Liebi Snet, das duet mer mega leid. Fende das emmer so trurig, well för mech esch es eifach scho wenns au erst am Afang vo de Entstehig esch en chline Mensch met Seele..
I drücke euch beidi Duume, dass es bim nächste mol verhebet ond er dörfed glücklichi Eltere wärde.

@ Pille absetze
I ha sie Afang Oktober abgsetzt. Abgseh vo heftiger Akne, fettige Hoor wo zum Glück weder normal worde send, Gwichtszuenahm und witerhin bestehende Lustlosigkeit und Motivationslosigkeit, het sech nüt gänderet. I ha mini Täg emmer noni becho ond i ha so ghofft, dass sech min Zyklus bald ipendlet, damit mer im Früehlig met de Familieplanig chöned losloh, so wies eigentlich plant gsi esch.
Aber mer chan halt ned alles plane ond will ich en Mensch be, wo gern weiss was wie wenn wo, fallts mer ned so liecht demit umgo. Aber i ha kei anderi Wahl ond muess es neh wies chonnt.

Wünsche allne wo in "Planig" send vell Erfolg ond allne SS ganz en schöni Zit wo sie chöned gnüsse ond sech freue.

Allne es guets 2013!

Liebi Snet, äs tuuret mi o fescht heit dir die schmärzhafti erfahrig scho zwöi mau müesse mache. I hoffe fescht, dass das niemeh passiert u dir glii äs chliises Wunger dörft erläbe.

Mir hei im Ouguscht ghürate und i ha de ou ändi Ouguscht d Pille abgsetzt. Nach 35 Täg hani de mini Täg übercho u sit här ischsi o immer nach 29/30 Tag cho. Ha o extrem fettegi haar u hut übercho. D Hut isch langsam aber sicher wieder i Ornig u d Haar o nüme so schlimm wie am afang.
Dä Monet verrarschet mi dr Zyklus ghörig..bi ize ZT 34 u i fühele mi ehrlech gseit schrecklech....jedesmau wenni ufs wc ga hani sooo angst, dass di doofi roti tante ize cho isch. Ma sit 1 Wuche gaaaar nüme verliiede, wirde grad wäge jedem bitzeli verruckt u äs bruucht nid viu dasi grad adr techi bi =( gester hei mir mini Brüst sooo weh da ha o sit paar tag so chli usfluss u sit hüt isch dä eher stärker (genau so wies immer vor dr mens isch) sit em mittag ischs mir sturm (das hani o immer bevor i d Mens überchume) u dr zue no übel...eh ize mau abwarte ( aber i bi so ä ungeduldigte mönsch, was so seregi sache ageit)..

i wünsche aune wo ss si ä gueti schwangerschaft u de andere dases gliii klappet!!

Liebi Grüess
Mery

@saerli: wünsch dir, dass sich das gli besseret und ipändlet. Bi mir sis eigentlich nur die fettige Hoor, aber das het sich sit Ändi August noni besseret...

@Mery: hihi, ha grad s'glich wie d'Proeschu dänkt . Hoffentlich chunt jetzt die rot Tante doch nid....

Kate82:

---

@saerli: wünsch dir, dass sich das gli besseret und ipändlet. Bi mir sis eigentlich nur die fettige Hoor, aber das het sich sit Ändi August noni besseret...

@Mery: hihi, ha grad s'glich wie d'Proeschu dänkt . Hoffentlich chunt jetzt die rot Tante doch nid....

I weiss, dass homöopatisches Züg wie zB. Mönchspfeffer Zit brucht bes es würkt. Aber i ha nach 3 Monat kei Besserig verspürt... Be au eifach zfest im Bürostress ertrunke und ha paar Momente gha woni mi unter Druck gfühlt ha (ned wägem SS werde). I mache mer halt au zviel Gedanke, was esch wenns sech ned ipendlet usw... Debi setti eifach Zit gnüsse ohni Mens, was jo au toll esch onds neh wies chonnt.
Hoffe au, dass sech die fettige Hoor ond dHuut weder beruhiget ond alles weder werd wes gsi esch Fühle mi so au ned wohl, chome mer vor wie met 15ni, debi beni 30!!

Du besch en lustigi, mach doch de Test
Denn hesch Gwüssheit und weisch was Sache esch. Stell der vor du besch ss und weisch es ned? Das esch doch au schad oder ned? Und wenns negativ esch, gohts bestimmt nur no Stunde ond du bechonnsch dini Täg :)

@Saerli
Fendes guet, gosch zo de Homöopathin! Wenn ich ergendöppis ha, denn gangi amigs au, fende das helft mer mega guet ond ha super Erfahrig gmacht demet! Ond ich säge mer amigs, sie dued mich grad vo Chopf bes Fuess "heile"...

@Mery
Hihi, en Schisshaas.. ich wördi glaubs au ned grad en Tescht mache... es cha jo sii, dass sich wörkli alles verschobe hed (ossert du weisch genau, wenn die Eisprung gsi esch) ond du chonnsch ide nöchste Täg dini Mens öber... Es cha aber guet sii, dass du schwanger besch... z'früeh teschte esch ebe chli blöd... was esch, wenns denn ned blibt.. ond du dich scho mega froisch, well de Tescht positiv esch onds denn glich "normal" abgod... hach, es esch schwerig... ich wördi glaubs no warte, well wennd schwanger besch onds denn au blibt, denn besch innere Woche no schwanger, weisch wieni meine?