hoi livipivi:
zerscht wuenschi dier afe mal ganz gueti besserig! hoffe du bisch gli wider uf de bei.

danke vil mal fuer dae gfuehlsvolli bricht. ha grad ds gfuehl, i sigi mit derbie gsi. wunderschoen! freut mi, dass ier sone schoene tag heit choenne gniesse und alles eso isch usecho, wiener oech das gwuenscht heit! haerzlechi gratulation und i wuensche nume ds beschte fuer euch zweui, also ja eigentlech doch drue.

danke o fuer die schoene bilder! heit also hammermaessig usgseh!!! s chleid ischt dr supergstandle!!!! bsunders ds oberteili mit de treger und em schoene usschnitt findi mega schoen a dier!!! s'chleid isch definitiv fuer di gmacht gsi!

gruessli
elchalten

nicht registriert

Liebi Girls

Danke vielmal, ha de Tag grad namal erlebt bim schriebä

@ nikkichen: d Kapelle hend mir selber gschmückt, nebed dene Vase vorne hend mir na uf beide Siete 5 Bankstrüssli mit Milchsterne gha. Schlicht aber schön. S Wetter isch de hammer gsi und au d Kapelle isch so super zur geltig cho.

üse Apero isch vom 15.00- 17.30gange. Ja ned kürzer, mir hend Ziit voll brucht gha.
Hend ihr de Apero au im Resti Michelschrüz? De Lüthold isch de Hammer und mega nett und kompetent

Wegem Eheverspreche, de Diakon het eifach i sim Buech üsi Eheverspreche drigleit und denn üs s buech aneghebet.
Mir hend frei gredet und jeweils eifach vor de Absätz kurz dri glueget und üs orientiert. Isch tip top gsi und het au überhaupt ned gstört wenn mer kurz dri glueget het.
das Min Schatz selber es Verspreche gschriebe het isch mir meeega viel Wert gsi. Ich weiss wie schwer er sich demit tue het die richtige Wort z finde und er hets eifach perfekt gmacht. Ich bin so grührt gsi

Also ich wünsche eu allne so en für eu PERFEKTE Tag.

am 21.3.04 sind wir 7 Jahre ein Paar, am 11.4.11 werden wir zivil heiraten und am 07.5.11 werden wir uns vor Gott das Ja-Wort geben.

Liebi Livipivi

nomol härzlichi Gratulation. Ich wünsch euch, dass dir no lang so zäme strahlet, dass wenn's in villne Johr mol einisch nid grad rund lauft, dir an dä Dag, an eures Eheverspräche zruggdänket und s'Lächle im Gsicht wieder do isch.....

Danke villmol für dä wunderschöni Bricht, bi au ganz grüert.... . Zu de Föteli bruchts jo chum Wort, mä weiss gar nid rächt wär meh gstrahlet het, d'Sunne oder dir... Schön isch s'Fescht vo A-Z so toll worde wie ihr euch das gwünscht heit!!

De wünschi dir no gueti Besserig.

alles Gueti
Katrin

Froie mich bsonders of dFöteli vom Vilette-Park, well mer werded dete wohrschindli au dFöteli mache!

.... wir brauchen nicht.... wir müssen nicht.... wir wollen einfach.....
HEIRATEN! 1. & 4.6.2011