hallo sheilyn

also es esch eso, dass ech im momänt chrank gschrebe ben. söscht müesst ech go schaffe. die "normal" chöndigongsfrescht wär ändi oktober döre. dör d'schwangerschaft ziehd sech das aber natürlech hi bes 14 woche noch de gebort. erscht den wör d'chöndigong afoh laufe. aber noch de gebort wet ech eh nömme det go schaffe.
ben aber wörkli froh, dass ech im momänt chrank gschrebe be, so chan i änelegge wenn is bruche, kämpfe rächt met übelkeit ond leider au met zwöschebluetige ond muen mi drom betzli schoone.
wies nochäne wiiter god ond öb ech öberhaupt no go schaffe muen/chan gsehn i den.

ech han de reng abgsetzt. den hend mer ein zyklus gwartet bes i mini täg becho han ond ab den hend mer güebt. ergendwie han i zwor es gfühl ka, dass es grad sofort ischlohd, ben aber ned secher gsi obs eifach nome wonschdänke esch. am 8. august send mer den go spaziere ond a mene fäld met mega vellne störch verbi cho. han denn grad de tescht gmacht wo ech dehai gsi ben ond er esch positiv gsi min maa esch grad am grill potze gsi, wo ech met em positive tescht zo ehm gloffe be ond ne ehm zeigt han

min AG hed schwerig reagiert. zerscht hed er gmeint es stemmi ned ond hed sofort e bestätigong welle - ond etz dänkt er wohl, ech seg nome schwanger worde om ehm eis uzwösche. aber ganz ehrlech: du könnsch es jo secher. wenn mer schwanger esch, röckt so öppis eifach in hendergrond. sell er dänke, säge, fühle was er wet.

obs es meitli oder en bueb ged wend mer denn scho wösse - natürlech, hauptsach gsond. aber wonder nemmts mi glich. han s'gfühl es werd en bueb. werom weiss i aber ned. mol luege ond abwarte. die 12 woche zelled au bi mer ned eso enorm - nor i de kommunikation was bekannti betrefft. ond äbe, wäg de schmierbluetige ben i halt betzli ängschtlech. aber hesch scho rächt, passiere chan emmer öppis. ech vertraue ond hoffe, dass alles guet chond.
de familie, frönde ond üsne nochbere hend mers scho kommuniziert. ech chan ned ufs muul hocke ond do ech usgseh wie en teenager (pickel öööööööberall) wöreds eh vell vo ellai merke.

de ET esch schätzigswiis am 17. april, genauer weiss is erscht noch em FA-termin. min Gebori esch am 11. April ond üses chline esch äbe vermuetlech am gebori vo mim maa züügt worde. drom fend is no speziell.

uf jedefall gniess ech jetzt d'ziit för mech enorm. han zerscht angscht ka dass mer d'decki uf de chopf keit. aber es esch öberhaupt ned so. han s'gfühl es muen genau so si, dass ech jetzt die ziit so bewusst chan läbe ond fühle.

was chenderzemmer irechte, etc. betrefft wärded mer wohl im 2. trimester vell mache. nochäne werd jo luut kardiolog nömme vell möglech si, ond etz grad esch luut FA no schoone agseid aber mer hend scho chli plän ond es werd wohl kes zemmer det bliibe, wos etz esch.

werom besch den du 3 mönet vor ET chrank gschrebe worde?
ech mags der vo härze gönne, dass ehr so e liebi milena hend ond ehr die ziit so bewusst chönd gnüsse. toi toi bi de 6 monetskontrolle ond de empfig!

mer chönd jo söscht im pn oder per fb wiiter schriibe, damet ned all andere so zuetextet wärded?

@alli andere
sorry förs zuetexte

@Seeletänzli

Jö, das hesch du mega herzig gschrebe! Ond ich fende, settigs "zuetexte" ghört doch scho bitzeli dezue
Ond alles Gueti för dich ond s'chline Wonder, duesch di schön schone!

@bergeri
aber s gschlächt wösseder emu jetzt noni doer? esch no z früeh? i han jo au es märzli-meitli.
evt gseht emrs jo au garned, de muess sech din gg au demet abfende.
ond es esch eh NIE 100% secher. grad letschti weder öper könnt wos 3x bestätiged worde esch,d ases en bueb esch. tja.. s süesse meiteli hed ne de bi de gebort en strech dor t rächnig gmacht!

ou cool metem erbe! :) maxicosi muesch aber leuge gäll, dases en "neue" esch, also met de rechtige nommere, ned z alt. aber du weisch das secher. :)
oh jaa kiwa. scho eine is aug gfasst? oder no gaarnüd?
teilwis hends jo ebe eh 3-4 mönet leferfrest! wössed vell lüt ned.
mer hend so ab de 15. ssw au ahfoh kiwa etc laangsam pöschtele, weiss nömm soo ganz egnau, esch emmer vorewäg weder öpis dezue cho. ond ganz wenigi sache han ech scho vor de ss pöschteled gha.


