Daysy äuä nit, ha keis I-Phone, u es wird ou kes cho. Mit am Ladycomp bini aber scho länger am lieböugle, würdi mi über Erfahrige sehr fröie, positiv wie negativ - gern ou via PN. Heit ihr dä hie kouft (isch ja nit gad billig) oder sit dr uf DE usgwiche?
ich ha ja de daysy aber das isch ja itentisch wie de ladycomp. chasch ja im ricardo luege ob öper eine verchauft wenn der das nüd usmacht. muesch der eifach bewusst sie dases nöd so sicher isch wie pille! kenne öper wo nach 6 mönet schwanger gsie isch und nie a de rote tag unverhüetet sex gha het!
Hey lulaond wie wers met em pearly (i ha de brucht). Er esch recht gönstiger as de ladycomp ond i mine auge send die paar features wode ladycomp meh ned, das extra geld ned wert.... jo erfahrige.. Du musch der wörkli bewusst si dass du au bi absolut korrekter awendig e grössers risiko hesch wie bide pille.... Es esch definitiv es verhüetigsmittel wome nome set bruche wenns nüt macht wenns wörd ischloh!
Hoi Nisliker Das mit am Ricardo bini mir ebe no nit so sicher... Drum dÜberlegig mit am Dütsche. Das hani mim GG gseit, aber die 100% Sicherheit hesch ja nume wenn de gar kei sex meh hesch. Aber i wirde ihm das sicher ou säge, wüu er wott sicher no bis endi Jahr warte, u de denn mau gugge.
Hoi Elea dä isch mir ebe scho fasch chli zchli Iwie Danke für Din Bricht, gugges no eis mit mim GG ah
lula, au met de pille hesch ja kein 100% schotz (musch mol Google "Pearl-index"). und ja 100% secherheit hesch nor wend ke sex hesch ;) me muss eifach selber entscheide wie höchst "Risiko" dass me wet igo/ha. ;)
wie meinsch denn zchli? vode grössi her oder vode funktione?
Ig weiss, dass isch das wo mi "beruhigt", zumaus gloubs ou anderi Verhüetigsmittel gibt mit am ne ähnleche Index vom Ladycomp. Aber ebe, irgendwas isch immer.
Vode Funktione. U iwie findi das mit dr Batterie ou chli komisch, muesch dä doch ischicke. Aber vo de Funktione wetti haut scho dr Lady
aso mini fa hets mer so erklährt, du chasch de pearly genau glich zor Familie planig nötze wie de ladycomp. hesch de eifach sex ade rote täg :) was halt ned hesch esch das ganze züg während de Schwangerschaft. aber si het mer grote i chamer die extra choschte spare. velecht redsch au mol met dinere fa dröber. die chöne eim am beste berote und kenne velecht au züg womer nonid kenne...
und da weg de Batterie, jä wend dusch temp, messe de gohts jo die regel nöm lang bes me Babys wet. aso i kenne jez niemert wo set 3johr temp messt und nonid wet schwanger werde ;) das esch voll easy de scheckschs i, die wechsle Batterie und finito. ;) aber ebe velecht mol met de fa rede was si der empfelt...
het öper interesse ame daysy? mini fründin het en 2 mönet brucht und möcht en jetzt nüme will sie schwanger worde isch. sie het mit hilf vom daysy u schnell usegfunde wenn sie schwanger werde cha und es het sofort klappet
isch aber natürlich au zur verhüetig super! benutz en au und find en super
Ich han bi eui mal echi gläse... Sitem August hani au en Daysy und finden sehr praktisch ide Handhabig,aber ansonste hani nochli problem demit.Ich wird eifach nid schlau us minere Tempi kurve,irgendwie findi sie chli kompliziert. Pille nümi sit afangs Jahr nüm,aber vo April bis August bini ohni Mens. gsi. Frühner hani eigentli immer superschöni kurzi Zyklus cha a er jetzt hani ewigs.Ällei letst monet ischs 36täg gange bisi wieder Mens. cha han. Findet ihr das nid au bitz strub? Ich zeig eui mal es Bild vo minere Tempikurve,viellicht chönder mir jo sege waser devo denket oder mag ôberd sini au zeige? Leider hets es paar einzelni Luckene bsunders die letste Täg,ha Ferie cha ;)
Anmelden
viel spass mit em daysy! ich ha im 2. zyklus scho nur no 12 roti tag gha. bi zfriede bis jetzt 
Iwie