Hallo Zämä!

Danke für eui liebe Wort... ich freu mich ja so über das Chind, dass mir das mitem Schaffe längs je meh weniger usmacht. Sölleds doch eifach mache was wend, zum Glück landet mir i dä Schwiiz nöd grad uf dä Strass. Es bringt ja nüt wenn ich mich ufrege! Irgend es Türli gaht immer uf.
Sie händ hald nöd so viel Verständnis, da ich ja ersch sit afangs Jahr da schaffe und sie eigetnlich denkt händ, es chömi jetzt öper für länger wo au no die Spezialusbildig macht... tja.. ich chans jetzt au nüm ändere!

Wegem Chleid. Sie händ mir gseit, evt. chöng mer en Spickel uf dä Siite inähe, das gaht aber nur, wenn ich nöd rundume zue nimme .
Es isch mir aber bewusst, dass d `Wahrschindlichkeit, dass ich MIS Chleid nöd chan alege grösser isch als Chance dass es mir no gaht. Wer weiss, viellicht wird ja dänn mit em aktuelle Usgseh im 6. Monät es anders Chleid zu MIM Chleid. Mich reut hald eifach s`Geld chli. Wenn ich mir überlege, was ich alls für das Chline chönt chaufe für das Geld

Beschwerde: bin extrem müed und muess ständig ufs WC, aber sucht gahts sowiit eigentlich guet. Das ZIeh und Brenne i dä Beckigägend hät jetzt chli nahlah. Ich muess aber sägä, die Müedigkeit isch extrem astrengend. Wür grad im Moment am liebste uf dä Bode liege und schlafe!

@insomnia muesch du dänn scho Insulin sprütze?

lg, layonie

@layonie, findi e gueti iestellig, es goht sowieso kein AG öbis a, wenn e Frau schwanger wird, egal wie lang sie scho döte schafft und was no planet gsie wär! Finds eifacht schad, dass genau no im Gsundheitswese so wenig verständnis zeiget wird.

Brenne i de Beckegegend? Hesch denn scho en Untersuech gha? Chönd au noch Bloseentzündig töne, das han ich ebe zweifach gha und bim 1. mol isches nume festgstellt worde dank em Routineuntersuech vom Urin. Würd das im Aug bhalte, grad wenn no extrem viel ufs WC muesch. I de Schwangerschaft bliebet Harnwegsinfekt anschienend oft unentdeckt will me kei Schmerze het.

Nei zum Glück mueni kei Insulin sprütze. Bin am Frietig bi de Ernährigsberoterin gsie, mues jetzt en gnaue Essensplan iehalte und 6x/Tag de Bluetzucker messe. Die choge Fingerpicks gömmer jetzt scho uf de Kecks ;-) Aber bis jetzt sind mini Wert tip top und ich glaube je länger je me, dass mini FÄ nur chli dramatisiert het. Aber isch sicher besser me luegets a und i bin jetzt froh, hani mini Wert dank em messe im Griff. Viellicht liet denn au mol "sündige" dinne und ebe vo Insulin bini mit dene Wert wiet entfernt

Und süst, vo de Müedigkeit chönd wohl die meiste Schwangere es Liedli singe. Hets NIE denkt wie das isch, bisis selber erfahre han. Zum Teil isch mer fast s Gsicht vorem PC iegschlafe bim schaffe ;-)

Au ja und wegem Chleid, au wenn Du denn scho en Buch hesch und dis Traumchleid nüme chasch trege, Du wirsch denn mit Sicherheit total stolz uf de Buch sie und vielleicht sogar es tolls anders Chleid finde wo genau zu de Situation und dim Buch passt! Klar wegem Geld isch chli doof, aber das Wunder vo de Schwangerschaft entschädiget sicher. Hesch dies Würmli schomol dörfe aluege ufem Ultraschall? (sorry bin neugierig)

Eine tiefe Beziehung kann nur halten, wenn sie täglich neu begonnen wird.
*** 11.11.2011 ***

@Sheilyn: sorry mag grad ned gu google:-), was esch Symphyse


hend e wunderschöne 2. Juli 2011 gha - eifach unvergesslich

Hallo zäme

Vor chli meh aus me Monet, hani mi zletscht Mau i däm Thread gmeldet...

I hätt am 6.12. Termin gha, üse Jüngling het aber no ufnes coolers Datum gwartet: är isch am 13.12.11. ufd Wält cho! Är heisst ***tim*** und mir si uuuu häppy! Dr Tim isch ganz e zfriednige und het üs dr Iistieg i z Läbe als Eltere liecht gmacht!

I wünsche aune Froue mit Chugle no ganz e gueti Zyt und viu Vorfreud!

Liebe Gruess

***schanine***