ui nei tara, das isch ja zviel! also ich bin ja gar nöd gläubig (darum händ mir e freii trauuig mit eme schriftsteller gha), aber grundsätzlich findi d'chile e gueti institution für die, wo drin lebenshilf sueched und findet, aber wänni da so züügs liese vo eune traugspräch und rechtfertige und was weiss ich... sorry, das gaht ja gar nöd!

aso wenn de pfarrer findet, er trout euch ned, will du ned "gnueg" din glaube zelebriersch, denn esch das doch ned ganz richtig. will dkirche möcht doch immer meh schöfli ha und für das münd sie de schöfli au glägeheit geh, dass sie das chöned kenne lehre und inewachse. das heisst jo ned, dass du muesch de kath. glaube läbe, sondern dass du ned abgneigt besch (obs so esch oder ned esch ja egal, verchaufe chasch ems aber so).

min schatz esch ref. und läbt sin glaube ned würklich. ich bin neuapostolisch und sehr gläubig, au wenn i ned jede sunntig id kirche go. aber er möchti das besser kenne lehre und esch interessiert und au ned abgneigt. do bini schön froh. bi eus ide chile würd ihn niemert verurteile, will er ned NA esch und es würd au eusere Ehe niemert im Weg stoh, wills ebe wechtig esch, dass mer dLüt ned drängt, sondern dass mer ene zit get zum sälber gspüre ob sie sich überhaupt wohl fühled. wichtig esch debie, dass ich min glaube chan läbe und er mich ned devo abhaltet und das wird er au ned. ihm esch aber au wichtig, dass mer kirchlich hüroted, will er weiss was es mer bedütet und wills ihm mittlerwiile glaub au meh bedütet als au scho.

wenn er das im pfarrer met de schöfli so verklickered (im Fall dass er schwirig duet) denn sett er hoffentlich verständnis ha. sust frogi mi würklich i welem zitalter die läbed...............

Also bi uns isch s Gspröch dozumol wos um Taufi vo unserem Sohn gange isch kei Problem gsi. Mi Maa isch christkatholisch und ich bi konfessionslos und dr Pfarrer het dodrmit kei Problem ka. Und do er sich so uf unseri Hochzyt freut (mi GG kennt en ebe scho vo klei uf) wird dängi au das kei Problem si obwohl ich immer nonig in dr Kirche bi Würd mr keini allzu grosse Sorge mache...

*** 30.06.2012 ***

Mir hei geschter z’erschte Gspräch mit üsem Pfarrer gha.
Äs isch meh sones kennälehrne gsi. Auso ig hane ja scho kennt, är het mi o Konfermiert u vo det hani ja scho gwüsst daser guet isch Zersch hei mer churz über üs verzeut, fasch wine chline Läbenslouf, när heit er is gfragt wo mir üs hei glehrt kenne, obs liebi ufe erscht Blick isch gsi oder ob d’Liebi meh dür zäme si isch entschtange, wiso das mir wie Hürate u warum das gad ir Chiuche. Wo mer das auses he Beantwortet gah hei mer när Trouuig säuber chli necher agluegt. Was üs wichtig isch, wi zum Bischpiu Ringetusch oder äs spezieus Lied… u scho si 2 Stung ume gsi. Mir wärde dr Pfarrer öppe ä Monet vor dr Hochzyt no mau Träffe , denn gömer de chli necher i z’Detai. Mir sogar no Huusufgabe becho. Üse Pfarrer isch nid so Fan vo 0815 Trouverschpräche. U ist het är is machimer ä Brainstorm. Mir hei 4 Frage becho: 1.Warum überoupt änang öppis verspräche?, 2. Wie lang isch das Verschpräche güutig?, 3.Was ängnag verspräche u 4. Wie wie mer Trouverspräche vortrage. Itz hei mer de i de öppis ztüä

** Am 20 Oktober 2012 wird die Braut geküsst **

hä luluana, das muessi gred mim schatz sägä!
i ha ihm nämlich mau bimene hochzyt vo fründe vo üs gseit, ui auso i würd kes wort use bringe, du überchunnsch de e videobotschaft..
so im witz, für mi isch klar gsi, das mir üs nüt wärde säuber sägä.. aber die rechnig hani ohni mi schatz gmacht, wo eis mal gfunde het, är findi scho, dass mir üs o no öppis sötte säge. u de bini äbe wieder mit dere videobotschaft cho..
cooool, das du das gred seisch, itz getrouemi de villecht sogar würklech dä z bringe!

- 22.06.2013 -

jajajajaja
merci
- 22.06.2013 -