saerli:

---

Hihihihihi, de het jetz nor chönne vo de Proeschu cho

dasch doch ned frech :) I fend du besch super!

Danke Proeschu... Es esch eze halt eso ond i glaub sschlimmste hani hinder mer.
Nei i ha nie gmesse, müesst das emol lehre

I möcht mi ned zfest ufs "produziere" konzentriere idem i genau Täg usrächne (was met mim Zyklus eh ned möglich esch) oder idem i Temperatur messe usw. Bes jetz händ mers eifach druf abcho loh. Mer händ eifach welle, dass es den eifach einisch passiert. Aber es passiert halt gar nüt, wenn kei Eili springed...
Aber jetz hani jo ebe weder Zueversicht ond neui Hoffnig. Es chonnt guet

Mis Problem esch jo emmer gsi e dem Johr, dass mis Eili sehr gross worde esch und eifach ned het welle platze. Darom esch es sowieso ned möglich gsi das ganze zplane...
Aber jetz esch jo hoffentlich en neui Ära i mim Unterleib abroche Jetz gohts nor no ufwerts

Hallo ihr liebe - juhu da gaht mal wieder öbbis: Oises Chline Wunder isch sit 6 Wuche bi ois. Mir hend mega Freud a de Luisa Mila - sie isch es Summerchind und es richtigs Strahlemeitli. Mir gniesseds mega enand kennezlehre und jede Tag zbeobachte was sie scho meh cha.

Allne wo "in Produktion" sind wünsch ich, dass er nöd zlang müend warte - und Summerchind sind super - also hoffi für eu, dass es i de nächste Monät ischloht. Für allem bi dene wo scho länger müend warte - ich druck euch!

@venus: gratuliere ganz herzlich zo dem chliine wunder!
@saerli: hihi, ha voll und ganz vertraue i de ;)

Morge zäme

Danke eu für eue Zuespruch. Mir gäbed d Hoffnig nöd uf und gnüssed jetzt die Sache wo denn nacher viellicht nüm glich eifach gönd umso meh oder eifach chli bewusster.

Als erschts grad mal herzlichi Gratulation zude Luisa Mila Venus! Me ghört (oder cha lese) wie glücklich du bisch!
Und dir Toluwu zu dinere Schwangerschaft! So schön hets grad igschlage! Ich hoffe es gaht dir guet?! Häsches scho bekannt geh oder wartisch na ab?

@Saerli: Druck der fescht de Dume und hoffe vo herze, dass sich jetzt din Körpfer entlich vode Pille erholt het und din Zyklus sich normalisiert! Ich weiss wie belaschtend das chan si! Und denn zuesätzlich na die Nebeerschinige... Aber mitem erschte mal natürliche cho vo dinere Mens tönts ja jetzt schomal sehr vielversprechend!

Kenn das Gfühl guet, wo i eim ufchunt wenn mer schwangeri Fraue gseht.
Ich han a eusem 2.te Hochziitstag grad d Nachricht vonere guete Fründin übercho, das sie schwanger isch. Sie het mir erscht im Juni gsait das sie jetzt startet händ. Zum dem Ziitpunkt muss sie also scho schwanger gsi si, sie hets eifach nanig gwüsst.
Ich han a dem Morge au en Schwangerschaftstest gmacht. Ha dänkt das wär DIE Hochziitstagüberraschig für min Maa. Am Morge bini scho sehr enttüscht gsi, aber ich hans wie scho chli erwartet. D Nachricht vo de Schwangerschaft het mi denn scho urgendwie chli umghaue. Han mich uf ein Weg riesig gfreut für mini Fründin ( sie het erscht im April d OP ka wegem schlechte PAPP) und uf die anderi Siite bini de scho sehr truurig gsi und han mich gfröged wisos denn bi ihre grad sofort kalpped und mir münd na immer warte.
Han denn am Abig aber mit mim Ma drüber gredet bevor mer ins Resti sind und händ denn trotzdem en ganz en schöne Abig ka. Bin froh gsi, han im erschte Moment scho scho Angscht ka dases mir jetzt de Abig chli vermiesed, debi isches ja so e schöni Nachricht! Wüssed ihr wie ich mein. Söll nöd egoistisch töne!

Wege de Fruchtbare Täg usrechne:
Expiziet usrechne tuen ich au nöd, aber ich weiss halt wenn ich mini Mens becho han und wenns 14 Täg soöter isch... Aber es isch nöd so das mir denn säged: So loss, jetzt jede Tag Sex...

Ich muss aber trotzdem säge mir gnüssts sehr und "währenddem" chömer beidi sehr guet abstelle und es git den nurna eus 2 und de Gedanke das mir jetzt es Chind chentet züge isch i dem Moment nöd ume.


LG
Vikunija