zum Trauungsort, dann zum Apéro und nach dem Apéro zum Festlokal. Nach dem Fest um ca. 01:00 bringt er alle Leute wieder zurück zum Abfahrtsort.

Diejenigen die früher oder später nach Hause wollen, können dann immer noch das Taxi nehmen. Ist alles relativ nah beieinander.... ca. 10-15min.

Es waren alle begeistert, dass sie nicht mit dem eigenen Auto von Ort zu Ort fahren mussten.


----------*** 3. Juli 2010 ***----------
03.06.10 09:57
Freudepur 

Re: Transport vo Gäst id Obetlocation

Hallo

wir wollten eigentlich auch eine ÖV Hochzeit. Heisst das die Gäste nicht mit dem Auto anreisen sollten. Aber es ist absolut unmöglich. Kann das nicht nachvollziehen, da wir gar kein Auto haben und überall hin mit dem ÖV gehen. Aber unsere Gäste haben direkt nach Parkplätzen und Anfahrtsplänen gefragt und wie sie dann nach Hause kommen, obwohl wir allen einen Fahrplan ab Ihrem zu Hause zu unserer Hochzeit beigelegt haben Da unsere Hochzeit jedoch an einem Ort startet und dann mit Schiff und Nostalgiezug an einen anderen Ort zum feiern geht, wurde es dadurch viel komplizierter. Die Gäste müssen nun vor der Hochzeit mit dem Auto an den Festort und dann haben wir einen Bus organisieren müssen welcher Sie zum Trauungsort fährt. So haben alle am Abend Ihr Auto und fahren damit heim. Ich kann es absolut nicht verstehen aber eben...
 1 2
Gesellschaft   schlussendlich   carunternehma   nachvollziehen   Anfahrtsplänen   Appenzellerland   Schlussändlich   Abendlokation   Planungsfreudige   sTaxiunderneme   verschiedenen   Töfflimeitschi   transportiere   komplizierter   Brainstorming   wohrschinlich   Transport   Obetlocation   Anschliessend   Schweizerisches