nicht registriert

Hallo zusammen
Ich bin inmitten der Vorbereitungen für eine schweizerisch/italienische Hochzeit. Habt ihr Erfahrungen mit den Erwartungen von Italienern/innen? Gehört auch was speziell italienisches (zB. Bonboniere) dazu? Bin gespannt auf eure Tipps.

Hallo Gioia

Also ich heirate einen Italiener und wir machen eine atypische Hochzeit, aber die Bonboniere sind bei uns dann doch Pflicht:-)

Sonst kann ich dir nicht viel mehr erzählen, ausser dass viiiieeeel gegessen wird....

Wann ist es bei euch soweit?

GLG

nicht registriert

und woher habt ihr die bonboniere? tessin oder italien?

@ sabs: ich bin trauzeugin bei meiner schwester, die einen italiener heiratet. das fest wird am 28.august stattfinden. wann traust du dich?

@ cosa87: bi üs wirds au e italienisch/schwizerischi mischig geh.. ;) aber i glaub d italiener hetted scho no freud, a öpis typisch italienischem...isch lieb, dass di nochli umelosisch, merci :)

apropos gästegschenk; was gits do bi eu?...han im forum xeh, das öper anstatt bonboniere selbergmachte limoncello verschenkt - findi no e kuhli idee. hender susch no tipps?

guetä Morge gioia,du hesch mer jo gschribe . i bi e schwitzerin und wirde am 11.9 en Italiener hürotä. De Limoncello mache düenemer scho mache, aber nümme as gaschtgschänk. Ich mache mit mine schwiegis vor dr Hochzit Limoncello und den dörfe mir dä an der Hochzit nach em ässe usschänke. Den wärde mir au die klasische Bonbonieri schänke, mir isches eifach wichtig dases öpis isch wo alli chönet bruche und nid sone sch......! zb. en schöne Wi-Fläsche verschluss aber nüd so svarovski-krischtal mässig. Mir göi if Varese go luegä.
Wo gönge dir ane? Die wo au die klasisch Bonboniere mache?
Und den mache mir es Menü mit Antipasto-Vorspis und en Tris di Pasta vorspis und im ganze sis 5 Gäng + Dessertpüffe + Hochzitstortä, und das schmekt minerä Familie genauso .
Und mir hei e Italienischs Musiker Trio usem Züribiet,wo die alte Folklorische Musikstück spiele chöne wo alli sini Verwandtä durädreiä . Aber si rede Schwitzerdütsch und chöi au dütschi stück, dämfall hei beidi site freüd.
Süscht heimer eigentlich nüd speziell für ditaliener. Ich und min Zuekünftige wärde eifach mol im verlauf vom Obe e Red an unsi gäscht halte und ich wird min text uf Italienisch abhalte und min Schatz uf Dütsch
Und ich dänke das beidi Familie so unkompliziert sind das es so guet isch wies isch .

Grüessli Gioia25




::: 10.09.2010 Zivil - und am 11.09.2010 unsi Kirchlichi Hochzit :::

Zuletzt bearbeitet am 03.05.2010

nicht registriert

Salue Zäme
Merci villmol für eui hilfriche Gedanke. Ich möcht als Trauzüügin in erschter Linie au es Fäscht für sBruutpaar organisiere, aber wött wenn möglich die italienische Gäscht auno irgendwie ahspreche/mitihbezieh.

@ gioia25: das mitem Limoncello findi echt e super idee. das mueni mol mitem bruutpaar bespreche. mol öpis anders als bonboniere. i weiss eifach nöd, öb das die italienische gäscht vilicht erwartet? han do scho so gschichte ghört...
äbäfalls findi d idee, dass du öpis uf italienisch verzellsch und er öpis uf dütsch vortrait sehr herzig :) chunt sicher guet ah bidä gäscht!

@dorina: ups 4sprachig..hohe ansprüche (an die trauzeugen :) aber wird bestimmt auch lustig.

@alle: was für schöni italienischi liebeslieder hend ihr im repertoire?

Hallo Gioia

Also wa sicher isch, das Italos hochi erwartige hend. Je noch alter und Ortschaft.. je südlicher desto ''schlimmer'' :) mir chömed beidi vom Süde

sie hend sicher bim ESSE hochi erwartige ;) (aber da plansch jo nid du oder?)
und halt bide ganze unterhaltig.. Lieder....

wa bi minere cousine (isch allerdings scho 6 johre her) guet acho isch, isch Hochzitzittig gsi (italienisch/dütsch) so sind gäst au chli beschäftiget.. :)

mir machet kei Bonboniere also eifach nid die übliche will ich finds eifach unnötig und e geldmacherei, schlussendlich passts nid jedem und zum grösste teils chames gar nid bruche und vorallem sinds no recht tür..... mir werdet die Mandelsäckli (in italie 140Stk. ca. 50.-- Euro) als Tischkärtli neh. (sitzornig isch au e heikles thema bi de italos)
und als gastgschänkli nememor so e glasfläschli mit My M+M's ev. no en teil mit Limoncello gfüllt oder so.