Hallo Carmile, ich wünsche dir eine tolle und unvergessliche Hochzeit!

Hey Carmile

Danke für dini letschte Wort vor de Hochziit.
Ich wünsch dr ebefalls ganz e schöni Vorhochziitsziit ganz ohni Stress und nur mit dim Schatz. Alles Gueti für de Dunschtig und vil Spass mit vil schöni Erinnerige für eues Tiffany-Wedding à-la Carmile am Samstig. SWetter schint mitzmache und ich werd ebefalls a dich denke am Samstig :)

Ganz en liäbe Gruess,
cosmologia


##Zivil am 10 Juni 2010 -- Trauung am 10 Juli 2010##

hi zämä

ui, danke für di vile biträg. jetzt machi aber würkli schluss mit forum für hüt :-) bin nienets hi cho. hend vorig de tanz nomol güäbt und us me kurze übe sind 2 stund worde. däfür hend mer jetzt no sonen eignige part inebrocht, chli hip hop freestyle :-) hoff es chunt guet und mer vergesset am hochzit nünt. immerhin funktioniert de walzer fäng wie im schlof. isch guet hend mer mol es paar wuche pause gmacht, das hät wunder gwirkt.

uu, und jetzt hani no es riese chaos ide wohnig und han doch alles welle ufgrumt und putzt ha bis morn, oje. will mer kei lust uf choche gha hend, sind mer hüt obet in mac..so abem unterrock wo i vorig agha han, muesi glaub chli luege dass i nöd me futter, sus isch mer skleid zeng :-) villicht hanis glich es bitz übertribe mit glaces di letscht zit und es halbs kilo zuegnoh, kei ahnig. hend kei waag dihei. aber fühlt sich so a.

so, ab jetzt hau mer selber ufd finger wenn i will online go. würd sägä demfall bis bald, i chum denn am so. obet wieder online tschauuu

Liebi Carmile

Mir isch es genau glich gange die letschte paar Täg vor de Hochziit, alli Deko Sache und so sind mir nüme so wichtig gsi und ich han mich richtig uf euses grosse Fest chöne freue, han das au erstunlich gfunde und hetti denkt ich wirde voll am hypere si die Täg devor. Aber bin froh gsi, hanis mit mim Maa no chli chöne gnüsse!

Ich wünsch eu morn und denn au am Samstig en wunderschöne Tag, suuged jede Moment i eu ine und nüssed jede Augeblick! Es sind so wahnsinns Gfühl, eifach unbeschrieblich, ich chum immer no feuchti Auge über, wenni so drüber schrieb!

Alles, alles Gueti eu zwei und bin natürlich au scho sehr gspannt uf din Bricht!


Am 05.06.2010 wird euse Troim wahr

Liäbi Carmile
Ganz e wunderschöne 1. Teil vom Start i de wundervolli negsti Läbesabschnitt. S Wetter gset ja scho mal sunnig us u das isch doch es super vorzeiche
u viele liebe dank für die heisse Tips für t Moneybox. I bi immerno dran aber bi mit em bisherige Resultat mega happy
Gnüss es
Glg Soraya

Liebe Carmile

Auch ich schliesse mich an und wünsche dir wundervolle Tage und dass alles so kommt wie du dir das wünscht...

Lg Palchen