Das hani mer höt am Morge ou no öberleit, dass mer, wemmer's sozsäge als Dankes-Chärtli oder als Bilag derzue wörd verschicke ned nor Lieder, sondern velecht ou en Dia-Show met es paar Hochzitsföteli chönnti druf brönne.

Ha zwar afig en schräge Siteblick becho, woni's erwähnt ha, aber wenn er sech's mol öberleit het, wird mi Schatz denn scho igseh, was för en tolli Idee das esch!

madmadi


Ich hürote mi Schatz am 8. August 2008!

Ja, das mit em schräg aluege hed öppis

Ha grad geschter au so en Blick gärntet, won ich mini Dekoidee nur so usegsprudlet ha... aber ich muess zuegäh, er hed no viel e besseri Idee gha!! Mis Manndli isch äbe au sehr kreativ und künstlerisch begabt :yes: Jetzt müend mier nur no luege, öb sich die Idee lönd lah umsetze, das äbe ganz en heissi Sach wär... und mier wettid ja schliesslich d Chile oder s Restaurant ned abfackle *neineinei*

Aber das mit de CD muess ich ihm hüt trotzdem grad no verzellä und ich bi sicher, es wird ihm au gfalle. Schliesslich bedüdets für ihn ja kei Arbet, da er Compi mässig überhaupt ned begabt isch und das a mier wür hange. De isch er sicher Iiverstande *smile*

Übrigens, ghört zwar grad gar ned zu dem Thema, aber ich muess es glich gschwind los wärde!!! Mier gönd jetzt de grad üsi Ring bim Goldschmied s erscht Mal go aluege *ganzfeschfreud* und am Donnschtig chan ich ändlich mis Chleid im "Original" go probiere und all Asseccoires dezue ussueche *faschtplatzvorfreud*! Bi so chribelig, dass ich das jetzt eifach no gschwind ha müesse loswärde, isch chli viel ufs mal für mini "Vorfreuds-Närve"

Schöne Abig

Cannella

ich hab letzthin kiwikonfi gegessen. sie schmeckte mir auf jedenfall. im internet habe ich jedoch nur ein rezept dazu gefunden:

http://www.rezeptidee.com/rezept-kiwi-grapefruit-61228.html

am besten probierst du einfach mal aus. ich denke nicht, dass es die grapfruit drin braucht. so wie es aussieht, kann man sie genau gleich wie andere früchte konfis machen
ich bekam von meiner freundin letzten sommer ein glas grüne-tomaten-chutney, welche sie aus grünen unreifen tomaten herstellte. war der hammer und ist auch grün *yammi

canella, hui ich freue mich auch gleich so mit dir! ich kann mir vorstellen wie du "vergibelst". hast ja auch allen grund dazu, wenn man an deine langes warten denkt. hach ich fühle mit dir, ich will endlich mein hochzeitskleid probieren!!!! aber ich muss noch bis am 7.märz warten

guät nacht
nordliecht


miär freyid eys uif de 6. septämber 2008 :-)

Hallo iehr zwoi Mitfieberinne

Juhuii üsi Ring wärded wunderschön!! Hend no es paar chlini Änderige vorgnoh und jetzt wärdeds de perfekt, cha chum meh warte, bis mer sie de ändlich döffid für immer alegge.

Und de Termin für mis Chleid isch jetzt am Donnschtig uf die drüü reserviert!! Bi sicher, dass jetzt alles klappet schliesslich isches ja de Valentinstag und zu allem anne no mim Mami ihre Hochziitstag und sie wird mit mier mitcho. Und zu allem ane heissts ja ned ume süsch "was lange wärt wird endlich gut"

@ nordliecht: Hey, weisch wie glii isch de 7. März da!! Es gahd ja schliesslich nur no 23 Täg. Hätt der e gueti Idee, nimm doch en Adväntskaländer füre de chasch jede Tag es Tüürli uftue und bevor "Wiehnachte" isch hesch dis Chleid scho aa *smile*
Ich weiss, gäll mer chas würklich chum erwarte, aber was sind scho 23 Täg vo dim Läbe??!

Es liebs Grüessli

Cannella