@alli: danke villvillmal für euchi "hilf". es isch ebe no folgendes problem bi mir. wenns nach mim gg gächt würded mer ebe grad nachde hochzyt afange mit "üebe". ich bin aber nonig sicher öb ich das sofort wott...grundsätzlich würd ich aber au keis büro ufmache wänns dänn würkli ischlah würd will mer grundsätzlich chind wänd.
und ich han früehner (vor de pille/nuvaring) ebe entweder d mens gar nöd übercho oder aber duurbluetige über monate. darum hani chli angst das wenn mer erscht nach de hochzyt ufhöred mit de hormonelle verhüetig das mer denn no länger händ bis sich min zyklus stabilisiert (sofern er das jemals tuet bi mir). somit würded mer under umstände wieder es paar mönet verlüre...und wie du seisch elea: ich han mir das in chopf gsetzt und jetzt wetti am liebschte wenn ich en näscht mal muess entferne wegrüehre und fertig (isch de letscht ide packig ).

Ich würde wohl auch besser noch warten mit dem Absetzen der Pille. Als ich die Pille abgesetzt habe, habe ich ziemlich unreine Haut bekommen und es dauerte recht lange, bis sich das ganze wieder normalisiert hat.

Zuletzt bearbeitet am 13.02.14 09:07

da wegem unregelmässige Zyklus muess em fall au ned onbedengt si. hamer au so mega sorge gmacht wege dem. woni met de pille agfange ha beni 16ni gsi und ha soo en onregelmässige Zyklus gha (zum teil 3mt lang ond so gspäss). ond ebe me ghört jo öberall dass wend pille lang nemsch dass es lang cha go bes sech de Zyklus igspellt het. ha 12johr d pille non stop gno. de hani au fest demet grechnet dasses lang wird go bes es sech ipendlet. ond grad de erst Zyklus esch scho recht gnau gsi. aso ebe au das wegem onregelmässige Zyklus muess ned zwengend si.... ha mol glese dass das galub nor bid ehelfti vo allne fraue so esch.
aber ebe schloss entli musch selber entscheide obd das "Risiko" wetsch igo vor de hz.. es esch halt e glöck sach wenn em d pille absetzt donkts mi ame
wenn hürotisch denn gnau?

Und no öpis: hät öper vo euch Erfahrig mit dene Zyklustee's? Ich bin nöd so de esoterisch Typ wo wahnsinnig a Chrütli glaubt aber schimbar chas würkli hälfe...
Und wäg dem Temperaturcomputer: muess mer bi dem nöd en sehr regelmässige Zyklus ha dases funktioniert?

ich weiss es ebe gar nöd. han mini mens mit 14i s erscht mal übercho und nachem zweite zyklus oder so 3 mönet lang ohni unterbruch bluetige bis mer d fa dänn e pille verschriebe hät. dänn isch nacher gange und vor öpe 7 jahr hani mal es halbs jahr nüt meh gno und keis einzigs mal mini mens übercho. darum bini total verunsicheret öb ich überhaupt en einigermasse normale zyklus anebring...

händ ihr dänn chind planet bzw. wänn?

wenns nach mim gg gächt wäri sit 2 jahr mami ...aber will ich nonig bereit gsi bin hämmer gseit mer warted no.jetz hämmer entschiede das ich entweder jetz oder nach de hochzyt de nuvaring absetze und mer dänn natürlich oder mit gummi verhüeted.will grundsätzlich wärs für mich mittlerwile eher schön als en schock wänni schwanger würdi...