hey Dia, klar will me nume s'Besht für sis Chind. Und do's überall heisst, s'Stille sig's s'Bescht, verstandi, dass es di Stresst. Aber wie d'Thomel schribt, duesch em Chind alwä kei gfalle, wenn du gstresst bisch. Und wenn's nid goht, goht's halt eifach nid, pasta! Wäge däm bisch du sicher nid e besseri oder schlächteri Mueter, es git jo schliesslich au no anders wichtigs!
Loh di nid stresse und gniess euri Zyt
(ich hoff, ich cha denn das no so locker säge, wenn mini denn mol do si )

Hey Kate
Herzliche Glückwünsch zum doppelte Glück!!! So schön!

Gruss
Cylli

wünsche allen ein schönes Weekend

@kate
Hallo Kate
Ja genau, das bin ich gsi. Bin bi eusem Treffe grad öpe i de 10. ss-Wuche gsi.
und jetzt bin i scho i de 35. Wuche. Unglaublich wie die Zyt vergaht! mir, resp. üs, gahts tiptop, danke.
Han bis jetzt e super unproblematischi Schwangerschaft ka. Hoffe, dass es für de Endspurt au eso bliebt. Langsam merk i, dass alles echli beschwerlicher wird und ich nüme die schnellsti bin.

Nächst Wuche gangi bi eusem hz-Fotograf go Babybuch-Föteli go mache. Hend während de ganze Schwangerschaft nie es Föteli vom Buch gmacht und nun möchte i irgendwie glich no e schöni Erinnerig dra ha. Bi scho gspannt, was für Idee er dasmal het.

Und dir/eui gahts au guet? Bisch eigentli echli gschockt gsi, wo de erfahre hesch, dass Zwilling bechunsch?

Hey, i wünsch eui allne en tolle Wucheestart und ganz es liebs grüessli
Cylli

hallo ladies

puh, i chum läider nüm so ins forum… s lauft immer öbbis…

layonie: so schön, scho 7mt gniässets witerhin! wünsch öich alles guäti

amelie: tönt jo sehr schön bi dir! wünsch öich no ä schönä ändspurt und ä möglichscht „agnähmi“ geburt hui, und hoffentlich längts no für d prüäfigä…

saerli: hoff fescht, dass sich jetzt alles ipändlet und di wunsch bald in erfüllig goht!!!

dia: dankä, mr gohts im momänt super, ha fascht käi chopfweh meh und süscht het sich au nit vill veränderet… ha nit zuägno, d huut isch ok und d hoor etc. au hoff fescht, dass es so blibt… ha letscht wuchä grad mini zwöitä täg sit em absetzä kha, quasi uf ä tag genau… mol luägä, öbs so witergoht…

kate: woooow, soooo toll! i fröi mi riesig für öich, dopplet so z sägä alles guäti und ä schöni schwangerschaft

chinder jo/chinder näi: i bi niä dr mensch gsi, wo gsäit het, ig muäss uuuunbedingt chinder ha, ha aber au nit gsäit, i will käini… ha das au bitz vo dr zuäkunft abhängig gmacht… hätt ig jetzt ä ma wo au nit uuunbedingt wett, wärs für mi alwä au ok gsi… mi gg jetzt wett aber chinder und vo däm här stimmt dä gedankä für mi au… aber s muäss jo au immer z erscht no klappä und alles guät cho etc.

i dänk amä au, puh, nüm sponti furt, nit machä wiäni will etc. aber i kenn lüt, diä häi das so guät im griff, nimm mir denn an denä ä bispil i bi dr meinig, dass wenn mä drfür luägt, dass mä no sich sälber blibt und nit nur mami wird/isch, cha mä si läbä glich no gniässä und sachä machä, wo mä au ohni chinder gmacht het… mä muäss sich sicher anderscht arrangierä und sich halt bitz organisierä, aber i dänk wenn d partnerschaft stimmt und beidi mol chönnä kompromiss igoh, cha mä das schaffä… mir isch mi läbä, mini hobbies etc. au wichtig, und i bi nit bereit, das tönt jetzt villicht bitz härt, das alles ufzgäh, nur wäg mä chind, aber i dänk diä gsundi mischig machts… mä isch jo glich au no ä mensch und i dänk äifach, dass mä au uf sich muäss luägä… was für mi d liäbi und s do si für ä chind überhaupt nit usschliässt...

Zuletzt bearbeitet am 30.04.13 11:43