Hallo Seechind

I mag mi au no a dech erinnere
Ojeh, dass sech usgrächnet jetz de Zyklus veränderet esch natürlich ned schön.

I cha der do es Liedli devo senge... Set em Oktober woni abgsetzt ha, hani fang 2 mol mini Täg gha... Jetz befindi mi im 3. Zyklus set den ond hoffe, dass es endlich afoht ipendle. I neme div. Mitteli deför - vo minere Naturheilärztin ond hoffe, dass sech alles bald normalisiert ond natürlich au, dass mer bald dörfed schwanger werde. I werde 31 im Juni ond würd mi vo de Zit her scho freue, wenns klappet. Ha mi vor paar Monate au rächt unter Druck gsetzt, aber jetz esch vell besser ond i ha nöm so pressant.

Jedefalls trinki au Frauemäntelichruttee ond Schafgarbetee. Die cha mer au zäme kombiniere, das esch imfall mega fein. Wechtig esch, dass kei Zucker dri duesch ond dass sBüteli so lang drin lohsch wie droffe stoht :)

Mer händ au en Chinderwunsch ond i ha au müesse lehre mech "ned under Druck setze". Das esch natürlich eifacher gseit als gmacht. Aber i säge mer eifach, dasi zueversichtlich ben, dass es bald passiert ond dass es vorallem denn passiert, wenns för eus ond för sBaby de rechtig Zitponkt esch. Solang gnüsse mer euses Läbe zu zweit ond freued eus ade Wocheänd wo mer chöned usschlofe oder mer dünd Sache onderneh, wo met Chend nöm so eifach gönd. Das het mer gholfe, dasi mi chli vom Chinderwunsch "entfernt" ha. I wünsches mer nach wie vor, aber nöm so verbisse, sondern i glaube eifach dra, dass es denn passiert, wenns sie sell ond so lang mache mer sbeste drus ond gönd id Ferie, gnüsseds sLäbe ond freued eus, dass mers so schön händ zäme.

I wönsch der au ganz vell Zueversicht ond gueti Gedanke, so dass er entspannter a die Sach ane go chöned ond natürlich, dass er bald dörfed en frohi Botschaft verkünde.
En längere Zyklus heisst jo ned, dass ned chasch schwanger wärde Ond wenns nach es paar Monate emmer noni klappet, chasch jo mol en Kinderwunschklinik ufsueche. Mini Kollegin het das gmacht ond bim erste Versuech in Zämearbeit met de Klinik, hets funktioniert

Viel Glück!

hey seechind

ich cha dich somit tröste das ich no e 2011 Brut bi und nonid schwanger bi.. aber mittlerwiele hends bi üs ufghört froge..

ich chan jetzt eifach vo mir us rede, ich ha noch absetze vo de Pille immer LANGI zyklus gha.. (70 Täg und meh) has den aber immer mit Medis vom Arzt usglöst gha. durch en Hormontest het me festgstellt das bi mir gwüssi wert nid stimmet. durch da ha ich kei gnueg grossi Folikel und au kein Eisprung und darum gohts immer sooooo lang bis mini Täg chömet..

(isch aber nid tragisch, chame mit hormon behandle..)

Mitlerwile gang ich id akupunktur, mue dezue sege ich ha nie dra glaubt aber
jetzt gang ich hüt zum 4. mol und mini Täg sind letzt wuche vo allei cho zwor erst am 40 Tag aber immerhin scho besser wie 70

Min arzt het au gmeint es chunt nid druf ah wie lang de Zyklus goht aber wenner sich nochere Ziet (6MT) nid ipendlet empfiehlt er eifach en Hormon Test.

wett dir do kein Angst mache und au nid unter druck setze..

viellicht wer jo au akupunktur öbbis für dich.. also ich bi echt überrascht.. vorallem bini viel entspannter sit dem... und krankekasse zahlts au no.. so als positive nebetefekt.. :)

und weg de schwangerschaft. wenns sowiet isch den klappets... also so seg ich mir da.. :)

allne wo an ''üebe'' sind.... wünsch eu ganz viel glück und druck eu düme dases glie ischloht..

toluwu, ich kenn das sogar seeeeeeeeeeeeeeeeeeeehr gut! geht mir so ziemlich exakt genau gleich wie dir und es hat mir jetzt grad extrem gut getan zu lesen dass ich mit meinen gedanken nicht die einzige bin...

hab grad keine zeit mehr, mehr zu schreiben, aber das folgt noch!

