meine güte i hätt nie meh als 150.- zahlt. de hätti's sälber ergendwie greiniged. 150.- esch mini schmärzgränze gsi! ;)
aso mis esch au ned es "mega chleid", ohni schleppe (evt en gaaanz miniiimi) ond ohni vell pompös, zemmli eifach.
i häts mer ebe au so vorgstellt das es rechtig suber werd, aber doh hed jo scho öpper gseid, echli gseht mers sowiso nochär no vom strosse dräck. ond ebe wenn mer's weiss gseht mers sowsio no. aso ech ben froh esches suber, au wenn mer's no miniiiim gseht. wel es esch werkli stei dräckig gsi onne döre
i han mer no en fläck währetem shooting gholt, ond all öh nei du besch dräckig, so schlemm esches garned gsi, mer heds scho gseh, aber s esch mer ehrlechgseid pip egal gsi ;)
juhuiii, di erste fötelis vo üsem superguete fotograf em richard overtoom sind acho und somit chani eu es paar zeige und no min bricht zum kirchliche hochzit schribe.
aalso. em tag vor em kirchliche hend mer am mittag schön im quellehof icheckt und sind zerst mol superpositiv vom service überrascht gsi. sofort hät üs die guet dame am empfang min struss vom zivile abgnoh, inere schöne vase im zimmer platziert und mer hend zerst mol je es gläslis champagner ufde terasse chönne gnüsse. de quellehof für 2 nächt zneh isch di absolut richtig wahl gsi, mer hend üs total verwöhnt gfühlt und i han echt selte sonen guete service erlebt, obwohl i scho i einige guete hotels gsi bin.
lustig isch denn gsi dass gad mini best fründin und ihre fründ a üs verbi spaziert sind ufde terasse, eigentlich hends jo zum treffe mit minere schwö und ihrem fründ wölle und somit isch es für sie ungäbig gsi, dass mers mit schwätzä ufghalte hend
mer hend denn langsam is zimmer welle ichecke will mer de spa berich hend welle go nutze, aber szimmer isch halt um 12 nonig parat gsi. guet, keis problem, denn gönd mer doch mit de andere vier go esse. ab edere idee sinds recht is spuehle grote wills e überraschig plant hend wo mer nöd hend dörfe merke. mit ach und krach hät mi mini fründin devo chönne abhalte zum scho was futtere, mer hend somit scho es bitz gahnt, dass es demfall was feins ufem zimmer hät :-)
ui und denn chämet mer i das schöne grosse grand deluxe zimmer ine mit grossem balkon und tollem bad und was gsehnd mer? sonen herzige, liebevoll parat gmachte picknickkorb (hehe, han mer sit johre soe eine gwünscht). selber gmachts salötli im glas, en wii, holzbrättli, frisches brot, eifach jenstes. han mi so gfreut und bin total grührt gsi ab dere herzige geste vo minere schwö.
noch me tolle wellness ufenthalt, mer sind fast di einzige gsi bi dem heisse wetter, sind mer denn am obet is schöne asiatische resti go esse. mer hend de tag nomol revue passiere loh und sind mega überrascht gsi wo de kellner 2 gläser champus bringt mit me couvert. jo und denn hani nöd schlecht gstunet, es seg e überraschig vo minere schwö und ihrem fründ, sie möchtet üs en grosse betrag an hochzitsfilm hi zahle. woww, do sind mer fast tränä cho. mer hend denn sicher e halb stund gschwärmt dävo wie herzig und schön das seg (hihi, zum glück). und hend üs denn no mit ihne ufen schlummertrunk welle treffe. lustigerwiis sind sie im resti näbetzue, au verusse, genau hinter so hohem schilf gsässä und hend alles mitbecho. haha, zum glück hend mer nur guets verzellt. so glatt. für die lüt wo üs beid hend chönne beobachte isch das glaub no en spannende obet gsi.
bis zu dem zitpunkt bini recht relaxt gsi, aber zmitts im esse isch mer schlecht worde. bin soo kribbelig worde und mer isch fast jede biss im muul stecke blibe. ui, denn bini froh gsi dass mini lieb trauzügin und ihre fründ no zu üs ufs zimmer cho sind und mer ufem balkon ufde liegestüähl gsässä sind, mit kuscheldeckene und ihne hend vo üsere nespresso maschine im zimmer käfelis useloh, das hät mi denn abglenkt.
