nicht registriert

Ich gfindes eifach echli schad die Diskussion wege de schlimme Pille- für all die wo sie ned dörfed absetzte- gits eim na me es unguets Gfühl. Ich kenne defür jensti wo d Pille me als 10 jahr gno hend und ohni Problem grad de Zyklus igsetzt het- also es git halt die und die andere-
ich für mini Person dörf ja ned absetzte wege de Endo und ha woni verbotener Wies im Okt 2010 abgsetzt ha, schön die ersti Periode normal becho
Und ich finde halt die Verhüetigsmethode au die agnehmsti- wenn ich ehrlich bin. So- ha das da nur mal welle sägä- es hend leider ned all d Möglichkeit frei z entscheide

Hand in Hand... ein Leben lang, seit dem 07.05.2011

nimbini:

---

@saerli, ich wird im fall bald 33i und im momänt hani sogar nöd s'bedürfnis nach chind, obwohl ich früehner immer han welle es jungs mami werde.... trotzdem stimmts für mich momentan eifach nöd! hochzyt hin oder her... mir händ ja nöd ghüratet wäge dem, wie so vieli anderi schints mir amigs....

@livipivi, also ich bin im fall au kein gegner vo de pille! für mich hät pille durchuus ganz viel positivi siite gha, aber han au jetzt es paar positivi sache, woni vorher nöd gha han! aber rein wäge dene pickel im gsicht (und sit neuschtem no am rugge) würdi sie am liebschte wieder näh... ich chume krise über wäge dene pickel, da hilft alles nüt! und vor de pille hani nie pickel gha und während de inahm au nöd... han immer e huut gha wie es baby! ich find pille grundsätzlich es guets verhüetigs mittel und würd sie au jederzyt wieder näh....

@saerli, han im fall au nöd dich gmeint demit! aber es fallt mri halt je länger je meh uf, au i mim umchreis! no krasser isch de trend, z erscht mal luege, ob meh überhaupt schwanger wird und dänn hürate... und wänns nöd klappt mit de chind,d änn muess en andere partner ane! da chum ich krise über.... aber wänn da im forum luegsch, isch es ebe scho bi de meischte so, hürate und zack bumm grad chind! da chan meh dänn au de arbeitgeber nöd verüble, wänn sie verhürateti fraue nöd berücksichtiged bim bewerbigsverfahre..... aber ich bin halt scho immer gern gäge de strom gschwumme, so au bim thema chind

ech fende mer merkt erscht NOCH de johrelanger ihnahm vo de pille weder, wie de körper rechtig esch, ebe ohni hormon/ohni pille ond erscht denn werds eim weder bewusst, wie das eigentli chann ond setti laufe. met pille hesch eifach KEI zyklus, das esch jo alles könschtlech.

wie scho anderi gseid hend, es ged serigi bi dene klappets grad noch absetze vo de pille ond genau so serigi bi dene gohts uuuuh lang, bis de körper sech weder erholt hed.
mer weiss nei was mer bechond. aber die wos denn ned grad klapped, die bereueds logischerwis, dass sie ned scho vorhär ufghört hend ond eifach dänkt hend "das klappt de scho grad", well höt zo tags wott jede SOFORT schwanger wärde, wenn sie pille absezt... aber da klappt ebe leider bi vellne ned ond denn wärdet vell entüscht. i wönsch's keim!

@livipivi
ech fend die diskusion ned schad, es esch realität. wiso sell mer das verschwige?
es esch natürli för dech (ond serigi wo s gliche hend wie du) met de pille vell besser för de kröper, wäg de chrankheit! das esch jo kei frog! ond ehr hend au kei anderi möglechkeit, als t pille denn absetze, wenns er wend ss wärde ond i dröcke der (ond dene wo das hend) uuh fescht t düme, dass es denn au sofort klapped! denn es chann sofort klappe!

Zuletzt bearbeitet am 18.01.12 15:27

@Insomnia: hey das tönt de super, Hoffe es gaht wieter eso. Drück dr Düüme dasses gar kei Diabetes esch!

Ech han Pille 10Mönet vorem Hochziit abgsetzt, ha ufs mal kei Schmerze meh gha während dr Mens, zuegnu hani au nüd. Pickel hani immer öppe:-)! Und igschlage hets im 2. Üebigszyklus. Also es ged glaub kei richtigi Theorie da drüber!!

hend e wunderschöne 2. Juli 2011 gha - eifach unvergesslich

bi mine meiste kolleginne hets au grad igschlage nachdem sie pille abgsetzt händ, bi minere schwägerin au :) das esch würklich ned sälbstverständlich.

ob jetz hormon, psychische druck oder was au immer dursache sind... mer muess es neh wies chunnt und wenns chunnt.

kenne 3 päärli, die händs derewäg probiert ond unbedingt welle, es het aber nie klappet. die einte händ sogar scho es chinderzimmer igrichtet gha, obwohl sie ned schwanger gsie esch. es send alli erst denn schwanger worde, wo sie demit abgschlosse händ, wills gmeint händ sie sige ned fähig chind zbecho oder so...

i hoffe fest, dass die wo sich es chind wünsched, au chöned schwanger werde, ohni dass sie vieli jahr druf münd warte, bes es den endlich mol ischloht.