@bergeri

Bi ois esch sFäscht im Dorf au scho am 31. Ond das scho sit es paar Johre. Well holt am 1. (fascht) alli chönnd usschlofe ond so au meh Lüüt a das Fäscht chömed als wenns am 1. esch (obwohl ich das scho chli schad fende). Aber so fired mer holt "ine"

Aso sFescht bi üs im Dorf isch scho am 1.Ouguscht, aber bi im Seeland ufgwachse u uf am Bielersee isch immer am 31 Füürwerk, goub isch ebe nit am einzige Ort so...

Ja stimmt, de 31.7. oder ebe 1.8. wär so mis Lieblingsdatum, aber ebe, erstens kommt es anders und ...
Drum lohni mi uf kei Prognose use.

Han letzte Frietig de letzt Arbetstag gha, isch irgendwie schones komisches Gfühl, aber i han mi entschlosse de MU bereits ei Wuche vor ET azfange, damit ich nomol e Wuche so richtig gnüse chan, viel Schlafe und no die letzte Chlinigkeite erledige. Wobi i scho viel Vorbereitige troffe han. S Klinikköfferli isch uf all Fäll scho parat und de Chli chönd sich rein theoretisch uf de Weg mache, aber ebe, ich denke es goht eher no e gueti Wuche oder länger ... Bis jetzt gspüre emel no gar nüd ...

MU = Mutterschaftsurlaub. Ich han 16 Wuche voll zahlt, devo chame max. 2 Wuche vorem Geburtstermin nä. Mini FÄ het mich scho lang chrank gschriebe gha, aber i han nöd wölle, mir wär das viel z langwielig gsie, de ganz Tag nur diheime, das hani nochhär no gnueg Bi üs isch so, dass wenn me die 2 Wuche vor ET chrank gschriebe isch, dass denn automatisch de MU afangt, vo dem her hani mi für die Wuche jetzt nüme expliziet chrank schriebe la. Han sowieso erst wieder 1 Tag nach ET en Termin bi de Fraueärztin und sie het au gmeint, dass sie denkt, dass mir üs nomol gsehnd (ich also überträge).

Ich mache 6 Mönet MU (noch de 16 Wuche na unbezahlt) und nochher gangi wieder 2 Tag go schaffe. Han nöd ganz welle ufhöre und beidi Grossmüetere hend gseit, sie würdet gern je en Tag Enkelchind hüete :-)

@dorina
jo mer gnüsseds ond schätzeds sehr so es leibs pflägeliechts baby z ha! mer wössed dases NED sälbschverständlech esch! ghöre gnue anderi gschechte vom omfäld! i weiss es werkli z schätze!!! :)

hesch denn vell ss-beschwärde? oder esch's eifach stränger met dim bald 1 jöhrige racker? :)
ou schön taufi au grad, alles gueti am sonntig!


@insomnia
i wönsche der schomol alles gueti fört gebort! :) gniesses! au wenns weh tuet... ^^ gniesses! du dörfsch die gebort nor 1x erläbe bi dem chend. mer vergesst vor luter schmärze werkli z gniesse, aber es esch trotzdem SOOOOOOOOO schön! ond au speziell (au während de gebort!!)
die 1. augebleck, s 1. gseh, s 1. schmöcke, s 1. ahlänge/streichle, s ghöre... eifach alles GNIESSE!!!! ufsuge so vell t chasch!
wönsche der vell chraft! :)

hach i wett au nomol
i han jo au emmer gwösst dasi öberträge werde. ^^ dases denn aber noch 2 woche emmer noni use hed welle hani doch ned dänkt.

i fänd de 31. juli vell besser :) de chasch am obig emmer fiire ond hesch am nögschte tag frei! wer brucht scho am gebortsTAG frei, mer brucht am nögschte tag frei! das mer am obe cha go fiire!!!!!!

@Insomnia
Aha, ich ha gmeint, dass de Mutterurlaub eh erst noch de Geburt afangt? Ond wennd vorher nömme chasch / settisch schaffe, denn schribt dich de Frauearzt krank, dassd ebe ned vo dem Urlaub muesch neh? Naja, ha ned wörkli en Ahnig devo

insomnia3:

---

Ich mache 6 Mönet MU (noch de 16 Wuche na unbezahlt) und nochher gangi wieder 2 Tag go schaffe. Han nöd ganz welle ufhöre und beidi Grossmüetere hend gseit, sie würdet gern je en Tag Enkelchind hüete :-)