| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Schwangere Bräute/Ehefrauen, die Schwangerschaft, Erfahrungen etc etc.
 1 .. 90 .. 178 179 180 181 182 .. 239 .. 295
30.10.12 08:01
Kate82  		Re: Schwangere Bräute/Ehefrauen, die Schwangerschaft, Erfahrungen etc etc.

hey Dorina

au vo minere Site härzlichi Gratulation und alles Gueti däm chline neue Ärdebürger! Ich wünsch dir, dass du schnäll erholsch und du's gli eifach nume no gniesse chasch. Au euem Eros wünschi, dass er kei Gälbsucht het und är nid unter d'Lampe muess, sondern bi dir cha si.....
30.10.12 08:06
saerli 

Re: Schwangere Bräute/Ehefrauen, die Schwangerschaft, Erfahrungen etc etc.

Herzlichen Glückwunsch Dorina. Das ist ja eine schöne Schneeflocke und es ging so schnell.
Ich hoffe es ist alles gut gegangen und dass ihr euch schon gut erholt habt. Ich wünsche euch ein schönes Kennenlernen und dass du bald nach Hause kannst.

Grüessli
30.10.12 08:08
bergeri 

Re: Schwangere Bräute/Ehefrauen, die Schwangerschaft, Erfahrungen etc etc.

Hoi Dorina

Jööö so herzig. Eueri ganz persönlich chli Schneeflocka. süass.

Herzlichi Gratulation au vu miar. und alles alles Guati für d'Zuakunft.
30.10.12 08:30
Kate82  		Re: Schwangere Bräute/Ehefrauen, die Schwangerschaft, Erfahrungen etc etc.

vo miner Site e Frog id Rundi: Gsehn ich das richtig, dass d'Arztbsüech rund umd SS als normali Krankheitschoschte gälte? Ich ha ebe bis jetzt die höchsti Franchise gha. Do mir aber jetzt d'Verhüetig ganz absetze und ich hoff, dass ich nöchstjohr de schwanger bi, wird ich jo denn sicher öfters zum Arzt goh.. Heit ihr wäge däm d'Franchise wieder abegsetzt?
30.10.12 09:58
bergeri 

Re: Schwangere Bräute/Ehefrauen, die Schwangerschaft, Erfahrungen etc etc.

Hoi Kate

Also i han bis jetz dia Rechniga immer dr Krankakassa igschickt und han a Teil drvo zruck kriagt. I han Franchisa 1500.- und has uf nögscht Johr so oder so wieder wella abasetza, bin immer uf 300.- gsi ussert das Johr. aber do i das Johr schwanger worda bin hani nögscht Johr bi allem wo mit Baby und Arztbsüach fürs Baby und Geburt zemma hangt trotzdem no 1500.- Franchise.

i wür si aber schu abasetza.

30.10.12 09:32
sheilyn 

Re: Schwangere Bräute/Ehefrauen, die Schwangerschaft, Erfahrungen etc etc.

suuper esch alles guet cho! toll! ganz härzlechi gratulation!!!! gniesseds!

@kate
ss hed nüd met franchise ztue. han kei rappe sälber zahlt. nor so extra züg wie vitamine oder ächt en teil stözströmpf(?) esch normali KK met franchise...
ECH wörd sie aber au abetue. welle be weisch nie was no för extra züg uf dech zuechond, wo t KK ned zahlt, dohs ned onder en "normali ss" goht. zahled jo eh nor öberall s minimom...

Zuletzt bearbeitet am 30.10.12 09:34
30.10.12 09:35
sheilyn 

Re: Schwangere Bräute/Ehefrauen, die Schwangerschaft, Erfahrungen etc etc.

@dorina
er esch jo mega gross, för das er vell z früeh cho esch!

30.10.12 09:45
Lula 

Re: Schwangere Bräute/Ehefrauen, die Schwangerschaft, Erfahrungen etc etc.

Härzlechi Gratulation zu öichere Schneeflocke!!!
Wünsche euch alles Guete, gniess Zyt, häb dr Sorg u vorauem ä wunderschöni erschti Zyt zum nech Kennezlerne
30.10.12 09:54
saerli 

Re: Schwangere Bräute/Ehefrauen, die Schwangerschaft, Erfahrungen etc etc.

@ kate

I ha met minere Versicherigsberoterin (wo mini Trauzügin gsi esch) genau das Thema agluegt (im Mai). Mer händ mini Versicherige so vorbereitet, dass es binere allfällige SS wo jo au plant esch, guet abdeckt. Mini Franchise esch au bi 300.- (scho emmer gsi). I ha aber en KK-Wechsel gmacht.

De Ponkt wod muesch beachte esch, dass en KK-Wechsel (oder vellecht au bi Franchisewechsel innerhalb vo de gliche KK... das weissi ned so gnau wies esch wend innerhalb vo de bisherige KK Änderige vornimmsch), en Karenzfrist vo 9 Monat (amel bi minere neue KK) bestoht.
Also müessti das gnueg früeh vor ere SS gänderet wärde (mind. so lang wie dKarenzfrist esch), well sust dLeistige ned so öbernoh wärde, wie sie müeste. Ergendwie so. Hesch öper wo sech uskennt met Versicherige? I wörd mol afroge wies gnau esch.

Grüessli
30.10.12 09:55
saerli 

Re: Schwangere Bräute/Ehefrauen, die Schwangerschaft, Erfahrungen etc etc.

ah no en chlini Ergänzig.

Wenn ich innerhalb vo de Karrenzfrist würd schwanger werde, würd die neu KK kei spezielli Leistige abdecke, sondern nor das wo ide Grundversicherig enthalte esch.
Also i "hoffe", dasi noni schwanger werde bes im Februar, sust hätti genau das Problem...
 1 .. 90 .. 178 179 180 181 182 .. 239 .. 295
richtig   familie   wünsche   gratuliere   schwanger   arbeiten   einfach   Schwangerschaft   Schwangere   irgendwie   wirklich   Erfahrungen   vielleicht   gratulation   eigentlich   bereits   natürlich   Sheilyn   Ehefrauen   schnell