Hey ihr brütlis

ha mal welle fröge öb das nur mir so gaht oder au andere. ich be jetzt scho soo nervös, dasi scho alpträum ha was alles chönt schief ga und was ich alles vergässe chönt..eigentlich chan i ja gar nüt schlimms vergässe. ha ja no lüt um mich ume wo hälfed mitdra dänke und ha extra e liste gmacht mit allem. aber trotzdem!!
soo doof!!debie freu ich mich so uf de tag.
Am 14.08.2010 isches sowiet!!

also mir geht es überhaupt nicht so. und heirate viel früher als du!
was macht dich denn so nervös? was kann denn schon passieren, was sooo schlimm wäre, dass sich albträume lohnen? entspann dich! du heiratest!

hi joene

nur als liebevoll gmeinti erinnerig: es isch es freudefest, kei prüäfig wenn checklistene gschribe häsch, dis umfeld informiert, alles guet plant. denn chan nümm viel schief go. und für alläflligi störige/problem etc. am hochzit bestimmsch öppert wo guet organisiere cha, damit er chan kurzfrsitig ispringe. i han für sowas immer sones notfall package däbi agfange vo kleberli, über pflästerli bis hin zu stift und anderem büromaterial. bin mi das halt au gwöhnt vode events wo i organisiert han früher.

bi minere hochzit aber bruchis gar nöd so perfekt. deko, dlocation etc. wird scho a sich gnueg perfekt si (nöd falsh verstoh..isch gmeint im sinn vo alles pingelig usgseucht, perfekt zämäpassend etc.), do isch es bitz zuefall und nöd alles perfekt im ablauf gar nöd schlecht minere meinig no, das machts menschlicher. da de event für üs isch und nöd für e kund isch mer das au total egal.

drum, relax und freue!

bettinli:

---

ich han au scho paar alpträum vom hochziit ka. ich träume aber au praktisch jedi nacht (also i mein i cha mi dra erinnerä), will i au so viel duä verarbeitä.

meischtens sinds aber träum wo überhaupt nöd cha sie.... z. B. das i 5 min vor dä hochziit no kei frisur und make up han und mini schueh au nöd debi han...

ech han s'glöck, dass ech bes etz wörkli nor sehr, sehr schöni tröim vo de hochziit ka han...

han aber au e alptraumphase hender mer... wo ech praktisch jedi nacht tröimt ha, dass min partner mech verlohd... ond jedes mol wenn ech ufgwachet ben, ben i verhüület gsi ond betrüebt, well de traum sech so real agfühlt hed ond glichziitig wahnsennig erliechteret z'gseh, dass er näbe mer gläge esch...

-- ~ mer verTRAUED üs ~ -- ~ 21.05.2010 ~ --

i han au scho so träum gha woni gad vor dä hochzit mis chleid agha han aber alles andere verschlofe oder vergesse.. mini frisur hani vergesse zum machä willi zspot dra gsi bin. und mini Schminki hani nöd gha.. dänn hani au kei schmuck gha.. eigentli hani nu schleid gha.. i han vorher eigentli nöd angst gha was zvergesse aber noch dem traum hani gad chli schiss gha das das passiert.. diä gfühl vom traum gönd halt dä ganz tag mit irgendwiä.. aber jetzt machi mir scho kei gedanke meh.. will i alles han praktisch.. userd mini frisur und Makeup hani alli utensilie.. schmuck hani da wuchäend gfunde mit em passende hoorschmuck und unterwösch hani au mit schueh und allem..