| Canoa's Sommer-Traumhochzeit |
|
|
1 .. 8 9 10 11 12
|
|
|
|
|
|
|
|
|
|
|
|
|
|
|
11.09.13 11:56
Canoa 
|
Re: Canoa's Sommer-Traumhochzeit
Mer hends Apéro eröffnet ond die erste Gratulatione döffe entäge näh. Es esch wahnsenn wie grosszögig die Lüt send, es esch wahnsenn was mer hend döffe erläbe. Nochem Gratulationsmaraton semer go Fötele, rächt zackig esch das gange eusi Tätschis hends super gmacht. De hemer am Schloss no chorz Ziit gha säuber äne zhöckle ond met eusne Apérogäscht zgspröchle.
Am 16.45 semer de go Fötele auso nome mi Ma t TZ ond ech ond eusi glatne Gäscht send au abdubet. Wohe kei Ahnig. =) Mer hend ufem Burehof ond bi de Chele ond am Waudrand gfötelet, am Waudrand hends eifach extrem vööööu Ficher gha, flügendi Ameisi wähhhh on dalli send onder mis Chleid cho…iiiii ond euses schöne Auto hed us gseh. Semer witer Rechtig Resti, det hend alli eusi glatne Gäscht uf eus gwartet met rote Ballon. Sie hend det uf Charte Wönsch a eus druf gschrebe ond hend de die loh stige. Mega schön gseh. (Die ersti esch scho zrog cho)
De semer is Resti inne ond hend grad mou met de Vorstelligsroni agfange, aber mi Ma hed gloub es Buech verschlöckt gha dä hed gredt ond gredt ond gredt noch ca. 1h semer fertig gseh. Ond das esch vo eusne Gäscht sehr gschätzt worde, chli meh öbert Lüt zerfahre. Im Vorfäud hend eus drum t Gäst lostegi Föteli vo sech eus müesse schecke! =)
Zwösche de Gäng hemer volls Programm gha super gseh. Mer hend eus das gwönscht.
Mi ehm. Arbetskolleg vöre ond hed met minere Schwöster es Strittgspröch verzöut…mängs wohrs hani do ghört ond es esch mega lostig gseh! =) Vorallem hed är minere Schwöster eifach aglütet ond gseid los muesch mer do häufe. =)Sie hend sech vorhär ned könnt!
Witer esch es gange met de Speli. T Lüt hend de Zätteli becho wo sie so zwöite zdrette e Wonsch/Guetschin hend chönne druf schriebe, die Zätteli hends denn i Ballön ine to und ufblose. Aschliessend send die Ballön ane Wand äne tackeret worde ond mer hend zwe Pfliel becho zum schiesse. Mer hend 12 Schoss gha. Alli Ballön send wiss gseh, nome eine Rot heds gha, wemer de Roti trefft heds nomou 3 Schoss gäh. Ond ech ha grad aus ersts de Roti troffe. Mer dörfed jetzt auso at Fasnacht metem Kollegpäärli wo eus de ganz Obig zahlt wird, sie send i de Guggemusig ond mer werded de wie sie gschmenkt etc. Är hed scho alles planet! =) Datum esch au scho bekannt! =) De wäremer iglade vom Kollegepäärli zum Fondueässe verosse im Wenter. E Iladig be mim Gotti zum Pastetliässe, de döfemer e Rondi Minigolf met mine Schwöstere go spele. Etc.
Nocher esch de Chregu cho, t Tante vo mim Ma hed es chlises Ständli ghaute ond gsonge ond tanzed eifach goudig. =) Ond natürlech hed sie no chorzerhand t Highlights vo de Pouteröbige verzöut…
Denn hed mi chli Brüeder s Speli Ich/Du (Glanz und Gloria) gmacht met minere ältere Schwöster. (Elei hät är ned trouet)…mer hend ned ganz alli Froge rechtig beantwortet, aber äbe zwe Sturchöpf *gg*
De esch es witergange met de Präsi vo eusem Tätschmeisterpäärli…Sie hend t Ufgab vo eus gha währed dem mer send go Fötele die glatne Gäscht zunterhalte. Mis Mami hed denn die Idee gha ond zwar send sie för eus go poste…=) Das hed mer frühner so gmacht…Sie hends denn aber chli ufpeppt met Ufgabe, t Eltere hend müesse öbis poste wo typisch eus esch, Gotti/Götti Vorspies, Fermgotti/Götti Houptgang ond Frönde was eus verbendet. =) Am Schloss hemer en riese Chorb becho met allne Sache denne.
