Hoi zäme,

@Emma: Gratuliere und wünsche ganz e schöni SS!

@drüber rede: I findes eifach enorm wichtig, dass me guet drüber red. Auso nid nume, mir wei mal Ching - wöu scho bim Zytpunkt cha me enorm ungerschidlecher Meinig si. Vilech fühele sech d`Männer im 1. Momänt unger Druck gsetzt, we me "scho" vor em Hochzyt fragt, wenn wosch du Ching ha?! Aber mi cha ja säge, lueg es isch wichtig, damit sech kene vo üs heimlech fautschi Erwartige hegt. So het me nämlech dr gross Konflikt (gägesätzlechi Erwartige drifte plötzlech ufenang- riise Entüschig uf min. eire Site) wo sech süsch chönt zämebroue umschifft. Me cha mau vore öppisem usga z.B. rächt gli nach em Hochzyt, ersch i 1 Jahr oder 2 Jahr - das isch ja de immer wieder veränderbar, abr me weiss wenn dass me z`Thema früechstens wider wott aschnide. Mi GG u ig hei sogar bevor mr richtig zäme si gsi drüber gredt ob mir Ching wette u wenn ja wenn ca. Isch när o chly angers wordä ;-) I kenne es Paar Froue wo jahrelang mit em gliche Partner zäme si u itz drifte die Beziehige usenang, wöu är gar kener Ching oder ersch ano Tuback Ching wott u si het heimlech druf ghoffet er änderet sini Meinig über Nacht.

@us: Mir gniesse richtig s`Familieläbe! Di Chly isch im Verglich zu Junior es sehr pflegeliechts Baby u das schöne Wätter isch richtig ilandend für Usflüg u Spaziergäng :-)

@sunds: Mir hei iwenn no ir Beziehg wie übers Hürote ou über Kind gredet. Für mi isch aber immer klar gsi, dass i zersch wott ghürote si u ersch närne Kind ha.
Es isch immer mau wieder es Thema, i hättis schön gfunde, wenn mirs ab däm Sommer hätti chönne lah druf abcho. Iwie isch aber GG im Moment gad nit so überzügt drvo, sicher zum einte wüu mirs mit sire Familie ziemli schwierig hei, zum andere muess er ga dHand operiere, wo mir ufe Herbst wette lege. Daher hoffi, dass mir üs einig wärde, mit Herbst-Winter, spätistens Früehlig. Wüu me weiss ja haut de eifach ou nie, obs de gad sofort, oder überhoupt ischlaht.

@Emma: Härzlechi Gratulation u ne wunderschöni SS!

@Lerch: Tönt gad mega schön bi Dir, gniess es!

@sheilyn: ich gratulier euch ganz härzlich zu eurer Tochter und wünsch euch alles Gueti!!!

@all: messi vielmol für euri Tipps. Ich wart jetzt mol no chli ab und due s Thema Kinder imene ruhige Momänt nomol aspräche. Häns jo nid so pressant.

@Sheilyn
Alles Gueti oi 4! so schööön

Härzlechi Gratulation! Schöne Name übrigens - scho lang nüm ghört....

hallo ihr lieben

einige von euch kennen mich wahrscheinlich noch

war schon länger nicht mehr im forum, habe nicht alles nachgelesen... aber allen frisch ss und frischgebackenen mamis: herzliche gratulation und aaaaalles guuuuute!

und ich darf mich hier jetzt auch noch outen wir erwarten unser kleines wunder anfangs oktober...

saerli: wie geht es dir? ich hoffe immer noch fest, dass es bei euch auch bald klappt...!



liebe grüsse
jusi