also ich bin i de letschte 10 jahr scho x-mal allei unterwegs gsi, au mehreri monat und ich han au scho es paar mönät im usland gschafft... i sonere beziehig isch ifersucht wohl e fehl am platz! ich bin en freiheitsliebende mänsch und wänn mir min maa mini freiheite nöd würdi gäh, wäred mer scho lang nüme zäme....

ich sälber bin eigentlich au nöd ifersüchtig, eher gwundrig halt

Hallo zämme

Es chunt immer druf a wie me ifersucht definiert. Aber jetzt Zetteli hinerlo oder SMS schriebe hät jo nüt mit Kontrolle ztue, sonder einfach mit informiere. und das find ich au richtig.
Sobald es aber öppis met Kontrolle ztue hät, den würds mi grad putze.

Ich mache mit mine Kumpels regelmässig party-weekends so vo Do-So, da simmer au scho uf Ibiza u.ä. gsi. au mini Polterwuche mach ich in Vegas. Ich gseh das oft be anderne Kollege wo d'Fründine das regelmässig verbütet. aber wenn mir eus gegesitig ned vertraue chönd, den isch dbeziehig eh zum schitere verurteilt.

was mich meischtens meh nervt isch die neugier. ich weiss ned ob das typisch frau isch. wenn i am samschtig morge vom squashe zrugchume, den heissts immer als ersts: "was händ ihr so gredet?". Was mich den ame nervt, das es belanglosi theme sind wo ich uf dem 10-minütige weg weder vergässe han. oder au wenn es sms chunt. wer hät dir den gschrebe? dörf ich es au lese? :) ich mach mer den ame en spass drus und luege mini sms en halbe tag ned a :))))

lg juni07

nicht registriert

@Juni07 also das würd ich glaub au ned so frage- aber ich ha au s Glück das min Maa vo sich us amel verzellt was sie so gmacht hend und was sie erlebt hend. Ich ha glaub na nie gfragt was sie redet oder wers troffe hend oder so
Au üsi Sms lönd mir üs gegesietig si- höchstens letzthin wo er mal im Bett z Nacht am 01.00 na am smsle gsi isch im minutetackt hani denn mal gseit: So säg dinere Affäre sie söll sich morn wieder melde ich wett schlafe Aber natürlich im Scherz. Es chämt mir natürli ned in Sinn z frage wer schriebt oder sogar z kontrolliere- er het nacher so müese lache und a de Arbetskollegin gseit sie täged das morn bespreche- SCHWUPS hani es sms becho wo sie sich bi mir entschuldigt het

Aber bi üs isch au so das wenn ich z.b. fahre und es sms bechum oder au umgekehrt mir jewiels sägäd: lueg mal wer gschriebe het und so chan mer gar ned uf de gedanke cho das de ander eim öpis verheimlicht Schön wenn das so isch ich gnüss das echt mega

Hand in Hand... ein Leben lang, seit dem 07.05.2011

@dia:
Sie frogt uf e herzigi Art. Da isch kei Misstraue dahinder, eifach neugier.
Ich lose scho zue, speiichere aber nur das wo notwendig isch. und wenn ich met mim kolleg 20 minute zämmesitze, den cha das sie, dass mer über 10 theme aspreched. und innerhaltb vonere minute weder wechslet.

@livipivi: ich rede im gschäft scho vel, was mini fründin nid macht und be ihre sprudlets den nur so use wenn sie heichunt. ich verzähle nur wenns absolut wichtig isch, au den chunts no vor, dass ich es ned verzälle und nur meine das i es gseit han. wird den immer bös, wenn ich meine das sie das vergässe hät :)
be eus gihts au nüt zverheimliche, drum verzäll ich glich ned über jede kontakt wo ich de tag dur gha han.

@nimbini: theoretisch chönt sie a mis notebook ane, ohni problem und mini sache lese, ich has eifach ned gerne. ned das ich öppis zverheimliche hät, aber ich finde das isch wie post und das öffnet mer eus jo au ned gegesitig.
do chunt mer grad in sinn: ich be letschthin uf em heiweg gsi, da lütet sie a und seit: du häsch en brief vom strasseverchehrsamt ZH becho - dörf i de ufmache und luege was sie wänd? Ha den nur gseit, das dörfsch, aber nur wenn de izahligschii beglichsch :) det isch mer jo den in sinn cho, dass ich uf de europabruck liecht zschnell gfahre bin :(
übrigens, de chasch uf de europabruck hät 2 kameras und fötteled beidi strossessite - blöds ding....

lg juni07