Die cheibe Glöscht... aso ich ha ned wörkli Glöscht, aber momentan seeeeeeehr gern Salat - i allne Variatione ¨
Wägem Lachs: mer setti ide Schwangerschaft nüt gräucherets ässe... hed mer mini Frauenärztin gseit.. aso z.B. au kei Bündnerfleisch... ha zo mim Ma gseit, s'erschte Zmorgeässe noch de Geburt setti bi mer so ugseh: es 3-Minute Ei, Bündnerfleisch, gräucherte Lachs, Salami ond Camenbert hihiiii

Härzlechi Gratulation a alli "nöi"-Schwangere

I würd nid z`fescht Google u o chly nach em Gfüehl ga. Es söll eim ja o wohl si u gaanz vil Produkt si mit Stoffe verunreinigt wo ungsund si. Mir näme auso täglech üses Giftcocktail über d`Lunge, d`Hut u übere Mage zu üs - schwanger u unschwanger. Es Quäntchen Glück (oder Schicksal) kört o geng drzue. Si nämlech o scho Produkt zrügg-gruefe worde mit Listeriekontaminatione, wo eiglech gar kener sötte ha u aus unproblematisch ir SS hei gäute.

I pers. würd nid uf d`Thonsandwiche verzichte we i die so gärn hät. I würd se aber säuber mache. Grad so Fertigsache wo nid no ufgwärmt wärde wäre mir z`heiss wäge irgendwelchi Bakteriebesiedlige.
Lachs han`i o nid gässe - o meh will Fisch ja nid lang u guet haltbar isch u i z.B. ame Apero am Lachsbrötli nid agseh wo, wie u wenn dass es gmacht isch worde. Uf angeri Ufschnittware u so Bündnerfleischsache han`i nid verzichtet, aber e Tag weniger lang im Chüehlschrank ufbewahrt aus unschwanger (v.a. offe)
Uf Chäs han`i überhoupt nid verzichtet - dr Hertchäs chan`i diräkt vo mine Eltere bezieh.

Am Änd muess me hinger sine Entscheidige chönne stah, aber Googlepanik bringt o hie nüt. Aber i weiss, i ha aube o googlet

Proeschu:

---

s'erschte Zmorgeässe noch de Geburt setti bi mer so ugseh: es 3-Minute Ei, Bündnerfleisch, gräucherte Lachs, Salami ond Camenbert

Ich bin eben pos. auf Toxoplasmose... aber es muss jede für sich selbst entscheiden, wie sie es macht. Ich finde es einfach doof, wenn dann jemand "einen dummen Spruch macht", wenn ich etwas wegen der Schwangerschaft nicht essen möchte (so à la "jetzt stell dich nicht so an...")

Find au dass das niemert söll beurteile, schliessli isches euse Körper und mir wüsset wohl am beste was drin liit oder ebe nöd, ich finds wichtig dass märs nöd unterschätzt, aber mini FÄ het mär jetz idem Sinn au nüd "verbote" eifach gseit wasi nöd sött und adem halti mi au (meistens)... Aber ich muess au säge mir fallts extrem liecht uf all die Sache z'verzichte, s macht für mich darum kein grosse Unterschied... freu mi defür immer uf de Sunntig wenni mir ä grossi Tasse Milchkaffi mit Schuum gönne

Emma, mi Espresso und emmi caffe latte Konsum hani jez au recht müsse ischrenke. aber da fallt mer jez eigentli au ned sooo schwer :) ebe metem esse dueni mi schweriger. aber denke das esch halt eifach au am afang bes me sech bez dra gwöhnt het? oder? :)