Hallo Zusammen

Wir heiraten nächstes Jahr im August in Luzern im Hotel Montana.
Ich komme aus der Region Basel und mein GG aus Uri, darum auch Luzern ist in der Mitte.

Nun haben wir folgende Situation: Das wunderschöne Hotel Montana hat leider relativ hohe Zimmerpreise (ab ca 320.- pro Doppelzimmer/Nacht). Da unsere Gäste eben nicht aus Luzern sind, werden die meisten wahrscheinlich eine Übernachtungsmöglichkeit benötigen. Wir werden diese aber nicht finanzieren..
Nun meine Frage, was für Preise sind den Gästen zumutbar? Sollten wir ein billigers Hotel als Alternative vorschlagen? Oder einfach die Preise unseres Hotels nennen und wer nicht dort übernachten will, soll selber organisieren? Wie handhabt ihr das so mit Übernachtungen?

Danke für Euer Feedback!

Hoi Nala... Wenn du scho extra en Thread ufmachsch schribi dir da! :) Mir händ au mind. d Helfti vo de Gäst wo us de Welschschwiiz chömed. Daher die werdet entweder heifahre oder übernachte. Aber ganz ehrlich mir macheds so, dass mir ja d Iladig ca. 6 Mönet vor de Hochziit schicked. Den chönd sich d Gest sälber Gedanke mache was sie wend... Und die wo übernachte wend, chönd sich ja es Hotel i ihrem Rahme sueche oder evt. no organisiere dass sie bi öpertem i de nöchi vo de Verwandschaft chönd übernachte. Mir hend das bis jetzt bi dene Hochziite (sind zwar nur zwei) so ghandhabt dass mir den für eus glueged hend und die restliche Gäst au. Find da muss s Bruutpaar nöd no meh organisiere.

Hallo Nala!
Luzern isch - sorry - sautüür was Hotel abelangt. Ich schaffe imene Gruppe-Reisebüro, drum chan ich do es Liedli singe. Probiers mol mit:
- Royal
- Ibis Styles Luzern City
- Zum Rebstock
- De la Paix
- Weinhof
- Hofgarte

Die wärid alli zimlich ide Nöchi vom Montana.

Zuletzt bearbeitet am 18.11.13 10:59

Übrigens, würd ich das mol uf Siitene aluege wie z.B Hotel.de oder hrs.com
Dete gsehsch grad im Überblick, welles wo lieht, und welles e guete Priis het. Es gits sogar, dass die Siitene (grad hotel.de) die bessere Priise hend als s'Hotel sälber.
s'Montana z.B gits dete für de 1. August (isch jo dis Datum oder?) scho für "nur" CHF 270.-

susch hets au no pensione, für die wo gar nid vill wänd usge.

het no i de altstadt, was ja würklich nid wit weg isch vom montana, en nacht spaziergang dur eusi wunder wunderschön stadt lohnt sich au...

weisses kreuz ca 200.- & best pizzas in town :-)
magic hotel (het so spezielli zimmer, teilwis mit whirlpool, barock, etc..) ca 200.-
bin au scho gsi
hotel des alpes 170-250.- (grad vor de kappelbrugg)


chasch mal chli go google, und wenn mal im montana bisch, lauf doch a bahnhof zrugg (usser gasch mitem auto natürlich), wirsch gseh es isch zuemuetbar zum laufe...und taxis gits ja au no

littlefoot: dank dir viilmolfür dini hilf. bi geschtr kurz z luzärn gsi, und ha au dänkt i mues vilicht vom bhf zum montana laufe. (gescht isch mirs abr z spot und zkalt gsi )

janedoe: danke, hoff au nid das d gäst das erwarte! aber meh weiss jo nie!
mir wän nid organisere wie all hei kämme oder schlofe, wil mir halt kei lust hän uf jede si wunsch izgoh. s kömme evtl au lüt usem usland, die bruche de vilicht scho länger e übrnachtigsmöglichkeit usw..