Hoi hoi
Het vo euch schomol öpper mandle bstellt? Wenn jo,vorallem ide Schwiz?
Danke für Antworte

lg muggi

Hürote mi Schatz am 12.09.09 :)

nicht registriert

hoi muggi, ich habs nicht bestellt aber bei googel kommen viele treffer .. mich würde mal interssieren warum man das macht? nur weil es ein brauch ist? ich kenne das nicht aber habs jetzt auch schon als gast bekommen und fands irgendwie.. komisch.

*Das Deutsch-Schweizer Bündnis startet am 29. Mai 2009 mit der zivilen Trauung und erreicht seinen Höhepunkt am 30. Mai 2009 bei der kirchlichen Trauung "Ich ergebe mich der Liebe weil Liebe dich ergeben hat" H.-C. Neuert*

Hallo Muggi

Öber d bastelstube.ch chasch die Bonboniere online bstelle oder au d'Mandle einzeln und si sälber bastle.

Liebs Grüessli
Tanja


Mer traued üs am 08.05.2009 & 09.05.2009

Hoi

Jo mer lönd vo de bastelstube warschindlech au grad öisi Tischkärtli mache.
Ech werde d'Mandle denn grad det zäme met de seckli chaufe und de häime sälber bastle.

Mer send uf die durch Trau Dich! in Züri cho, si hend det en Stand gha.


Liebs Grüessli
Tanja


Mer traued üs am 08.05.2009 & 09.05.2009

Hallo Ladies,

ech gseh scho...... no nie anere italiänische Hochziit gsi....
Also, me bendet die 5 Mandle in es Tüllsäckli. Dezue schriibt mer es chlises Chärtli met em Hochziitsdatum ond de Näme vom Bruutpaar. Das ganze werd verschlosse met ere schöne Schleife, ond s Ändprodukt nennt mer denn "Bonboniere".

Wie scho erwähnt, dä Bruuch chont us Italie. Esch eigentlech i de Schwiiz ned werklech verbreitet, drom send Mandle ond Zuebehör au extrem tüür! Wenn öbber also no Ziit hed för en Abstächer, wörd sech das ächt lohne!
Die füf Mandle simbolisieret Glöck, Gsondheit, Erfolg im Läbe, Liebi ond natürlich Chendersäge (logisch be Italiäner). Öbrigens werdet Bonboniere ned nor a de Hochziit bruucht, sondern au a Taufene (denn send d Mandle rosa oder hellblau) ond sosch a wechtige Fäscht wie Fermig oder ronde Gebortstäg. Italiäner send sehr abergläubisch ond es cha jo nie schade chli Liebi usw. förig z ha.
S Bruutpaar schänkt die Mandle erne Gäscht, zom e chli öbbis zrogg ghä, was sie a dem Tag alles dörfet erläbe. Es sell es Dankeschön vo Härze si.
Bonboniere chömed ursprönglech us em italiänische Königshuus. Wenn ergendöbber vo de Adlige ghürotet hed, esch s Volk met suessigkeite beschänkt worde. Well das aber so velli Persone gsi send, esch zB. Chueche oder Schoggi ned guet gsi, das cha mer jo ned scho Woche vorhär härstelle. Drom hed öbbis anders müesse här. Zocker hed mer gha ond in Süditalie gehts rächt vell Mandelbäum. E guete Effekt esch au gsi, das mer die Mandle guet hed chönne verteile i dem mer si i d Mängi grüert hed. In Italie werd denn au no a gwösse Ort ned Riis ofs Bruutpaar grüert, sondern es geht äxtra chlini "Mandorle" wo nor es Stöckli Mandle drenn händ.
Öbrigens: Bonboniere nie uftue ond ässe, das brengt den Onglöck!!!!!! Die send werklech nor zom aluege do. Ech weiss...... Italiäner send mega kitschig

Wers mag, sells mache. Wer demet nüd cha afo, esch au guet.

Hät do sosch no en gueti Adrässe us Langenthal:

Bottega dell' Arte
Paoletti Romano
Wiesenstrasse 26
4900 Langenthal BE

062/ 923 00 28

Mini 140 Stock send of jede Fall scho lang fertig.

Saluti fidanzate, buona fortuna per tutti. Bacci, bacci!!!!!

pearl

Hallo Muggi,

nei leider händ die kei Homepage. Esch es ganz chliises Lädeli i de Metti vo Langenthal. So wie se si sosch nor in Italie geht.

Also han mol nochegrächnet. Mer händ vör 140 Bonboniere knapp 400 Franke zahlt. Das macht pro Stöck (5 Mandle, Ossetüll, Ennetüll, Bändeli, Chärtli) öbbe 3 Franke.
Noch obe goht natürlech emmer Händ ned werklech die türschte gno. Uswahl hättets rächt vel. Aber wenn du au es guets agebot hesch, nemm doch das. Well i de Schwiiz Bonboniere fende....... esch en herti Noss zom knacke, gäll?

Gruess pearl

PS: Wenn Ziit hesch, mach d Bonboniere sälber, chond dech scho weder belliger. Muesch nor s Material zahle. Send ganz easy zom baschtle. Ha amigs vor em Färnseh bäschelet.