Dir säget, dass dr Körper ja ono Zit brucht bisersech nach dr Pille wider umgschtellt het...i kenne aber o Froue wo diräkt nachem Pille absetze grad im erschte Monet si schwanger worde. Chamesech also nid druf verla, dasses de nid eventuell doch sofort wür klappe
Und wäg dr Pille absetze: Klar chas negativi Uswürkige gä, aber alles i allem störemi die paar Pickeli weniger, weni drfür weiss, dasi nid immer Hormon zu mir nime. Füehlemi de allgemein eifach irgendwie wohler. Und i finds momentan eifach besch*** mit Kondom ds verhüete, drum fröimi o umso meh wemers de nachem Hochzit eifach chöi la drufabcho. I bi o 28gi und klar spilts ke Rolle, obme iz ersch mit 32 Mami wird..i find es chunt chli drufa, wome süsch schteit im Läbe und was eim wichtig isch..i schaffe zum Bispil iz sit 5 Jahr am gliiche Ort und irgendwie wetti nüm so lang dert blibe..aber wet o nid Stell wächsle und de grad schwanger wärde..drum probieremers mal mitem schwanger wärde und luege de witer wenns innerhalb es paar Mönet nid klappet..Aber wot natürlech nid nur wäg dr Stell schwanger wärde, i ha eifach irgendwie so es Buchgfüehl, dasi langsam bereit wär Mami ds wärde und hät mega Fröid a some chliine Wurm Aber das mit dr gmeinsame Zit zäme gniesse isch natürlech o so! Das wärdemer iz ono ganz flissig mache, bises de mal so wit isch.

@ Snet: i verstah di völlig...o dass du Angscht hesch zum wider schwanger wärde! Aber i drückedr o ganz fescht d Düüme, dass du s ok überchunnsch vo dim Arzt unds denn o iischlaht wenn du wider bereit drzue bisch. Und dass di d HZ chli drvo ablänkt!

jo es i ha au e kolegin wo nach 1monet schwanger worde esch. genau glich hani abe au eini wo set 2 johr am üebe esch. i go lieber vom worst-case us. wel weni jez emmer denke "bi aneder het jo au grad igschlagge, velecht passierts jo bimer au" de beni nome entüscht wens ned eso esch ond vo mi ah stresse... aber weni jetzt devo usgo dassi werde monate ha bes sech mi körper vode pille erholt ond dasses nachdem nomol monate cha go bes es ischloht. de beni of das vorbereitet im chopf. ond wenn de alles besser / schneller lauft denn chani freud ha ond be dankbar :)
i weiss ha scho tusig mol verzellt vom kolege päärli wo scho set 2johr am üebe esch aber ebe me ond mi frönd het das extrem vorsechtig gmacht was das abelangt. mer send eus sehr bewosst dass die baby halt mengisch au erst nach 2johr chömet ond ned wenni sege, so jett werdi de 30i aso muesi vorher no es chend ha.
i due emmer metem schlemmschte rechte ond freue mi de öber alles wo besser lauft

jo braut das esch halt bi fraue zwösche 25i ond 35i emmer so es thema wenn drom goht d stell wechsle. mer gfallts zwar do woni schaffe aber rege mi halt au ab ond zue öberd lüt uf ond de hani au scho denkt weg enre andere stell luege. aber jo wer blöd weni wechsle ond es johr spöter schwanger werde. denke di andere kolege wörde das chli doof fende... chum het me agfange, verschwendet me scho weder för 3 mönet :/
eigentli scho miis dass nome mer fraue eus öber so öpis mönd gedanke mache...

Zuletzt bearbeitet am 01.03.13 07:35

lus met dere chöntes de no recht ofd fresse gheie...
öper us minere familie, die hend bim erste chend 4mönet gha bes igschlagge het (aso au super schnell wini fende). wos de es 2ts chend hend wele send send zueversechtlich gsi dasses grad weder so schnell goht. denkste du! me als es johr hets brucht bes s2te het wele ischloh!
also nome wels bim erste mol schnell klappet het heisst ned dass me gueti gen het onds bim 2te mol weder passiert. es spele vell zvell faktore met, zuefall, glöck, timing etc...

jo ond ebe wenn mer sones grosses muhl het de werd me meischtens bestroft deför! (aso ned dassi da öperem wönsche aber das esch halt karma...) :)

jo ebe wer au schad wennd jetzt extra NED d stell wechslich ond de wersch erst i 2 johr schwanger... ond em nochhinein hettis de guet glanget zom wechsle...
kenne au es paar die hend ke ferie me buechet well si emmer angst gha hend dass si denn chönt schwanger si ond nöm döf flüge. aber das wördi NIE mache of ferie go verzechte! machsch lieber e gueti annulationsversicherig!

Mer send etz denn bald es Johr verhürotet, nöchscht Johr wömer denn au starte. Bes denn wemer no üsi gmeinsami ziit gnüüse, üsne Hobbys no go, chli Gäld spare usw.

Liebe Splendi
Ich habe während der Kinderwunschzeit jeweils ein wenig darauf geachtet in der 2. Zyklushälfte nicht grad zu schnell Medis zu nehmen, hab eher mal drauf verzichtet. Von dem her würde ich evtl. einen Monat aussetzen, je nach dem was es für Medis sind.

Allerdings gilt in den ersten 5 Wochen das "alles oder nichts"-Prinzip, d.h. wenn der Embryo in dieser Zeit geschädigt wird, dann geht er von selbst wieder ab. Mir wurde ausserdem erklärt, dass der Embryo die ersten 8 Wochen nicht mit der Mutter verbunden ist, er wird von der Plazenta ernährt, und darum macht es auch weniger aus, wenn man in dieser Zeit z.B. Alkohol trinkt. Viele Frauen wissen es ja auch einige Zeit nicht und leben dementsprechend normal weiter.
Also von dem her könntest du es ja auch einfach draufankommen lassen, immerhin besteht jeden Monat auch nur eine Chance von 25% schwanger zu werden!