Zuletzt bearbeitet am 16.04.13 09:57

muss ganz ehrlech si ond sege es goht mer au bez so. bi eus em kolege chreis hagglet momentan babys ond dor da dass mer hürote hend sech d froge wenn mer de es baby bechöme multipliziert. aber i muss sege i ha au extrem respekt vor dem schrett. ha au scho metem frönd dröber gredet ond au er het mega angst devor. aber wahrschinlech send mer eifach eso ond mönds de eifach wooge. mer wend onbedengt chend, aber 100% ready werde mer auä nie si deför. denke wenni wörd warte bess alli zwiflet weg send de hetti met 45 no kes chend...
ond ebe toluwu i ha grad e kolegin wo eres erste jez au met 34i bechont. denke es esch au emmer e frog wime sosch körperlich zweg esch. wenn me regelmäsig sport macht ond einigermasse gsond lebt de esch das doch es super alter zom es baby becho! ond au wen jez no 2 johr wördsch warte, besch jo emmer no imene guete baby alter! hey ond d halle berry chont grad met 48i no es chend öber

nicht registriert

Ich weiss eben nicht, OB wir überhaupt ein Kind wollen... Ich müsste soooo viel aufgeben. Bin ich dazu bereit? Jetzt kann ich leben und mein Geld "zum Fenster" raus werfen. Später müssen wir schon überlegen, was drin liegt und was nicht. Mein GG hat einen super Lohn, ich kann ohne Probleme zu Hause bleiben. Aber eben... Ein Cabrio haben, dass wäre so cool! Liegt dann nicht mehr drin... Die WE wegfahren und Party machen und shoppen. Das liegt nicht mehr drin... Ich möchte noch so viel sehen von der Welt! Ferien am Strand, einfach nur faul rum liegen, dass liegt nicht mehr drin.

Ich kann mir eben nicht vorstellen, mit 40 erst Mutter zu werden. Dann bin ich 50 wenn das Kind 10 ist... Dann denkt ja jeder, das Grossi holt's aus der Schule ab... Körperlich ist man mit 50 auch nicht mehr so fit. Mag man dann mit nem 10jährigen mithalten? Halle Berry hat ja zig Nanny's... Die muss selber nicht mehr hinterher springen.

Aber ich bin eben auch davon überzeugt, das ich's mit 70 bereuen würde wenn ich's nicht versucht hätte.

Ach, das ist doch doof........

Zuletzt bearbeitet am 16.04.13 11:08

klar isch me mit 34 no ned z'alt, aber me ghört scho zu de risikoschwangere! und luut miner ärztin müessti de scho langsam wüsse ob jo oder nei, will d' chance dass es au iischloht mit 35 glaub ziemli drastisch abnimmt... och ich weiss es au ned...
mängisch tueds mer fascht weh wenn ich schwangeri fraue oder mamis mit ihnre babys gseh, und denn dänki wieder draa was es ebe au bedüütet für zuekunft, und de bini nümme sicher obi das wirkli will. ich ha mi au scho ertappt dass mich chinder gnärvt hend im zug und denn hani so dänkt: läck, und du machsch dir gedanke über chind?
aber ich kenn au eltere wo sälber zuegäbed dass ihri chind ihne mängisch uf d'närve gähnd isch wohl au normal dass me's ned immer gliich härzig findet.

es isch halt eifach so, dass me so gedanke nur schlächt wieder usem chopf bechunnt, und wenn die biologisch uhr näbedraa tickt und wartet denn machts das au ned eifacher...