@Mime: Ich wünsche dir ein wunderschöne, emotionale und unvergessliche Hochezeit


@dia: es tuet grad sehr guet, was du gschribe hesch

@an alli wo sich (no) nid sicher si: Ich wünsch euch, dass dir euch no zimmli klar wärdet, egal i welli Richtig. Ich find, es git gnueg Gründ und mä sött sich nid rächtfertige müesse, wenn mä keini Chind will. Und ich kenn au päärli (scho chli älter) wo keini Chind hei, sig's gwollt oder halt au ungwollt, die hei sich aber s'Läbe au schön igrichtet, hei e wunderbar funktionierendi Partnerschaft, chönne vill Fründschafte pflege und si glücklich!

Für mi isch lang nid klar gsi, öb ich jemols Chinder wett. Das het sich erscht so i de letschte Johr afo entwickle und im letschte Johr de ganz stark. Do ich aber no in Witerbildig gsi bi, isch es klar gsi, dass mir bis Afangs Johr warte. Und glich bini de glich grad chli verschrocke, wo's so schnäll igschlage het. Tja, jetzt isch es sowit Achja, s'het jo scho es Momäntli wieder niemert's News verchündet - ich wär also no e 2011er-Brut und dr 3. Monet isch ume . Chume früsch vom FA. Jetzt freui mi eifach nume und bi gspannt
Muess es hüt Nomi no em Chef "bichte"...

Dass es sich ohni Hormon wohler läbt, chani nur bestätige.. Verhüetig mit Temp. mässe wär sicher kei schlächti Variante, vorallem, wenn me de ev spöter mol Chind wett, de chame's jo grad au umgekehrt bruuche. Mir hei aber halt es halbs Johr gümmelet....

Zuletzt bearbeitet am 17.04.13 14:24

nicht registriert

Ohhhhh Kate
Härzliche glückwunsch, das freut mi mega für di/euch!!
Ich wünsch dir e ganz tolli SS würd mi freue witterhin vo dir z läse wies dir so goht...
Termin? Im oktober?

@Kate

Herzliche Glückwunsch
wie hed de Chef reagiert?

Danke an alli ha eu no es Detail vorenthalte.... es git dopplets Glück

@Dia: jo, Ändi Oktober wäri dr Termin, es wird aber sicher früehner si..

@Proechu: d'Schwierigkeit isch ebe chli gsi, will mir d'FÄ hüt gseit het, dass me mit Zwilling nid so lang schaffi, si rächni demit, dass ich ab Juli nüm schaff und das isch de scho cheibe glii! Und morn hei mir e Termin mit neue Chunde, wo ich wird überneh.... Aber dr Chef het härzig reagiert. Vo ihm us schint's klar, dass ich nochär witer cha schaffe (ca 30%) und het scho es paar Idee erwähnt, wie mir das mit dr Chinderbetreuig chönte löse.. Und dass mir do im Gschäft sozial guet abgsicheret si und dass me de mit dr Pensionskasse halt müsst luege etc... das isch mir alles scho vill z'wit, aber ich ha's ganz toll gfunde

bi grad eifach mega glücklich!