@seeletänzli
mer chönd natürli au ebe privat witer schribe. well es send jo au vell privati sache. aber mer esch's glich, momentan gohts om dech, du muesch säge wenns der öffenltech zu privat esch, de schribsch mer es mail retour. :)

wönsch der vorewäg grad alles gueti, hoffentli goht s schlächt sie ond t zwöschebleutige bald wäg! guet schohnsch di!

hihihi jööh. wobi mis schwima hed jo scho 2 johr vori störch ufem fäld gseh odn esch's üs so öberglöcklech go verzelle (ala secher es zeiche, aber sie heds ned soo offe gseid) lol naja sett doh esch's jedes johr es zeiche. haha ond letschtjohr hed sie denn äntlech "rächt gha". pffff
i han am ahfang au dänkt es seg secher nor wonschdänke, oder ihbeldig.. aber tja. es chann werkli so schnell goh! has mer jo emmer gwönscht, aber ben de glich au verschrocke wos s 1. mol klapped gha hed!

din AG.. jojo han mer jo scho dänkt. es esch doch so. naja wenn är der eis inebrämst, chasch du jo au. haha nei ächt, brengts eh ned. sell er dänke, gäg das chasch werkli eh nüd mache.
also ächt, anderi probiered monate/jooohrelang ss z wärde, als wördsch du das extra mache so gschnell gschnell. er hed jo im vorus bestemmt sälber gwösst dass du bald ss wersch wärde. (drom evt t chöndigong) tja seeelberschuuuld. ech fends geil.
lol hallo? en bewis welle. ^^besch denn scho glinner zom dokter? oder besch eh grad gsi?
sofort en bestätigong welle. i hätt ne grad ahkotzed.

naja.. wenn mers denn gsehd, s gschlächt! (siehe bergeri ^^)
ond wenders nor wösse, doer sägeders au witer?
i han die 1. 12 woche au emmer s gfühl gha, das ged secher en bueb. ha ned mol öberleid, das gfühl esch eifach doh gsi. (hätti nei dänkt). aber ghofft hani glich uf es meitli. (jooo i glaube mer muess ned säge -hauptsach gsond- das esch mer au logisch. ^^)
pickel = meitli. hihi seid mer doch... ^^bi mer heds aber glaub end gstomme?... ^^
au hani emmer en spetzige ball-buch gha. ond s esch au kei bueb worde. ^^

jööh cool met de datom ond de verbendige!

han zerscht angscht ka dass mer d'decki uf de chopf keit. aber es esch öberhaupt ned so. han s'gfühl es muen genau so si, dass ech jetzt die ziit so bewusst chan läbe ond fühle.

MEINE WORTE!!!!
bi mer topf glich gsi!!!!

cool met de zemmer!

hoffe ehr bechömed au so es leibs baby! aber evt chli en schönenri gebort!

i ben 3 mönet vor ET chrankgschrebe worde, well ech en symphyselockerig gha han. s becki hed sech z fest glockered ond somet au de schambeichnoche ond das sett ned si. (hed glaub nor so jedi 600. ss-frau) ond denn chasch mol garnömm laufe es brönnt ond schmärzt wie nüd. läck i han teilwis werkli träne ide auge gha bim schaffe vor schmärze. i ben jo de ganz tag am alufe ond stoh gsi ide bude (kei setzglägeheit!) jo ond genau laufe ond stoh esch s schlemmschte för das gsi. = 2 woche dehei ond denn gmerkt dases garnömme goht. han jo ned mol me chönne 30 minute it migros go poschte.
woni de aber ebe 100% dehei gsi ben, esch denn weder denne gläge 1h stoh/laufe oder so,a ber sobald i weder meh gmacht hätt, wärs weder retour cho, das weissi/hani gmerkt.

jo sie heds relativ guet öberstande. fest brüeled. sie esch emmerno bi de obere gröschte 25% ond bi de schwärschte 10% meitli i ehrem alter.
jetzt pfused sie ond verdaut t empfig. armi muus...

@sheilyn: nei nei das wüssen miar nonid. kei ahnig wenn si üs dia erst prognosa geh chan. hen jetz dä donstig nomol untersuach und denn het si gseit erst in der 20. wieder und denn in der 35. nomol

Das mim Maxi Cosi weissi nid han dä vu mim Brüatsch kriagt wo im 2009 z'Meitli kriag het....uf was muassma döt luaga?

Jo miar hen schu: Chleidli a huuufa, Maxi Cosi, Windla-Chübel, Laufgitter, Stubawaga, Bettli, a paar Spielsacha, eifach no so das Züg wo ma Täglich brucht und Wickeltisch und Chasta no nid....bin froh hen miar a huuufa chönna erba....

i weiss au gär nid was miar so müan posta und vu was wia viel und wenn afoh...het do öppert a checklista

also i han im Internet gseh, dass a Hufa KiWa recht lang lieferfrist hen, drum werden miar sicher au bald amol uf d'Suachi goh und dä bstella. Mina Favorit (woni im Internet recherchiart han) isch dr Hartan Skater S in KNALL-ROT! kennt dä öppert? het öppert erfahrig mit dem?

@ Bergeri; Au vo mer ganz härzlichi Gratulation :-).
Mer händ en Hartan Skater S ond send sehr zfrede demet. Mer händ de jetzt bim 2e Sohn in Gebruch. Mer hend ehn sehr vel im Isatz ond esch nach wie vor emmer no super im Schoss

Liebe Gruess Glöggli

@begeri
http://www.kvw-mhm.de/autokindersitze/babyschalen.html
bi nommer 10.
aber i dänke die schale vo dim brüeder vom 09, werd scho guet si. i wär eifach heikel met gönschtig usem internet, well mer weiss nie öbs en onfall gha hend ond denn dörfsch sie jo au nömm bruche.
fende met secherheit esch ned z gspasse.
aber ebe. :)

ou schad hesch nor die pflecht US. bi mer hed mers erst im oktober ide 24. ssw gseh.
ond das obwohl sie sech EMMER zwösched bei hed loh luege, mer heds ned chönne entzeffere. meitli ond buebe hend jo am ahfang es zepfeli!

de teutonia gets nömme in rot? de spirit 3S...

hartan ond teutonia hend jo quasi die topf gliche modell. heissed eifach anderst. ech han en teutonia. (natürli en violette ... för die wo mech könned doh im forum )