| "Üsi Traumhochzyt" 30. Mai 2009 ¦ Leny |
|
|
1 2 3
|
|
|
|
|
|
|
|
|
12.06.09 08:31
Leny 
|
Re: "Üsi Traumhochzyt" 30. Mai 2009 ¦ Leny
Teil 4...
Die wunderschöni Stege duruf glüffä, es isch mer vorcho wie ih somäne Hollywood-Film… jede lueget uf eim… öb das echt (mit dem lange Chleid) guet ghat!? Khum usgsprochä, hoppala stolpäri über mini eigene Füess d’Stegä zdürüf! 
Glück kha, min Maa het mi grad no mögä recht stüzä, so das nüt passiert isch… phuuuu! Üsi „One Woman Band“ het ufgspilt womär üsä Saal beträte hei… es isch alles so wunderbar dekoriet gsi…eifach perfekt… alli Chärzli hei brennt, jedes Blüemli u Tischchärtli, jo selbscht d’Gaschtgschänkli hei eifach perfekt is Bild passt!
Alli Gäscht suecht ihrer Plätzli, alli lueget umä u bewunderet die wunderbare Blueme u gwundrig fingerlet jedä ah sinem Gaschtgschänkli umä… au mir hei üs ah üsi Plätz begeh… min erscht Blick, ghört ar Menükarte (ha si zwahr selber gmacht, aber glych hani welle lesä)
Hä? Was isch den das????  Das isch unmöglich üsäs Hochzytsmenü … Kalbshirn in Sauce, Muschelsuppä mit Algä… uf wäm si Mischt isch echt das Gwachsä! Es isch nit nur mir so gangä… au d’Gäscht hei ahgfange d’Chöpf trülle u komisch luege… üses Ringmeitschi hets den ufä Punkt bracht: wäääää isch das grusig…
Im Augewinkel hani aber scho üsi Brutfüehreri gseh, wiesi sones Lusmeitschi-Lächlä kha het… so als will si segä „hehehe“ 
Noch einige Minutä, hei üs dän üsi Trauzüge ufklährt…Sie hei d’Gäscht begrüesst u dr Ablauf vom Obig bekannt geh… Dr Witz mit dä Menücharte ischne auso glunge… Witer hei si informiert, dass mer en Vorstelligsrundi wärdet mache, wo jede Gscht churz söll erchläre wer er/sie isch u wie si zu üs stöh. Derbi wird en wunderschöne wissä Regeschirm ir Rundi umägeh vo jede söu unterschribe… zuedem werdet ab und zue Mönet ufgruefe (über eh ganzi obe verteil) wer ih somenä Monet Geburtstag het, wird bette verussä zcho…
Ih derä ganze Ahsprach vo üserne Trauzüge hei üsi Mäge (fu mir u mim Maa) ahfange knurrä.. mir hend sit em 10h nüt meh gässe u mittlerwil isches 19.15…
Plätzlich chömet d’Serviertöchtere u bringet üs dr erschti Gang fu däm komische Menü: Cervelatsalat mit Chäs u Gurkä… es isch genau im richtigä Moment cho.. mmmmmm u fein isches gsi 
D’Musig het die ganzi Zyt im Hintergrund gspilt… d’Lüt hei sich unterhalte u d’Nachbare lere kenne.. Mir hei immer öppert usem sogenannte „Unterland“ mit öpperem us em Engadin gsezt… es isch emu en luschtigi Rundi gsi 
S’Menü beginnt: als Entrée es Amuse Bouche mit Pfannchueche gfüllt mit Rohschinke u Creme Fraîche.. hmmmmm… d’Vorstelligsrundi het au gschtartet.. mit vil Gelächter … zum Teil hets gheisse „und ich bin sini Frau, und han nüt z’segä… oder ich bin dä Bruno und bin ken Schnurri“ mir hei Träne ich dä Auge kha vor Lache….  ...bi däre Glegeheit isch den au no en Hochzytszytig verteilt wordä... en wunderbari Erinnerig ah üses Hochzyt... Chinderföteli, witzigi Brichte über üsi Chindheit, Liebes-Reglä etc...
