| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Im Usland hürote ohni gest..
 1
04.11.08 17:32
hazeli2008 

Im Usland hürote ohni gest..

Mir möchtet im Usland hürate und zwar ohni gest...
was halted ihr devo?

Mir sind ebe recht viel entüscht worde vo bekannte.. drum hämmer eifach kei lust...
04.11.08 18:13
Manuela24

nicht registriert

 Re: Im Usland hürote ohni gest..

Hoi hazeli2008

Ich finds ä gueti Idee. Also d.h. nöd in jedem Fall. Aber ich ha so chli dini Iträg verfolgt und drum chan ich guet verstah, wenn ihr das so mache würdet. Wenn nöd mal die best Fründin wet mitcho go Bruutkleider aluege und d'Gäst kei Geld wänd gäh, denn würd ichs au so mache. Falls ihr eu so entscheide würdet, würd ich eifach nachher mal no ä Karte verschicke so nach em Motto "wir haben geheiratet". Viellicht merket denn d'Lüt mal, wie blöd sie sich verhalte händ.

Ich wünsche dir trotz allem ganz viel Spass bim vorbereite - egal, ob in dä Schwiez oder im Usland.

Lg

Mir trauet üs am 29.05.09 & 06.06.09
04.11.08 18:47
hazeli2008 

Re: Im Usland hürote ohni gest..

Danke für die lieb antwort... has ebe grad anere kollegin gschriebe, dass mir eventuell im Usland hüratet, sie hets denebet gfunde... aber ebe... viele dank...
04.11.08 18:47
hazeli2008 

Re: Im Usland hürote ohni gest..

Danke für die lieb antwort... has ebe grad anere kollegin gschriebe, dass mir eventuell im Usland hüratet, sie hets denebet gfunde... aber ebe... viele dank...
04.11.08 21:17
surri 

Re: Im Usland hürote ohni gest..

Sali Hazeli

I cha di verstoh und find das es vorallem für eu muess stimme. Und wenn das di andere nit chönne verstoh den sind ihr ihne nit so wichtig wie sie euch vormache. Meh cha scho enttüscht si aber den seiht me das nit.
Wenns nach mim Verlobte gange wär hätte mir das au so gmacht. Aber mir isch s' hürote mit minere Familie wichtig. Und so gseht er über mängs komplizierti Lüt und vorallem viel Lüt ( ca 50 isch für ihn scho z'viel, het nit gern viel Volk)druberweg.

i hoff für di das alles so ablauft wie ihrs Euch vorstellet und das Euri Bekannte sich wider ikriege.

Cu Surri

Mir traue üs am 19.12.08 & 22.08.09
05.11.08 07:38
Piglet 

Re: Im Usland hürote ohni gest..

Hallo

E dänke der müend öich eifach secher si, dass der das so weit. Ned dass ders de em Nachhinein beröiet dass öichi Öutere ond so ned derbi gsi send.
En Kollegin vo mer het heimlech i der Schwiz ghürote (standesamtlech) ond am nöchste Tag sinds grad id Flitterwoche. Bevor si abgreist sind hei si no es Chärtli of d'Post do: Wir haben geheiratet. So händ d'Lüt zwöi Woche Zit gha, zom sech a dä Gedanke gwöhne.
E has en gueti Idee gfonde. Si händ das beidi so wöue, wöu si das nor för sech händ wöue mache. Es haubs Johr spöter hei si denn es paar wenigi Lüt zom ne chline Festli iglade. Muess säge, dass das grad so schön esch gsi, wie nes "normaus" Hochzit.

Liebe Gruess
Piglet
05.11.08 08:15
deepdown

nicht registriert

 Re: Im Usland hürote ohni gest..

Nachdem, was ich hier von dir nun alles gelesen habe, denke ich wäre es für euch vielleicht wirklich eine gute Idee. Wenn sich wirklich niemand für eure Hochzeit interessiert, dann sollen sie auch nicht am Fest teilnehmen können. Schliesslich ist es euer Tag und er soll für euch der schönste werden.
05.11.08 09:23
maju 

Re: Im Usland hürote ohni gest..

ouso grundsätzlich finde ig, das im Ausland hürate öpis sehr speziells cha si! i kenne zwöi wo z las Vegas hei ghürate..... aber die heis gmacht wüu sie das so hei wöue u nid wüu sich ir schwiz niemer hät gfröit mit ihne! bi öich chunnt mir das wie ä Flucht vor....... werum düet dir nid eifach ir schwiz im chline rahme hürate?
u werum fröie sich eigetlich dini Eltere nid mit öich?
mir hürate am 02.05.2009
 1
enttüscht   vielleicht   Schliesslich   eventuell   komplizierti   geheiratet   interessiert   gschriebe   hazeli2008   standesamtlech   teilnehmen   Nachhinein   Bruutkleider   verschicke   kollegin   Flitterwoche   grundsätzlich   entscheide   vorbereite   vorstellet