| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Nuvaring
 1 .. 5 6 7 8 9 .. 11
05.06.14 12:16
himbeer 

Re: Nuvaring

ich ha au da wieder glück gha: ich ha vor de hormonelle verhüetig scho nöd extrem schmerzhafti periode gha. denn mi de pille isches immer ca. 5 täg gange, devo 1-2 täg schmerzhaft und denn nüt meh (aber au nöd mega schlimm). und jetz ohni hormonelli verhüetig gahts nur no 3 täg und ich ha gar kei schmerze meh, nur am erste täg chli es komisches gfühl im buuch. bi selber überrascht.

@nisliker: nei mir verhüetet no mit kondom jetzt. familieplanig muess no warte es paar mönet. klar wärs jetz au kein weltuntergang wenns würd ischlah, aber plant wärs nonig.

@broncos: machsch eifach alles so wie ich

05.06.14 12:42
nisliker 

Re: Nuvaring

ah ebe... isches demfall würkli vo frau zu frau verschiede. hoffemers best

05.06.14 12:58
himbeer 

Re: Nuvaring

ja ich denk au, me chas nöd würkli vorussäge. aber es nützt ja eh nüt, wenn mer d familieplanig will in agriff neh, denn muess mer so oder so ufhöre verhüete

und es cha halt würkli au sii dasses en moment gaht, bis de körper sich wieder iigrichtet hät.
05.06.14 18:59
LucyLu  		Re: Nuvaring

himbeer:
ich ha au da wieder glück gha: ich ha vor de hormonelle verhüetig scho nöd extrem schmerzhafti periode gha. denn mi de pille isches immer ca. 5 täg gange, devo 1-2 täg schmerzhaft und denn nüt meh (aber au nöd mega schlimm). und jetz ohni hormonelli verhüetig gahts nur no 3 täg und ich ha gar kei schmerze meh, nur am erste täg chli es komisches gfühl im buuch. bi selber überrascht.

Hei bi mir isch es fast glich: ich ha jetzt ohni NR mini Mens weniger lang und vorallem weniger stark. Und Beschwerden hani nume liecht am erste Tag, so es komisch s'Gfühl. Au chopfweh hani weniger.

Zuletzt bearbeitet am 05.06.14 19:00
06.06.14 09:40
himbeer 

Re: Nuvaring

haha da händ mer glück gha, lucy. am afang hanis eher komisch gfunde, aber ich beschwer mi nöd ;-)
12.06.14 09:37
nisliker 

Re: Nuvaring

guete morge mitenand!

ha genau nach 28 tag also am 29. tag mini täg übercho :) hüd startet min erste normale zyklus bis jetzt gönd schmerze no aber ich gspürs scho recht... mini huut isch bis jetzt nöd schlimm aber schlechter worde. haar gönd au no. ha nie problem mit fettige haar gha will ich au recht dicki haar ha aber jetzt muen ich sie scho all 2 tag wäsche... 3 tag nöd au no aber sind nüm schön.... das hani früener nöd gha. aber isch au voll nöd tragisch wie gats eu?

Zuletzt bearbeitet am 12.06.14 09:46
12.06.14 10:38
himbeer 

Re: Nuvaring

haha wow, wie es uhrwerk, das freut mi für dich! ich ha theroretisch das weekend en eisprung gha, aber finds no schwer mit nahvollzieh. ich fühl mi au nöd gross anders. aber ich glaub es chunnt langsam guet jetz bini gspannt wenn bi mir de zyklus verbii isch, ich hoff ja uf 35 täg, denn würd mer nämli e regelmässigkeit chöne erkenne. ich lah mi jetz eifach mal überrasche.

mit huut und haar merki eigentlich kein unterschied, weder im zyklusverlauf no im verglich zu vorher mit nuvaring.
12.06.14 10:59
nisliker 

Re: Nuvaring

ja hoffs dases bim nöchste au so pünktlich chund wer ja hammer
12.06.14 13:28
nisliker 

Re: Nuvaring

himbeeri duesch du denn temp messe? det gsehsch es guet wenn en gha hesch...
12.06.14 14:17
himbeer 

Re: Nuvaring

ich ha zwei mönet lang gmesse aber nüt schlaus debii usegfunde. de zweit zyklus isch denn sogar 58 täg lang gsi, drum hani denn ufghört. bim nächste wotti aber wieder afange.
 1 .. 5 6 7 8 9 .. 11
Endometriose   Verhütungsmitteln   underlibsschmerze   hochzits-Adrenalin   Stimmigsschwankige   nisliker   hormone-schwangungen   Nuvaring   temparaturschwankige   Kinderwunschklinik   Verhüetig   schwanger   stimmigsveränderige   hochzyt   Temperaturcomputer   grundsätzlich   Eisprung   absetze   eigentlich   schmerze