|
|
|
|
11.09.13 11:57
Canoa
|
Re: Canoa's Sommer-Traumhochzeit
Denn hends es Päckli umegäh…das Päckli goht zo dere Person wo die schönste Bei hed, am wenigste Hoor, de schönsti Bart etc. ond am Schloss heds gheisse: Ond jetzt chond das Päckli zo dene wo am meiste ehri Nochbere ärgered…haha nürlech send mer das! =) Det enne heds es Sparsöili gha met Gäud. Währedem Apéro hend nämlech alli Lüt chönne ufere Schwizercharte go en Nagu ischloh. Mi Ma hed de am Obig t Auge verbonde öbercho ond hend müesse of de Röcksite en Nagu ischloh biser döre esch. Ond dä Nagu wo am nöchste gseh esch, det he möchemer e Usflog met dene Lüt! =)
Aschliessend hemer no met de glatne Gäst im Wichäller föteli gmacht…
Denn vorem Dessert ond de Torte, esch denn euse super Tanz cho...
Mer hend zwe Minute normal Walzer tanzed ond nome zwe vo eusne glatne Gäscht hend gwösst dass no zwe Minute denn öbis anders chond, alli andere hend komisch umegluegt ond ned gwösst was jetzt goht…wos Lied so komisch hed afoh spenne…Euse Kolleg hed t Musig zämegschnette...
2Min Walzer denn so uhhhh wie wennt Musig kapott wär ond denn esch 1Min Macarena cho ond denn no de Schloss vom Gangnahmstyle, t Lüt hend mega fröid gha ond hends chum chönne fasse das mer soöbis igstodiert hend! =)
De hemer Dessert gnoh ond hend eus no es Böud öberreicht, eusi glatne Gäscht hend de ganz Obig ziit gha, ufere Linwand öbis ines Viereggli zmole. Mega cooli Idee…
Ech ha de mou no im Stillen, es Album vom Pouterobig becho met Föteli ond guete Wönsch denne! =)
Nochem Dessert hemer no s Brutstrusswärfe gmacht im Saal enne! =) Haha lostig gseh, ersti Schoss vou at Telli ufe…den beni haut abghocket…=) Gfange hed ne t Schwöster vo mim Ma…
Am 2i ome esch allgemeins ufbräche gseh. Aber es esch haut e lange Tag gseh ond nöme alli mögeds glich guet verlide.
|
|
|
|
11.09.13 11:57
Canoa
|
Re: Canoa's Sommer-Traumhochzeit
De herti Chärn esch blebe…mi Schwegervater ond mi Ma hend no de Indianertanz gmacht ond es sch eifach e tolli Stemmig gseh. De hemer no zwöi Päckli becho. Im Erste enne esch öbis komisches gseh ond mer hend ned gwösst wases esch, im zwöite enne esch en Kamera gseh. Mer hend uf eusere Website en Betrag troffe gha för en Spiegureflexkamera. Aber nome e Brochteil devo was werklech so eini chostet. Paar Täg vorem HZ hed t Kollegin mer gsmslet, was för en Kamera mer gseh heiged, was för en Marke etc. ond ech emmer du kei Ahnig ha no ned gluegt machemer erst nochem HZ. Schlossäntlech hend sie eus zvierte die Kamera inkl. Stativ gschänkt ond es hed scho Föteli droffe gha vom ganze Tag. Ond ech ha doch emmer dänkt, gopf werum springt är mer emmer noch met dere Kamera mer hend doch en Fotograf! =O
Igäh hemer bis am haubi 3 am Morge schlossäntlech esch aber 3.45 gseh bis sie eus usegrührt hend ond nöme so fröid gha hend a eus. =O Am viertelvor 5fi semer deheime acho hend no chorz metem Kollegepäärli es Shöttli vorem Husgnoh ond denn ufe it Wohnig, ohhh Schreck, mini Törverziehrig hanget enne ab, es esch öbert i de Wohnig gseh!!!!! Mi Ma hed mi de beruhig ond gmeint, nei är heig müesse häufe ufhänke de Kolleg hed müesse vo sinere Frou us das ufhängke woner esch mi Ma go abhole, do sie jo mech frisiert und gmenkt hed hed sie ned chönne! =) Esch ganz e schöni Girlande met Härzli ond emne ganz schöne Sproch droffe.
De Tag esch för eus mega perfekt gseh, es hät gärn no paar Stonde meh chönne si, de Tag esch werklech döre wie e Schnöuzog, aber was blibt send wonderschöni Erinnerige.
Mer hend eifach e wonderschöni HZ erläbt ond hend extrem grosszögegi Gschänk ond Glöckwönsch döffe entgägenäh. Es esch eifach wahnsennig…
Zuletzt bearbeitet am 11.09.13 11:58
|
|
|
|
|
|
|
|
1 .. 8 9 10 11 12
|
Anmelden
), gseht ächt mega toll us alles 
!
.
.