Dä esch au ned schlächt Sonne! =)

16. August 2013 - zivile Trouuig

Am Morge beni scho gli wach gseh. Ond mi GG esch den au gli wach gseh wo t Patroullie Suisse öber eus wäg gfloge send, är hed denn gmeint, das segi de Rechtig Start i Tag… =) S Wätter esch au absolut perfekt gseh. Sonneschin puur ond keis Wöukli am Hemmu…so muesses si. Ah jo ond 27°Grad warm.
Ech ha de no e Termin bem Zahni gha ond eusi Fröndschaftsreng go abhole womer hend loh uffrösche för s zivile. Am 11i send mini TZ ond ech zo de Kollegin wo eusi Frisure onds Make up gmacht hed. Ergendwie esch es rächt lang gange…ond ech be de vor de TZ afig fertig gseh ond hei mech go parat mache. Det hed de Stress scho chli agfange. De GG hed au ergendwie ned rächt vörsi gmacht….naja jedefaus esch eusi Florestin scho am Träffponkt gseh met mim wunderschöne Struss ond mer natürlech no ned. Womer de itroffe send ond ech ha scho döffe die erste Komplimänt entägenäh esch au euse Fotograf itroffe. De esch es losgange. De Fotograf esch aber fast chli närvös ond zwaschplig gseh aber noch de erste paar Föteli hed sech de das gleid. Mer hend wunderschöni Föteli gmacht. Met de Ziit hani extrem heiss gha…has gfühl gha ech verloufe öbe, ond wenn ech mou säge ech ha heiss de esch es so obwohl mer mehrheitlech nome im Schatte gfötelet hend.

Noch 1 ½ Fötele send eusi Familie ond TZ itroffe. Ond chli vorem haubi 5i hed eus de Standesbeamte is Trouigslokal inegloh. Det beni langsam närvös worde. Mer hend de döffe vore platz näh ond lenks und rächts vo eus eusi TZ. Zor Istemmig hends de es Lied abgloh womer vorgänging hend döffe verbi brenge. Mi GG hed die Lieder ufe USB Stick glade gha ond prompt hed t Reihefoug ned gfonde ond ech ha grad chli de GG azickt, aber es esch jo de scho zspot gseh ond eigentlech es hed kei Rolle gspöut…=) De Standesbeamte hed e wunderschöni Trouig haute ond ech ha paar mou mer müesse t Träne zrog haute. Mini grossi Schwöster hed aber die ganzi Ziit brüelet…=) Nochem Rengtusch esch des zwöite Lied cho ond das hed so perfekt zo de Red passet vom Zivilstandsbeamte aus hätted mer gwösst was är verzöut. Ah jo ond öbrigends mini Onderschreft esch ned so toll usecho, aber was söus…=)

Bem usecho usem Rothus send vier Spalliergäst detegstande ond mer hend sooooo freud gha, mer hend eigentlech niemert erwartet gha ond hend darum umso meh fröid gha. Nocheme chorze Schwaz met eusne Spalliergäst semer witer is Resti. Det esch för eus uf de Terasse för eus Teschet gseh met mine säubergmachte Teschchärtli wo jo perfekt zo mim Chleid passend hend. Hihi…
Noch es paar Gläsli Wisswi esch t Stemmig emmer besser worde ond eusi Familie ond TZ alli hend sech super verstande. Zum Dessert esch es langsam frösch worde ond mer hend döffe is Resti ine zögle.
Es esch e super glonge Tag gseh. Eusi TZ hed eus de no heigfahre.

Deheime acho esch de Briefchaste scho anderst agschrebe gseh aber met mim Ledigename aus Familiename…hihi…ond vor de Hustöre hend es liebs Kollegepäärli es Plakatufgänkt gha met Glöckwönsch. Es esch wahnsennig…die velle liebe SMS ond FB Nochrechte wo mer öbercho hend ond emmer no öberchömed. Es esch öberwäutigend, wie sehr sech t Lüt för eim freuied. För eus hed de Tag zo 100 % gstomme ond omsomeh freued mer eus uf eueses Cherchleche Hochzig am 31. August…

Zuletzt bearbeitet am 17.08.13 08:30

Ond das esch mi wonderschöni Brutstruss förs zivile gseh.
E Brutstruss in Härzform ond inkl. Brombeeri...eifach e Troum...

Datei-Anhänge

20130817_083932_resized_1.jpg (86x) Mime-Type: image/jpeg, 126 kB

Hoi Canoa, merci viu mau für de wunderschöni Bricht!!
I wünsche euch beidne aues Guete!!

Schöni Struss u ne mega gueti Idee mit de Fründschaftsringe