@saerli: jo das hoffi au. Hoffa dasses mit weniger sitza und physio abiz besser wird.

@Proeschu: han zum glück no nia ind physio müassa, weiss gär nid wasma do so macha muass, aber hoffa as wird besser.

@schlumpf: danka vielmol.

konto: mir wärdä am gottimeitli vom gg au mtl. 50.00 izahlä... das git denn bis 18/ 20 ä schönä batzä wos für auto(prüefig), wohnigsirichtig, witerbildig oder was au immer cha bruchä. find das äigentlich ä tolli sach. mä cha bis döt anä no nit so vill sparä und isch villicht froh, mä het für ä grossä wunsch ä startkapital... settä mir denn mol eigeni chinder ha, chönnä mr dr betrag immer no bitz reduzierä... natürlich gits trotzdäm s äint oder s ander gschänkli (geburri, wiähnacht...), aber s muäss denn jo nüt riesigs si, vor allem in dä erschtä johrä nit...

bergeri: hoff dir gohts besser und du chasch di bitz erholä. isch sicher super, wenn du nüm 100% muäsch schaffä...

nicht registriert

@Götti/Gottikonto
I ha zwar i däm Teil vom Forum no nid würklech öppis z sueche, aber i wett glich no hurti säge wies mir mache:
Mi GG het e Göttibueb, i ha es Gottemeiteli. Mir düe jedem jede Monet e Betrag von Fr. 20.-- überwise. Das git bis si 16ni si e schöne Batze (ca. 4000). Mir düe aber jedem ou zu Geburtstag und Wiehnachte öppis schänke à je ca. Fr. 100.--.
I finde haut sones Konto öppis guets. Die 20.-- merkeni pro Monet nid wo fähle und de Gottekind gits e schöne Batze fürne Outoprüefig oder so.....

nicht registriert

@elea
ah, das Thema isch vo dir usgange
D Eltere vo mim Gottemeiteli wüsses nid, das wird de ou für si e Überraschig si
D Eltere vom Göttibueb vom GG wüsses, schetzes aber irgenwie gar nid. Mir hei dete ou beschlosse, dass dr Büebu ds Gäud erscht bechunnt, wener 18ni isch und ganz säuber drüber cha verfüege. I ha angscht, dases schüsch für öppis x anders brucht würdi wärde
Faus i - in ferner Zukunft - säuber wirde chind ha, wetti ihne ou sones Konto mache. Finde das eifach e gueti Sach

@Konto: mer hend uf Taufe vo üsem Sohn vo sim Gotti es Bankchärtli becho. Ech dänke sie het uf Geburt/Taufe öppis druf da und duet ev jede Monet oder jedes Jahr öppis druf. Kei Ahnig wieviel, aber das isch üs au egal. Ech dänke mer werdid üsem Sohn nüd säge vo dem Konto. Entweder sell de sGotti das mache oder ihn de mitem Konto überrasche. Ech finds uf all Fäll öppis tolls. Ech würd vielleicht ade Eltere säge dass du es Konto gmacht hesch (ev. gids ja es Kässeli vo dere Bank), aber dr Betrag würdi jetz ned säge.

Liebi Grüess

@elea: ich würde es gleich handhaben, wie Proeschu sagt. Du musst ja jetzt nicht die nächsten 18 Jahre genau gleich viel einzahlen, sondern kannst auch mal reduzieren oder erhöhen. Ausserdem kannst du so auch mal etwas überweisen, wenn du nicht weisst was auf Geburi oder Weihnachten schenken und die Eltern auch nichts brauchen für den Kleinen. Dann hat er dafür etwas für später und du schenkst ihm halt nur was kleines (finde ich persönlich besser, als einfach etwas kaufen, damit es ein Geschenk gibt).

Den Eltern würde ich einfach sagen, dass du ein Konto eröffnet hast und dort regelmässig etwas einzahlst. Du musst ihnen den genauen Betrag nicht sagen, so bist du nachher flexibel.