Zuletzt bearbeitet am 12.06.2009
|
|
|
|
12.06.09 08:38
Leny
|
Re: "Üsi Traumhochzyt" 30. Mai 2009 ¦ Leny
Vorspiis isch dän bracht wordä: Cappuns (Engadiner spezialität) … u dän isch au scho zyt gsi für die erschti Darbietig… Üsä Trauzüg het s’ Totämügerli vom Franz Hohler vortreit… Ich han so öppis vo Buchweh kha vor Lache… eifach FANTASTISCH
U dän isch oh scho dr nögschti Gang cho… en Salat mit Champignons u bratnigäm Speck.. u natürlich isch üsi Vorschtelligsrudi amüsant witer gangä…
Plötzlich isches unruhig wordä u d’Lüt si alli usä grüeft wordä nume mir zwi nit!!! Was isch ächt los?? Plätzlich staht dr Fründ wo minere Schwöschter bi üs u meint, so d’ir zwei heit itze oh no en Ufgab *ojemine*…
Min Maa het müesse verusssä ufemene Schämeli abhokä. Den hensem es Lintuech vorädranne gmacht vo er het müesse dr Chopf dürä steckä! Vo vorä het mer den si Chopf gseh u dranne (am Tuech) si Chinderchleider ahgnäit gsi! Sini Händ hetter durch 2 Löcher gschteckt u druf händs Chindergummistifel gschtülpet! Ich han mich hinger ihm müesse positioniere u mini Händ durch witeri 2 Schlitzä stossä.. das si den sini Händ wordä… So han ig nä müessä Wäsche, Zähnputze, Rasiere, Ihcreme, Aftershaflä usw… s’Glächter isch riesig gsi… u s’het meega witzig usgseh!
Wider ih Saal zrügg u alli hei Platz gno.. hends au scho dr Hauptgang serviert (ca. 23.00) Hmmm Rindshohrückefilet mit sauce Bearnaise/Chrüterbutter derzue Nüdeli u Croquettä u meega feins Gmües… s’Wasser lauft mer grad wider im Mul zemä…
Es paar Minute nachäm Abrume vom Hauptgang, heimer vo wytem khört Chuegloggä lütä!!! Hmmmm isch üs durchä Chopf gangä… was heisi itze wider usdänkt!!! Do si Fründä usäm Engadin mit unheimlich schöne u grosse Gloggä (hui het das Lärme gmacht) in Saal inecho.. Mis Herz het ahgfange lut schloh, Träne simer zuserscht im Augewinkel gschtande… das isch mini Heimat hani thenkt.. das Gelüte isch einigi Minute gange… Dr Noldi seit: „Es söll üsäs Gschäk si, das Glockspil. Es isch über 30 Jahr ich sim Restaurant ghanget, mängä hets welle choufä aber niemerem hetters welle geh! Woner beschlossä heig ufzhöre mit Wirte u üsi Ihladig zum Hochzyt becho het, isch klar gsi wo ane die 4 wunderbare Glogge göh! Zu üs… so hani au wit vor Heimat doch no es Stück Engadin dabi!“ Emotione si nume so us mir usä cho u es isch eifach perfekt gsi…
Ich muess nit segä, das bim schribä vo dene Zile, Träne ich dä Auge si 
.. aber witer gheits… S’Fescht isch so gsi wie mirs üs usgmale hei, nei no viiiil besser.. sich richtig chönne Zyt neh für die liebschte Lüt u es paar Wort go wechslä het eifach guet tha… öppe am halbi Eis het üsi Trauzüge üs betta mitzcho u die ganzi Gsellschaft natürlich au…
|
|
|
|
12.06.09 08:40
Leny
|
Re: "Üsi Traumhochzyt" 30. Mai 2009 ¦ Leny
u no dr letschti Teil...
