zum chidertisch will i no sägä, dass sich das bi üs chli ibürgert hät an geburis und so, dass es kind u gnüssen, wenn si eilei ässä dörfen und ufstoh wenns wön... es sind bis uf 3 alles nichtä und neffe vu minem ma und diä kennen sich und machen das super. ich werd aber no delterä frogä wies sis gern hetten wägä der tisch ordnig. finds sinnlos für dchind en paltz zmachä und den sitzens niä dört und am nä 10er tisch sitzen no 4 erwachseni ganz elei.

ohni chind got eifach nid, isch wie bir bluemefee. aber ich bin au scho amnä chinderlosä hz gsi und hans gnossä en obet nur für üs 2. mier gön jo au suscht ab und zue ohni di chlinä wäg.

ich luegs aber nid als chinderfeindlich a, wenn mä klar seid, chind am apero und derno bitte bim gäumer. isch doch klar wen mä no kei eigni hät, dass mä sich das nid gwöhnt isch und au nid würkli vorstellä chan.

Lg

.•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•.
Sid am 13.02.2009 verhürotet und am 25.09.2010 isch üserä grossi tag

also ech fende das zemlech es heikels thema, well eltere sech meischtens vor de chopf gstosse fühled, wenns om ehri eigete chline schätzis gohd.
silver, dini toleranz ond istellig sötted sech velli müettere z'härze näh. fend das super wie du dänksch ond machsch.
ech fendes echli schad, wenn mer eifach seid, üs gehts nor MET chend oder söscht gar ned. schliesslech esch mer au no es paar, ond denn chan mer doch au einisch emol en babysitter organisiere. ech fendes absolut in ordnig wenn mer seid, ok d'chend send am apero debi ond evt. au bim ässe, aber nochhär esch es au guet, wenn sie abholt wärded, damet d'eltere in rueh de obe chönd gniesse ond ned scho am halbi zähni müend go, well die chline evt. muulig send.

mer händ no kein chend ond wärded am obe au nor eis baby debi ha wo denn sächs mönet werd si. das werd keis problem si, wells es extra zemmer werd gäh, wo de chli chan pfuuse ond somet esch är secher ongstört.

@dorina, wenn du gärn en chendertesch wettsch mache, denn nor zue. vellecht hesch jo au d'möglechkeit es zemmer bi de location als spell-ond-schlof-zemmer omzgstalte ond evt. en babysitter z'angaschiere. also wenn ech mami wär ond s'hochzietspaar sech im vorfäld bereits öber so öppis gedanke macht ond au öppis organisiert, fend ech das sehr ufmerksam ond wörd mech öber sone geschte sehr freue.



verliebt 23.04.2006/verlobt 14.02.2009/verheiratet 10.07.2010

nicht registriert

Also es ist deine hochzeit es ist daher ganz wichtig dass diese nach den wünschen des brautpaares stattfindet, das vergessen viele paare einfach. Es ist EUER tag! zu dem kindertisch - ich finde es in ordnung, im laufe des abends "verläuft" sich das eh eher und mit ausmalbüchern, kindermenü etc. ist es sicher viel "cooler" als am erwachsenentisch.

wir hatten das problem nicht - es gab 1 kind, dass sass mit am erwachsenentisch. bei uns war es eh nicht so "steif" (jetzt nicht im verlgeich zu dir sondern allgemein zu manchen hochzeitsessen) da wir in der mitte die tischordnung gewechselt haben

Hey Bluemefee

Ich finds ächt toll, gits no so Müetere wie dich! Du schribsch sälber, dass s Beschäftige und Hüete vo de Chind bi de Eltere liggt. Und ganz klar: Ich find Chind im Allgemeine öppis ganz herrlichs. Nur han ichs halt no gärn, wenn d Eltere ihri Chind ebe au im Griff händ. De eint vo unserne chline Gäscht isch halt scho eine, wo eifach immer usprobiert, was me no alles chönnti kaputt mache, und was es brucht, damit sini Gschwüschterti und Cousins/Cousine möglichscht gli brüeled. Hätt ächt nid dänkt, dass es tatsächlich scho so chlini Tyranne cha gä. Und das Menschli bruch i denn ebe nid ide Nöchi vo mim Hochzitschleid, de Hochzitstorte oder irgend öppis anderem woner a däm Tag ebe möglichscht nid sött zerschtöre... Sini Mueter het scho mol drfür gsorgt, dass mer in unserem Restaurant no es zweits Zimmer händ, wo si ebe Platz händ zum Spiele und au zum Schloofe, denn zu später Stunde. Aber öbs denn so vil "lieber" isch, d Chind denn eifach wägzsperre, weiss ich ehrlich au nid. Henu, mer nämeds jetz eifach wies chunnt und hoffed, dass das chline Menschli au irgendwenn grösser wird.

I findes überhoubt nid krass :-) vilech ligts eifach ou dranne das für üs u üses Umfäld ä Hochzit äs Familiefescht isch u so d'Chind ou drzue ghöre.

Würdi aber ä Brut persöndli zu mir cho u säge dasi chli bedänke heig wäg de Chind (ev. Wägem Platz, wils Ambiente nid passt, keni schlafmöglikeite etc. etc.) würdi anders drüber dänke. Aber im Vorus säge. Nei mir wei öii Chind nid de würd i ou nid ga wül mini chind müesse ja ou betröit si!

Nid nume d'Chind chöi sech unagnäm verhalte amene Fescht, mir schänke zum bischpil ou Alkohol us u müesse miter gfahr läbe das dr eint odr ander zfil trinkt u das fin i fiiiiil schlimmer!!

Ihr heit ja rächt! Jede söll für sich entscheide was für sis Fescht z'beschte isch!

s'het halt so tönt als were d'Chind ä mega störfaktor u das ischmr chli i fasch hals ja ja mim Mueterhärz hets halt scho chli weh ta

S'Chunt halt ou immer drufa wime das de Eltere überebringt ume ne nid z'Gfüehl git als wäre ihri Chind so furchbar störend u nid erwünscht...............

Für üses Fescht wärs mr fasch lieber weme gwüssne Lüt chönt dr Alkohol wäg nä wesis drmit übertribe aber das wirdi wohl oder übel müesse akzeptiere