gschlofe hend mer super dnacht druff, kei bösi träum vo wägä ohni brutkleid id kirche oder sowas :-9 knapp vor em wecker lüte bini ufgwachet. ui und denn de zmorge, es gigantisches früähstück. leider hanis nöd so chönne gnösse. bin so zittrig nervös druff gsi und han mer guet überleit was i harmloses chan esse, damit mer jo nöd schlecht wird :-)
damits eu jetzt nöd langwilig werd vor luter lese :-) zerst mol es paar fotos.
mer hend üs denn um kurz vor nüni mit em fotograf und ich mi mit de drü bridesmaids troffe. denn isch es ab zum coiffeur wo mer denn mit gmischte gfühl gsässä sind. es isch toll gsi zum sich frisiere und schminke loh, aber datmosphäre isch irgendwie nöd so freudig, locker gsi. wo er mer denn zerst no e frisur gmacht hät hinte wo mer gar nöd gfalle hät, bini scho chli sauer gsi. anschinend hett ich sölle dfotos mitneh vom probefrisiere, het eigentlich erwartet dass es im service drin lit dass er sich es paar notize macht.
schlussendlich isch denn alles guet usecho und mer sind scho mol mit ere verspötig (mer hend fast 2.5h für üs vier brucht. wills denn no falsch ikalkuliert hend und no e kundin hend däzwüschet möse neh, isch es länger gange) ufs zimmer. döt han mer denkt dass alles viel ruhiger, friedlicher verlauft. für mi isch es me es gestresse gsi. all durenand gredt, überall bridesmaids kleidlis, schueh und schminkzüg, all hend hilf brucht und erst kurz vor em zwölfi bini denn i mis kleid gschlüpft.
jo und denn isch nöd de erwarteti (villicht genau drum :-)) wow effekt cho wo i in spiegel gluegt han. viel eher bini schlecht druff gsi und es hät mer nöd würkli gfalle. isch mer zu kitschig gsi, too much schminki, di falsche wimpere, sglitzer überall und denn hät mer de coiffeur nochher no glitzer puder ufd huut tue ohni froge, hans zerst gar nöd realisiert..ui, denn isch es verbi gsi mit gueter lune. es hät zwor alles schön usgseh, jetzt au so im nochhinein, aber i dem moment, han mer gar nöd gfalle.
denn lütet no min schatz a, genau a dem ort wo mer üs zum erste mal hend welle treffe, ide mitti vom quellehof park, seg es anders brutpaar. na toll. mit verspötig bini denn mit em richard, em fotograf (wow, han so freud ab de bilder, hammer arbet gleistet!!!) abedüset. sander brutpaar isch zum glück weg gsi. und denn, do isch min zuekünftige gstande, ganz nervös mit de sunnebrille ide mitti vom park und i bin langsam uf ihn zueglaufe, mer sind nur no tränlis abeglaufe. min onkel hät denn de spezielle moment gfilmet. i bin richtig happy gsi ihnz gseh und glichzitig total unglücklich. mer isch alles zviel gsi, das outfit, soviel gäst und i han denkt, jetzt wenig lüt mit üs am strand ide usa, das kleid, aber barfuess ohni viel glamour. tja, bin immer so, versau mer immer di schönste moment selber :-) er isch und isch mer eifach nöd entgegecho und bin immer nervsöer gsi. i glaub er hät wurzle gschlage vor ufregig und hät mi eifach agstunet und isch schier sprachlos gsi. han ihm wohl sehr guet gfalle lustigerwiis hani i dem moment as forum, a eu denkt. all hend gseit er seget überschüttet worde mit "du gsehsch soo schön us" etc. hehe.
denn hend mer paarfötelis im park gmacht, all die wo er do gsehnd. es isch leider nöd ganz so romantisch ruhig gsi wie mer das vorgstellt ha :-) bi 35 grad im schatte hend mer nur unter de bäum möge pose, glichzitig no filme isch ndö di best idee gsi (video= dynamisch, fotos = statisch) und denn sind scho üsi eltre und helferlis cho.
mis mami hät wunderschön usgseh im kleid wo sie extra mir zlieb kauft hät, allgemein, au dbridesmaids und groomsmen hend suuuper usgseh, di ganz müäh hät sich total glohnt hani gfunde. fotos vo ihne hani leider nonig.
also hend mer no mit allne zeme gfötelet bis es denn langsam zit worde isch.
do sind mer gad no sehr grüährt gsi wie me villicht gseht :-)
und do üsi schöne blueme. wow, bin so froh han mer do so viel zit gno. dfarbe hend perfekt zude bridesmaids kleidlis passt und es isch genau das coral pink gsi wo mer gwünscht han. nöd es rosa.
Anmelden
