So, heute ist nun euer grosser und langersehnter Tag! Ich wünsche euch ein wunderschönes Hochzeitsfest und alles alles gute! Das Wetter ist ja zumindest schon mal perfekt ;-) **wir heiraten am 29. Juli 2010 zivil und am 31. Juli 2010 kirchlich**
Halloooooooooo.......... Schon ist auch dein grosser Tiffanys-Tag vorbei, wahnsinn gell, man plant solange, hofft, bangt und dann schwuups ists vorbei.... Ich warte voller Vorfreude auf deinen Bericht....Schwebst du noch auf Wolke 7????
Ich wünsche euch von Herzen, alles, alles Liebe und alles Glück auf eurem weiteren gemeinsamen Lebensweg.....
Herzliche Dank für all euri Biträg. Di letschte Täg hani jo wie dozmol gseit bewusst uf Handy, Internet und co. verzichtet und die Zit eifach so richtig gnosse und versuecht jedi Minute intensiv wahrzneh.
Hmm, wo soll i denn jetzt überhaupt afange verzelle? es git soviel schöni Moment. Guet, fanget mer mol bide zivile Trauuig vom Do. a. I bin weder dNacht dävor no am Morge nervös gsi, überhaupt nix, han mi eifach gfreut. Das hät mi scho mol überrascht. Denn bini zu minre Coiffeuse wo mer e schöni Frisur gmacht hät. Han mi zwor zerst mol chli möse dra gwöhne, aber das isch bi mir normal :-)
Däno sind mer zu mine Eltre go zmittag esse. Woww, es hät mi so grührt, sie hend sich sone Müäh geh. Hend extra im Garte usse e Tafle deckt mit cremefarbene Hochzitsserviette, Tischtuech, Blümlis etc., denn häts feins selber gmachts Vitello Tonnato (schribt me das so?:-)) geh, e Uswahl a Salot und mini Eltre hend mi immer und immer wieder mit Tränä ide Auge aglluegt und gseit i gsechi so schön us und sie freuet sich so für üs. Das hät mi so grührt. Han scho denkt, oje, das fangt jo guet a
Plötzlich isch denn Zit knapp worde und mer hend üs i üsi Klamotte möse stürze. Min Schatz hät mi denn no mit me schöne Bluemestruss überrascht. Denn isch es ab nach Arbon gange, wo mer em sini Family und üsi Trauzüge und andere Groomsmen troffe hend. Döt bini mit de Zit immer nervöser worde, weder wäg dä Organisation, no wäg em hürote an sich sondern me will mi alles so grührt hät, bin en totale sentimentale Huffe gsi die Tage. Hehe. Min Grossvater isch au ase herzig gsi und hät ständig Fötelis wölle mit mir mache. Zerst sind denn Gäst inegschritte zu üsere amerikanische Musik. Wo mer denn ufem rote Teppich gwartet hend ufs Zeiche, dass mer loschönd, isch es um mi passiert und i han wie en Schlosshund afange loshüle. Hans so schön gfunde, bin so grührt gsi wäg dä Musik. Dine han mi denn langsam beruhigt und han mi sehr über di würkli schön Trauuig vode Sandra Wild, wo jo bi Musicstar däbi gsi isch, gfreut. Sie hät e gueti Mischig us lustigem, ernsthaftem, berührendem jgfunde. Bin soo froh gsi dass es nöd nur berührendi Gedicht gsi sind, sondern au no es paar Facts übers Gebäude :-) damit mi chli han chönne erhole.
Ui und denn isch es losgange.sJa Wort. Ach herjee, han denkt, warum chan sie nöd mi zerst froge? Bin scho bi ihm sim Part grührt gsi wo er mit tüüfer STimm gantwortet hät mi me riese Kloss im Hals. I han kei gschids Wort usebrocht, es isch wohl me es schluchzends Jo gsi als sus was
Am emotionalste isch aber denn sGratuliere im wunderschön dekorierte Schlossstube gsi, wod Trauuig au gsi isch. dSerenade in D hät no sin Part bitreit, all sind so grührt gsi und sind überall Tränlis gflosse.
Beid Families sind so herzlich mitenand umgange, hend sich gfreut, sich id Arme gschlosse, es isch richtig schön gsi. Verusse hend mer denn jensti Fötelis gmacht, eis dävo isch das wo i eu aghenkt han. Han zwor immer no chli roti Äuglis :-)
Däno sind mer is Restaurant Rheinspitz im Alterhein go Zvieri esse. Obwohls zerst gseit hend verusse chönnets nöd für üs decke, was mi scho gnervt hät:-), hends denn doch e langi Tafle im Schatte gmacht. Das isch agnehm chüäl gsi a dem heisse Tag und mer sind schön für üs gsi.
Sind wohl all chli gschafft gsij vode viele Idrück, de Emotione und em heisse Wetter und mer hends denn gnosse bi Fleisch- und Käsplättlis, Wii und Kafi. Küäche und Dessert hät nöd mol öppert möge. Es hät mi denn sehr gfreut dass sin Vater üs das spontan hät welle zahle, lustigerwiis isch ihm mim Vater zuvor cho
Glücklich aber au chli gschafft sind mer denn no zu minere Family wo min Vater total Vollgas geh hät mit de beste Wii und Champagner usem Keller hole hät mi richtig gfreut, han gwüsst wieviel ihm die bedütet und er die extra für die Glägäheit füregholt hät. Isch en sehr en schöne, richtig liebevolle Obet worde. Unkompliziert i bequemer zemegwürflette Klamotte, will mi mis Kleid irgendwenn gnervt hät :-) -so schön dass es gsi isch.
Lustigerwiis bini de ganz Tag nöd so über drüber freudig druff gsi wie i denkt het, eher am still gnüsse. Bin au recht kaputt gsi vo allne Idrück, das hani chli schad gfunde und drum scho mol en Red Bull Vorrat für de Sa. kauft (wo i denn natürli prompt vergesse han). Yep und do chunt jetzt no sFoti.
Anmelden
es git soviel schöni Moment. Guet, fanget mer mol bide zivile Trauuig vom Do. a. I bin weder dNacht dävor no am Morge nervös gsi, überhaupt nix, han mi eifach gfreut. Das hät mi scho mol überrascht. Denn bini zu minre Coiffeuse wo mer e schöni Frisur gmacht hät. Han mi zwor zerst mol chli möse dra gwöhne, aber das isch bi mir normal :-) 