Mir hei s’Restaurant verlah u si es paar Schritt gloffä. Si hei üs wunderbari Himmelslaternä organisiert… üsi Gäscht hei wissi becho u mir hei en rote becho… alli hends glychzytig ahzündet u ih dem Moment wo alli ih d’Luft gschtige si, heisi Heaven fu Gotthard derzue abgspilt! Ich muess nit sege was für Gfühl das het usglöst… Es isch so romantisch gsi… so wunderschön…
Zrügg im Restaurant heisi ds’ Chääsbuffet ufbaue… üsi Trauzügä hei den sozäge dr’letscht Offizielli Part kha… u hei üs dä bunt bemalti Regeschirm mit allnä Unterschrifte sowie au en Kalender mit allnä Geburtstäg (Sie hei ja immer wider Mönet ufgruefe u d’Gäscht hei usä müessä vo ih somäne Monat Geburtstag hei) uf jedem Monat het es Polaroid kha mit allnä Geburtstagchinder… Meega schön  Witer hens üs es Buech überreicht, wo jedä Gscht en persönlichi Site für üs, über üs oder üer ihn selber gschtaltet het.. Eifach wunderschön so öppis z’becho. Muen also segä, üsi Trauzüge hei ein super Job gmacht…
Nachem Chäs heimir zu üsäm lied „Ewigi liebi“ no es Tänzli gwaget… alli hei mitgsunge u es hetti am liebschte nie sollä höre…
U zum Schluss isch no üsi wunderbari Hochzytsturte gseriert wordä.. Vacherin dekoriert mir rotä Rosa, derzue heisi 3 Früchteplattene parat gmacht, eifach fantastisch…
Noch witere Gspröch u verzellä, sind d’Gäscht langsam Müed wordä u hei eine nachem andere s’Fescht verlah u sind hei zuche… mittlerwil isches au scho morgä em 4 gsi… u so langsam heimmer alles im Körper gschpürt… Knoche ah Orte womer eigentlich gar keini sött ha… èses Taxi isch den am 04.30 vorm Restaurant gschtandä und het üs wie au einigi gwunderigi (wunderig dohär will jedeä het welle wüsse: hends echt öpis ahgschtellt diheime… hmmmmm….)
Gäscht zu üsäm Hüsli brocht.
Am Dorfihgang isch es meega Plakat (4x4meter) ghanget Just married Corina + Kusi.. das fanget jo scho guet ah! Vo ussä alles normal! Türä isch au ufgange u s’Liecht het no funktioniert… wo oder was hends echt gmacht… dr erschti Blick is isch Badzimmer… jööö mir hei 2 nöi Bluemebeetli… eis ir Toilette u eis im Brüneli (aber schön mit Plastik usdeckt, das au nüt kaputt gheit oder es gmor git) ir Badwanne isch en Buechstabesuppe ahgrüert gsi, wori mini Croks gschwumme si, wie au es Tuppergschirli mit ebefaus Blüemeli… Witer isches id Stube gange… Witzig: si hei üsi Baar e chli usprobiert, chli Picknigget u alli Gläser us dr Witrine usprobiert… Jungs hoffetlich hets gschmöckt!! im Schlafzimmer den no en Überraschig.. üsi Latteröscht mit dä Matratze si weg! Do si 2 Ligestüehl u Ballön drinne gsi! Hmmm die hei wohl denkt, das isch üsi einzig möglichkeit zum schlofä…. Hihihihi d’Rechnig heisi ohni üs gmacht. Üsäs Geschtezimmer isch abgschlosse gsi, u do mir gahnet hei dases öppis wird gehe, heimer ging verzellt das mini Eltere bi üs übernachte (kes Hotelzimmer becho) aber das stimmt ja gar nit!!!
|
|
|
|
12.06.09 08:41
Leny
|
Re: "Üsi Traumhochzyt" 30. Mai 2009 ¦ Leny
Üsi Fründe wo mit cho si, hei sich scho zimlich amüsiert u mir hei eifach freud kha! Si si hei und is Hotel u mir hend us umzogä d’Kafeemaschine ahloh, sind überglücklich am 05.30 uf üsere Stege verussä ghöcklet, d’Vögeli hei ahgfange zwitschere, d’Sunne het sich scho zeiget.. Mir hei üs id Auge glueget u si eifach nume unheimlich Glücklich gsi!
Es isch en absoluti Traumhochzyt gsi, jedä Moment heimmer gnossä u ihgsogä, perfekt triffts nit es isch überperfekt gsi…
Ich wünsche jedere Brut u jedem Brütigam eso en traum-Hochzyt wie mir si hei dörfä gniessä….
Herzlichst euchi Leny
*glücklilch verhürotet sit em 30. Mai 2009*
Zuletzt bearbeitet am 12.06.2009
|
|
|
|
|
|
15.06.09 08:48
Soefeli82nicht registriert
|
Re: "Üsi Traumhochzyt" 30. Mai 2009 ¦ Leny
Das tönt würklech nachere super troumhochzit
ig gratuliärä öich ganz härzlech u wünsche öich für d zuäkunft nume ds beschte.
grüässli soefeli
|
|
|
|
|
|
|
|
1 2 3
|
Anmelden
