| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Nuvaring
 1 .. 7 8 9 10 11
30.06.14 13:59
LucyLu  		Re: Nuvaring

oh je nisliker… ja jedi Frau hät d'Mens anderst, minere Kollegin gahts wie Dir und hät mit de Pille fast nöd blüetet.
30.06.14 14:03
nisliker 

Re: Nuvaring

vilicht pendlet sich das nochli ii. ha gester mis diaphragma zfrüeh use gno (mössts 6 stund drinn la und has dummerwis nach 4 stund use gno). hoff ich erläb i 2 wuche kei überraschig

30.06.14 16:54
himbeer 

Re: Nuvaring

ja ich bi gspannt. hett nie denkt dass täg jetz weniger stark und chürzer sind als vorher. mal luege wie sich das no entwickled. d hauptsach isch gsi, sie sind genau pünktlich cho

30.06.14 17:01
saerli 

Re: Nuvaring

elea:
aso meinsch dass s ei eifach ned "sprengt". hoffe ned das si das het
das chasch jo nor met tests usefende?

Hey Elea

Als ersts emol: Happy Schwangerschaft! Hey gratuliere, dasch ez aber husch gange

Zu dinere Frog:
I ha das paar mol gha. sEi esch zwar anegrifft, aber vorem Eisprung wie "igange" ond met de Mens usgschede worde. dOvulationstests ond mini Temp händ emmer gseit, dasi en Eispruch ha (well dHormon halt au so gsi send), aber dUntersüech bim Arzt händ ergeh, dass sEi riesegross worde esch, aber statt platzt, esch es eifach zämegsackt ond fort gsi

Es het sech usegstellt gha, dasi Endometriose ha, wasi vor 4 Woche au ha müesse operiere. Es esch schins jedi 2. Frau wo en unerfüllte Chinderwunsch het vo Endometriose betroffe - also be Azeiche unbedingt abkläre loh, well jeh nach Stadium werds schweriger met em Chinderwunsch, vorallem ziehts sech zitlich no meh use. Azeiche send z.B. starchi Schmerze im Unterleib, aber i ha das ned gha ond darom het mers lang ned vermuetet.

I rote allne Päärli wo nöm veli Johr wänd warte, wenns nach 6-12 Monat ned klappet ine Kinderwunschklinik zgo, well det werd ondersuecht wo dUrsache send. Get nüt müesamers als wenn alli om eim ome säged, "das klappet den scho, lönd euch nochli Zit". Ond am Schloss stellt sech use, dass es gar nie hät chönne klappe, wenn mers ned untersuecht hät.

Liebi Grüess usem Nochberdorf!

Saerli
01.07.14 07:47
elea 

Re: Nuvaring

hallo saerli, danke vellmol. jo es esch so rasch gange dass mer emmerno bez gschockt send :)

ou hesch müsse operiere? wie gohts der denn jetzt? besch di am erhole oder gohts der scho weder besser? esch denn d endometriose de hauptgrond gsi dass s ei ned sprengt oder het das denn kei zemehang?
i chamer vorstelle dass das müehsam esch wenn eim alli zor geduld rote ond vo wege me het jo no zit. wenn me en wunsch het de chame de jo ned useschiebe... aber i fendes mega toll dass du so offe met dem omgosch. wel es esch jo emmerno bez es tabu Thema ergendwie wo vell ned wend dröber rede oder sech schäme. debi send so vell devo betroffe... :(
i wönsche der vo herze alles liebi und gueti!!!!!!
01.07.14 10:05
Canoa 

Re: Nuvaring

Ech wet dezue säge dass jede Mönsch anderst met so Diagnose umegoht!
Es geht keis Rechtig oder Fausch...es stemmt ned för jede so Diagnose allne zverzelle anderi müend offe druf los rede...

Ond Endometriose esch ned gleich Endometriose!!!!
01.07.14 10:08
nisliker 

Re: Nuvaring

hoi canoa

aber es isch doch au schön zwüsse das mer nöd die einzig isch. und das mer das nöd allne im fründeschreis verzellt oder jedem wommer kennt isch verständlich. aber sforum isch ja so anonym da chammer sini sorge ja scho chli teile nöd? und die wo nöd wend müend ja nöd... isch jedem selber überla. aber ich find es isch en guete ort zum sich mitteile und mer cha sich au ganz guet zrugzieh wenn mer nüme drüber rede will..
01.07.14 10:13
nisliker 

Re: Nuvaring

ps: isch ja irgend wie sgliche wenn mer schwange isch. mer derfs 3 mönet niemertem sege, drum schriebeds ja viel is forum :) denn chönds drüber rede und es merkt niemert wens verlürsch... isch doch optimal. chasch wenigstens mit de ladys da ine rede

01.07.14 10:48
saerli 

Re: Nuvaring

Canoa:
Ech wet dezue säge dass jede Mönsch anderst met so Diagnose umegoht!
Es geht keis Rechtig oder Fausch...es stemmt ned för jede so Diagnose allne zverzelle anderi müend offe druf los rede...

Ond Endometriose esch ned gleich Endometriose!!!!

Jo das esch eso.
Wie meinsch, Endometriose esch ned gleich Endometriose????? Was sells den sust no si???


Danke Elea :)
I ha mi guet erholt, es brucht nochli Zit, aber es chonnt scho guet - hoffi zumindest.
I cha guet ond offe dröber rede, es esch nüt woni schähme deför oder so - andere gohts secher anders demet ond sie verzelleds niemertem. I säges au ned allne woni kenne, aber do im Forum esch es scho sehr anonym ond i mim enge Fründeskreis wösseds es paari ond dFamilie.
Es send so vell devo betroffe, do esch es mängisch guet, wenn Betroffeni wo noni wösse, dass es das get, das ergendwo chöned ufschnappe ond sie sech den Gedanke mached das mol go prüefe.

Allne en schöne Tag!
01.07.14 11:33
elea 

Re: Nuvaring

jo canoa da stemmt absolut... aber i fendes schad dass velecht lüt wo gern wörde öber ehri sorge und ängst rede sgfüehl hend si müsse sech zrog halte. arbetskoleg wo set 3,5 johr met sinere frau am üebe esch, het 3johr gschwegge ond eus denn (aso 2 arbetkolegine em Büro woner nöchstoht) igweiht. ond er hets elber gseit es het ehm guet do. es het mer de u leid do, welli doch gern au scho di letschte 3 johr för ehn do gsi wer. ebe es esch secher ned jede so, aber i fende eifach es betrefft so vell dass doch jede wo wet sell offe chöne dröber rede!
jo ond s Forum geht eim eigentli scho au mega vell do me do öber alles cha rede ohni dass me muss angst ha öber het vorurteil. i be au ned so dassi met all mine sorge zo jedem go, aber es helft eim secher wenn me met de enge frönde ond de Familie cha rede.
schön besch di am erhole saerli! ond vorallem super dass so positiv besch!
 1 .. 7 8 9 10 11
stimmigsveränderige   Eisprung   temparaturschwankige   nisliker   Kinderwunschklinik   Temperaturcomputer   hochzyt   underlibsschmerze   schmerze   hochzits-Adrenalin   hormone-schwangungen   absetze   Stimmigsschwankige   schwanger   grundsätzlich   eigentlich   Verhüetig   Verhütungsmitteln   Nuvaring   Endometriose